Башкортстанда, Баймак районында сәер һәм шул ук вакытта коточкыч хәл булган.
Бу кичтә ир белән хатын күршеләрендә хәмер эчә. Кайтканда хатын карга егыла һәм аны өйгә күтәреп алып кайтырга туры килә – иргә бу эштә күршесе булыша. Хатынны диванга кертеп салып, ире сарайга мал-туар ашатырга чыгып китә.
Ярты сәгатьтән соң ир кире керсә, ул хатынының аңсыз ятуын, ә авызыннан теле чыкканын күргән. Ул куркып, тормыш иптәшенә беренче ярдәм күрсәтергә тырыша башлаган – муенын ышкыган, авызына өргән, йөрәгенә турыдан-туры массаж ясаган һәм аякларына бастырган. Бу бер сәгать ярым дәвам иткән. Нәтиҗәгә ирешә алмыйча, ире күршеләреннән ярдәм сорый, ә тегеләре медикларны чакыра. Урынга килгән фельдшер хатын-кызның үлемен теркәгән һәм аның тамагыннан теш протезын алган.
Судта ир кеше ясалма сулышны дөрес ясый белмәвен таныган. Ул мөстәкыйль «реанимация гамәлләре» вакытында хатынын очраклы рәвештә буып үтерә алуын да әйткән. Нәтиҗәдә, экспертлар тамакка эләккән теш протезының үлем сәбәбе була алмавын таный, чөнки кеше борын аша сулый ала. Суд шулай ук авыл кешесенең үлеме аның тормыш иптәшенең уңышсыз гамәлләре аркасында килеп чыккан, дигән карар чыгарган. Ирне саксызлык аркасында үлемгә китерүдә гаепле дип тапканнар һәм бер елга иреген чикләгәннәр.
чыганак: https://kiziltan.ru/articles/donja/2023-03-09/yard-m-k-rs-terg-tel-p-buyp-terg-n-3170747