19 яшьлек егет Уфадагы фатирыннан кибеткә генә чыккан була…
2018 елның 30 гыйнварында 17.00 сәгать тирәсендә Уфа нефть-техник университеты студенты Артур Газиев Менделеев урамындагы 211нче йорттан чыгып, гаип була. 6 елдан артык вакыт узды, ә аның турында бернинди хәбәр дә юк.
Егетнең туганнары аның серле югалуының беренче айларында сөйләгәнчә, ул фаҗигале көнне Артур чүп капчыклары сатып алу өчен кибеткә чыккан. Аның апасы Аида версиясе буенча, сәгатьтә якынча 16:45 булган. Артур күрше йортта урнашкан «Пятерочка»га киткән дип санала. Димәк, 15 минутлык юл. Ләкин вакыт үтә, ә Артур кайтмый.
Апасы студентның үзе белән кесә телефоны алуын белә, әмма ул берникадәр вакыттан соң сүндерелә. Аида Бәләбәй районының Приют бистәсендә әти-әнисе белән элемтәгә керә һәм энесенең югалуы турында сөйли. Икенче көнне туганнары полициягә югалу турында гариза белән мөрәҗәгать итә, ә берничә көннән соң студентны эзләүгә «Уфа — балаларны эзләү» отряды волонтерлары кушыла.
Соңрак журналистлар белән сөйләшкәндә гаилә башлыгы Роберт Газиев белдерүенчә, хокук саклау органнары Артурның телефонын «Фирма «Мир» тукталышы районына кадәр күзәткән, бу аның өеннән дүрт километр ераклыкта. Кичке 19-20 сәгатьләрдә сим-карта «керү зонасыннан читтә» була.
Бүгенге көндә Уфа үзәгендә югалган Артур Газиевны эзләү дәвам итә. «КП-Уфа» белән сөйләшүдә хәл белән таныш булган чыганак хәбәр иткәнчә, аның югалуы турында берничә версия бар, әмма төп версия барыбер үз-үзенә кул салу дип санала.
Шулай да Артур Газиевның исән булуы мөмкин, әмма ниндидер сәбәпләр аркасында өенә кайта алмый. Аерым алганда, ул коллыкка яки сектага эләккән дигән фаразлар бар. Артур Газиевны 6 ел һәм 2 айдан артык вакыт узгач та эзлиләр, ә туганнары аны исән-сау күрергә өметләнә.
чыганак: https://kiziltan.ru/articles/donja/2024-04-18/arturny-alty-el-ezlil-r-3732376 ТАТАР ТУДЕЙ ТЕЛЕГРАМ КАНАЛЫ - https://t.me/tatartoday