Россиянең Tele2 мобиль элемтә операторы үсештә булган һәм яңа торак комплексларны сыйфатлы элемтә, шулай ук мобиль интернет белән тәэмин итү проектын гамәлгә ашыруны дәвам итә. Мобиль оператор яңа төзелешләрдә һәм Казанның иске бистә районнарындагы инфраструктурага актив инвестицияләр кертә. Яхшыртулар исә республика башкаласының алты микрорайонында яшәүчеләргә кагылды инде.
Tele2 операторы Татарстанның эре шәһәрләрендә элемтә сыйфатын камилләштерү буенча программаны гамәлгә ашыруны дәвам итә. Гыйнвардан апрельгә кадәр белгечләр алты микрорайонда инфраструктураны яңарттылар, анда элегрәк трафикның системалы үсеше һәм челтәргә йөкләнешнең артуы билгеләнгән иде. Җиһазларны модернизацияләү һәм ешлыкларны яңадан бүлү буенча эшләр нәтиҗәсендә, Петр Полушкин урамы һәм Җиңү проспекты янындагы «Мой Ритм» торак комплексында, Бохара урамындагы «Яратам», «Родина» торак комплексларында, Авиатөзелеш районындагы «Остров» торак комплексында, шулай ук Азат Аббасов урамы янында «Весна» һәм «Весна-2» торак комплексларындагы элемтә сыйфаты яхшырды. Элемтә сыйфатын һәм мобиль Интернет тизлеген камилләштерү Казанда яшәүче 35 меңнән артык кешегә кагылды.
Мәгълүмат тапшыру тизлеге һәм элемтәнең тотрыклылыгы бинаның тышкы һәм эчке ягында да артты. Белгечләр микрорайоннарның үсеш темпларын һәм төзелеш тыгызлыгын исәпкә алып, сыйдырышлылык запасын булдырганнар. Челтәрнең ышанычлылыгы Казанның кайбер социаль объектлары һәм мәгариф учреждениеләре территориясендә дә артты: биредә сүз 6 балалар бакчасы һәм 185нче лицей турында бара. Үткәрелгән эшләр нәтиҗәсендә мобиль интернетның уртача тизлеге 15% ка артты.
Туларак: Теле 2 сайтында