Бу хакта Андрей Разин хәбәр иткән.
Андрей Разин социаль челтәрләрдә Юрий Шатуновның үлемендә гаепле кешене атады. Аның сүзләренә караганда, җаваплылык Ставрополь крае суды судьясында. Ул Юрий файдасына карар чыгарган һәм аңа «Ласковый май» төркеме җырларына хокукны тапшырган.
«Бу Юрий файдасына законсыз карар чыгарган ялган хөкем, шул рәвешле аны ышандырган һәм аның нинди дә булса хокуклары бар дип, аны ялгыштырган. Ул аңлы рәвештә, үз теләге белән Юрий Шатуновка чит милекне тапшырды», — дип язган Разин.
Судьяның вердикты җырчының хис-тойгыларында чагылыш тапкан.
«Минемчә, бу карар Юраны нык дулкынландырды, зур һәм авыр гастроль графигы фонында аның тормыштан китүенә йогынты ясады», — дип өстәде Разин.
Ул судьяларның югары квалификация коллегиясенә шикаять бирәчәк һәм әлеге судьяны федераль статустан мәхрүм итү турындагы мәсьәләне куячак.
Юрий Шатунов 23 июньдә 48 яшендә вафат булды.
чыганак: https://kiziltan.ru/articles/shehes/2022-07-07/shatunovny-lemend-gaeple-keshe-bilgele-2866384