Көз көне яңа сезонда «ТНВ-Татарстан» һәм «ТНВ-Планета» телеканалларында чыгачак «Юллар чатында» сериалы геройлары белән таныштыруны дәвам итәбез. Эстрадабызның популяр артисты Айлин белән интервью тәкъдим итәбез.
«Татар эстрадасында җырчы буларак билгеле булсам да, һөнәрем буенча мин — актриса. Шундый проектларда студент чагымда катнашканым булды. Татарстан кинематографиясе соңгы елларда зур үсеш ала. Бу бик тә куаныч. «Юллар чатында» проектында җитәкчеләр, режиссер, төшерү төркеме алып барган эшләре бик тә ошый. Проектка чакырулары өчен бик рәхмәтлемен, бик тә куандым», — дип сөйләде Айлин.