Башкортстанда, Белоретта яшәүчеләр полиция хезмәткәрләренә Киров урамындагы йортның бер фатирында коточкыч хәлләр турында хәбәр итә.
Шаһитлар әйтүенчә, даими рәвештә алкоголь кулланган ир анасын гел җәзалап торган.
Беренчел мәгълүматлар буенча, фатирда 75 яшьлек инвалид хатын һәм аның 52 яшьлек эшсез улы яши. Пенсионер берничә ай инде караваттан тора алмый, аңа даими карау кирәк. Эчкән улы еш кына агрессив була, әнисен җәфалый. Аның сүзләренчә, ул кайвакыт аны ашатмый, үтерү белән яный, аны карап торган күршесен өйгә кертми. 3 июльдә ир сүздән эшкә күчә — әнисенең йөзенә мендәр белән баса һәм үтерергә маташа. Хатын ярдәм сорап кычкыра ала, балкон ачык булганлыктан, улы, аларны ишетерләр дип куркып, корбанын җибәрә.
Тиздән аны полиция хезмәткәрләре тоткарлый. Ир-ат әнисе аңа эчәргә рөхсәт итмәвен, әмма аны үтерергә җыенмавын аңлата. Алга таба күрсәтмәләр бирүдән баш тарта.
Аның элегрәк тә әнисен кимсетүе, аны төртеп егуы, шуның аркасында ананың йөри алмавы ачыкланган. Хәзер эш судта.
чыганак: https://kiziltan.ru/articles/donja/2023-07-06/min-ana-bit-balam-3330020