Алар яшь гаиләләрнең тормышын ничек үзгәртәчәк?
Вакытыннан алда эшкә чыккан әниләр яшь ярымга исәпләнгән балага страховка түләвен ала алачак, ә уртача җан башына керемнәре яшәү минимумыннан түбән булган гаиләләргә, хәтта керемнәре үзгәргән очракта да, ел дәвамында балаларга айлык пособие түләвен дәвам итәчәк, дип хәбәр итте журналистларга хезмәт һәм социаль яклау министры Антон Котяков, дип хәбәр итә.
Котяков аңлатканча, баланы яшь ярымга кадәр карау буенча пособие — ул Социаль фонд акчаларыннан страховка түләве, аның күләме ананың бала туганчыга кадәр хезмәт хакына бәйле.
Җан башына уртача кереме яшәү минимумыннан түбән булган гаиләләргә 12 айлык срокка билгеләнгән бердәм балалар пособиесенә килгәндә, бер ел эчендә әтисенең, әнисенең яки икесенең дә кереме үзгәргән очракта да, аны түләүне дәвам итәчәкләр, диде министр.
2023 елда федераль дәрәҗәдә яшәү минимумы 14 375 сум күләмендә билгеләнгән. Һәр ел саен үз яшәү минимумын шулай ук төбәкләр билгели.
чыганак: https://kiziltan.ru/articles/social/2023-06-20/balalar-posobiel-ren-bilgel-d-m-im-zg-reshl-r-3306012