Җырчы күптән түгел хатыны Эльмира (Тәтишка) белән аерылуы турында хәбәр итте. Шушы көннәрдә Питрәчтә концерт вакытында җырчы Фирдүс Тямаев аларны дуслаштырып та карады, хәтта сәхнәдә Ришатны тезләндереп, «яратам» дип әйттерде.
– Фирдүс братка рәхмәт анысы. Тик Тәтишка белән без бергә түгел, — дип аңлатты Ришат Фазлыйәхмәтов.
– Питрәчтә бик эмоциональ чара булды. Әле һаман аңга килеп булмый. Концертка эшләргә дип барган идем, кәләш булып кайтып китә яздым. Барысы да шулай гади генә булса иде, — дигән Эльмира.