Бавыр эшчәнлеген яхшырту өчен 50 грамм булса да эремчек ашарга кирәк.
Сәламәт булмаган яшәү рәвеше алып баручы кешенең бавыр читлекләрендә акрынлап май җыела башлый. Аны киметергә метионин — эремчектә булган аминокислота ярдәм итә, дип сөйләгән табиб-диетолог Нурия Дианова.
«Бу аминокислота бавыр, бавыр авырулары белән бик яхшы көрәшә. Мин метионин бавырда майның кимүенә ярдәм итә дип әйтер идем. Фәнгә нигезләнсәк, эремчек бавыр күзәнәкләренең метаболизмын яхшырта», — дип ачыклык керткән диетолог.
Шуңа күрә көн саен кешегә кимендә 50 грамм эремчек ашарга киңәш ителә, ди ул.
«Минем фикеремчә, эремчекне теләсә кайсы вакытта ашарга була, әмма порцияләрдә аерма бар. Иртәнге ашка 50 грамм эремчек җитә. Төшке аш вакытында 100 грамм, кичке ашка шулкадәр үк ашарга була», — диде Дианова.
Аның сүзләренчә, эремчек составында кеше организм өчен файдалы матдәләр җыелмасы бар.
чыганак: https://vatantat.ru/2023/07/81037/