Татарстанның атказанган артисты Гөлнара Тимерҗанованың бер яңалыгы бар. Ул исемен үзгәрткән. Бу хакта җырчы «ТНВ»ның «Манзара тапшыруында хәбәр итте.
– Әйе, исемемне үзгәрттем. Тормышның кыенлыклары шушы исемемә бәйле дип анализлаштырдым. «Гөлнара» ямьсез исем түгел, тамашачыларны үпкәләтәсем килми. «Гөлнара» исемле кызлар бик күп бит инде алар. 75 елны әлеге исем бик популяр булган. Әйе, бер яктан «гранат чәчәге», әмма ул «»ут чәчәге» дигәнне дә аңлата.
Начарлык эшләмәсә дә, тырышып эшләсә дә бөтен нәрсәнең авырлыклар һәм кыенлыклар аша бирелүеннән туйган җырчы әлеге адымга барган. Моңа кадәр аңа хәзрәтләр дә исемен алыштырырга киңәш биргән булганнар. Хәзер аның исеме – Наймә. Исемен алыштырганнан соң җырчының тормышында яхшы якка үзгәрешләр башланган.
чыганак: https://vatantat.ru/2022/11/97316/