Яңа елның беренче аенда һава температурасы нормага якын булачак. Казан федераль университеты доценты Тимур Әүһәдиев, Россия Гидрометеоүзәге фаразларына таянып, КФУ медиапорталы хәбәрчесе белән әңгәмәсендә шулай дип сөйләп үткән.
Бүген – 31 декабрь көнне һава температурасы -5 градус, бәйрәм көнендә -6 градус булачак. Кар көтелә. Якшәмбе – 1 гыйнварда көндезге температура -1 градус чамасы тәшкил итәчәк. Төнге сәгатьләрдә дә бу күрсәткеч үзгәрмәячәк. Аз гына кар яаып үтәчәк.
Дүшәмбе – 2 гыйнварда көндез -1 градус, төнлә -7 градус чамасы. Сишәмбе – 3 гыйнварда явым-төшемсез болытлы һава. Көндез -6, төнлә -11 градус.
Тимур Әүһәдиев әйтүенчә, гыйнвар аенда һава температурасы нормага якын булып, айлык уртача температура -10,1 градус тәшкил итәчәк.
чыганак: https://vatantat.ru/2022/12/101265/