Авариядә кеше үлеменә китергән актер Михаил Ефремов махсус хәрби операциягә җибәрүләрен сораган. Бу хакта артистның дусты Иван Охлобыстин Metametrica Youtube-проектында сөйләп үткән.
“Ул махсус хәрби операциягә китәргә теләгән, әмма аны алмаганнар. Өлкән яшьтә, авыру кеше… Шундый фаҗигагә юлыккан, күпне күргән, күпне кичергән…”, – дигән Охлобыстин.
“Интерны” йолдызы билгеләп үткәнчә, Ефремов – даһи актер һәм режиссер, шуңа күрә аңа ул тизрәк сәхнәгә әйләнеп кайтуын тели.
Исегезгә төшерәбез: Михаил Ефремов 2020 елда юл-транспорт фаҗигасендә бер кешенең һәлак булуына китерүе сәбәпле, 7,5 елга төрмә җәзасына хөкем ителде. Актерның авария китереп чыгаруы исерек хәлдә рульгә утыруына бәйле.