Бәйрәм көннәрендә хыялыңны чынга ашыру икеләтә күңелле.
Ләйлә Галиева кыйммәтле машина хуҗасы булган һәм шатлыгы турында дусларына сөйләгән.
«Хыяллар һәм теләкләр исемлегенә тагын бер зур тамга салам. Бәйрәм көннәрендә хыялларыңны чынга ашыру икеләтә күңелле. Бу алга бару, үсеш һәм яңа үрләр яуларга, яңа бурычлар куярга тагын бер этәргеч булды», – дип язган ул.
Җырчы «Lexus» машинасы сатып алу мөмкинлеге бирүче челтәрле бизнес компаниясенә, остазларына, гаиләсенә, ире Рөстәмгә рәхмәт белдергән.
Күптән түгел генә Ләйләнең пластик операция ясатуы турында язган идек. Тагын да матурланып, яшәреп киткән җырчыга затлы машина бик тә килешә.
Без дә бу шатлыкны чын күңелдән уртаклашабыз.
чыганак: https://kiziltan.ru/articles/kultura/2024-03-10/l-yl-ne-shatlygyn-urtaklashabyz-3675100 ТАТАР ТУДЕЙ ТЕЛЕГРАМ КАНАЛЫ - https://t.me/tatartoday