Продюсер, Рәшит Ваһапов исемендәге фонд җитәкчесе Рифат Фәттахов «Халык җәүһәрләре» проектының киләчәге турында нинди фикердә булуын әйтте.
– «Халык җәүһәрләре»нең халык тарафыннан җылы кабул ителәсенә минем шигем юк иде. Әмма бу кадәр дәрәҗәдә булыр, дип уйламаган идем! Һичшиксез, бу проект дәвам итәчәк! Әйтик, якын көннәрдә барлык музыкаль мәйданнарда «Халык җәүһәрләре» җырларыннан тупланган альбом дөнья күрәчәк. Ә көзгә гастрольләребезне дәвам итәргә һәм конкурс-фестиваль башлап җибәрергә уйлыйбыз.
