2 февральдән Казан һәм Ташкент арасында даими авиарейслар җибәрелде. Очышлар атнага бер тапкыр башкарылачак, дип хәбәр итә Казан мэриясе матбугат хезмәте.
Ташкенттан очып китү чәршәмбе көнне 23:50 сәгатьтә планлаштырыла, ТР башкаласына килү икенче көнне 1:10 сәгатьтә көтелә. Казан аэропортыннан авиалайнер пәнҗешәмбе көнне 2:40 сәгатьтә китә һәм Үзбәкстан башкаласына 7:50 сәгатьтә киләчәк.
Пассажирлар юлда якынча 3 сәгать булачак. Һәр аэропорт өчен җирле вакыт күрсәтелгән.
Казан аэропортының матбугат хезмәте хәбәр иткәнчә, рейсларны үзбәк авиакомпаниясе Panorama Airways башкарачак. Пассажирларга 144 кешегә исәпләнгән Airbus A320 тибындагы самолетлар хезмәт күрсәтәчәк.