Япония диетологы Масахиро Ивасаки организмда «начар» холестерин дәрәҗәсен киметергә сәләтле яшелчәләрне атаган.
Белгеч әйтүенчә, һәр яшелчәдә төрле антиоксидант кушылмалары бар. Аларның берсе – капсантин. Ул кызыл болгар борычы һәм чили борычының төсе өчен җаваплы.
Бу антиоксидант бик көчле. Тикшеренүләр күрсәткәнчә, капсантин организмда «яхшы» холестерин дәрәҗәсен күтәрә һәм «начар»ы белән көрәшә.
Диетолог иң яхшысы дип кызыл болгар борычын саный. Анда шулай ук күп күләмдә С витамины бар, хәтта лимоннан ике тапкыр күбрәк.
Чыганак: https://vatantat.ru/2024/02/135532/ ТАТАР ТУДЕЙ ТЕЛЕГРАМ КАНАЛЫ - https://t.me/tatartoday