Әлмәттә бер ир-ат, акча биреп, үсмерләрне бозыклыкка этәргән: башта ул аларны тәм-том белән сыйлаган. Бу хакта «Әлмәт яңалыклары» сайты хәбәр итә.
Әлмәттә 28 яшьлек ир-атны тоткарлаганнар. Ул үсмерләргә карата әхлаксыз гамәлләр кылуда гаепләнелә. “Новости Альметьевска” хәбәрчесенә Эчке эшләр министрлыгыннан белдерелгәнчә, аны үзенең торагында тоткарлаганнар. Ир үз корбаннарын фатирында “мәхәббәткә өйрәткән” булса кирәк.
Ир-ат балалар белән танышуны тәм-томнар белән сыйлаудан башлаган. Шуннан, бергәләшеп, компьютер уеннарына тартып керткән, фильмнар карау оештырган. Ахырдан, акча биреп, җенси якынлыкка этәргән.
чыганак: https://vatantat.ru/2023/08/119850/