Красноярск краеның мобилизацияләнгән дүрт кешесе һәлак булган, дип хәбәр итә «Взгляд Инфо» һәм «Власть труда» җирле басмалары.
Алар мәгълүматы буенча, ким дигәндә, өч һәлак булучы Минусинск шәһәреннән булган, тагын берсе — Минусинск янындагы Зеленый Бор бистәсеннән.
«26 сентябрьдә оркестр авазлары астында автобусларга утырган һәм Омскига укырга киткән ир-атлар инде бер атнадан алгы сызыкта булып чыктылар: туганнарыннан алынган «Взгляд Инфо» мәгълүматлары буенча, алар барысы да Херсон өлкәсендә 5 һәм 7 октябрьдә һәлак булганнар. Үлем сәбәпләре әлегә әйтелми «, — дип яза басма.
Һәлак булганнарның иң кечесенә 23 яшь иде, өлкәненә — 40 яшь, дип хәбәр итә «Взгляд Инфо».