Пермь-Екатеринбург юлында “Уралец-ТС” клубы футболчылары утырган автомобиль һәлакәткә очраган.
Футболчыларның “Лада Приора” автомобиле, каршы як полосага чыгып, “Газель”гә килеп бәрелгән. Фаҗигадә 33 яшьлек футболист Евгений Ситниковның гомере өзелгән. Тагын 3 уенчыга – Кирилл Кочетов, Денис Федорочев һәм Кирилл Мыльниковка зыян килгән. Соңрак футбол клубының матбугат хезмәте аныклап үткәнчә, Кочетов комада ята, Федорочев һәм Мельниковның хәле уртача.
Хәзерге вакытта юлдагы авария очрагы буенча тикшерү үткәрелә. Җинаять эше кузгату мәсьәләсе карала.
чыганак: https://vatantat.ru/2023/10/124987/ ТАТАР ТУДЕЙ ТЕЛЕГРАМ КАНАЛЫ - https://t.me/tatartoday