Татарстанның атказанган артисты Әнвәр Нургалиев туганы, фаҗигале төстә һәлак булган Диана Сәфәрова истәлегенә багышлап җыр чыгарган.
– Әлегә кәеф шулайрак… Күкрәгемдә таш асылынып торган шикелле! Кайда йөрсәм дә туганымның йөзе күз алдымда!
Бу җырны күптән яздырган идем. 2022 елның 3 сентябрендә иде! Күрәсең, вакыты бүген булган!
Бер әйбер генә әйтәсем килә: якыннарыгызны ешрак кочаклагыз. Үзем Диана туганымны яратсам да, бик сирәк кочакладым… — дип яза җырчы.