Русиянең атказанган артисты биеклектән сикереп үлгән. Әле күптән түгел генә бер-берегезне саклагыз, яратыгыз, дигән иде…
Мәскәүдә танылган опера һәм эстрада җырчысы Евгений Кунгуров үз-үзенә кул салган, аның гәүдәсен Мәскәү үзәгендәге Зоология урамындагы йорты янында табалар. Бу хакта 8 апрельдә 112 Telegram-каналы чыганакка сылтама белән хәбәр итә.
Ир-атны шәхси клиникаларның берсендә психиатрга йөргән. Һәлакәтнең шартлары ачыклана, урында ашыгыч хезмәтләр эшли.
Җырчының әтисе «Известия» белән сөйләшкәндә, хәл турында төгәл мәгълүмат булмавын хәбәр итә. Ул «аңа шалтыраттылар, әйттеләр» дип белдерә. Моннан тыш, «Известия» чыганагы Кунгуровның үлеме алдыннан хатыны Иринага язганлыгын хәбәр итә.
Евгений Кунгуров 1983 елның 18 июлендә туган. 2022 елның гыйнварыннан ноябренә кадәр Калининград өлкә музыка театрының даими солисты була, ә 2023 елның гыйнварында Русия җәмгыятенең иҗтимагый-сәяси тормышында актив катнашканы һәм аерым өлеш керткәне өчен Русия Президентының Рәхмәт хатын ала. Кунгуров — Русиянең атказанган артисты.
«Бер-берегезне саклагыз, бер-берегезгә ешрак шалтыратыгыз, әти-әниегезне, туган илегезне яратыгыз, чөнки без монда үскәнбез, монда безнең ата-бабаларыбыз күмелгән. Әгәр дә без буыннар тарафыннан барлыкка китерелгәннәрнең барысын бергә сакласак, барысы да искиткеч булачак», — дигән иде күптән түгел Кунгуров.
чыганак: https://kiziltan.ru/articles/donja/2024-04-09/bilgele-yrchy-z-zen-kul-salgan-3721257 ТАТАР ТУДЕЙ ТЕЛЕГРАМ КАНАЛЫ - https://t.me/tatartoday