Татарстанда М7 трассасында Таулар торак пункты янында 4 май, көндез, җитди юл-транспорт һәлакәте теркәлде. Авариядә Чаллының полиция җитәкчесе урынбасары Данис Садыйковның гомере өзелде. Аңа 55 яшь булган.
Әлеге фаҗига М-7 юлының 916нчы километрында, Балык Бистәсе районының Алан һәм Таулар авыллары арасында була.
Hyundai маркалы автомобиль трассада хәрәкәт иткән вакытта юл кырыена төшеп китә һәм машина әйләнеп каплана.
Машинада — Данис Садыйков була. Ул Казаннан Чаллыга кайтып барган җирдән һәлак була.