Татар эстрадасының яшь артисты Регина Тимербулатова әни булган! Бу хакта ул социаль челтәрләрнең берсендә алып барган сәхифәсендә әйтте. Әтиләр көнендә ул тормыш иптәшен котлады һәм йөкле чагында булган фотосын урнаштырды.
– 3 сентябрь көнне Республика клиник хастаханәсенең перинаталь үзәгендә улыбыз дөньяга килде. Әтисе белән уйлаштык та, аңа Әмин дип исем кушарга булдык. Әни булу – зур бәхет, дөньядагы барлык хатын-кызга да бу хисне татырга насыйп булсын», — ди яшь җырчы.
