Бүген кич һәм иртәгә Татарстанда һава шартларының шактый начарлануы көтелә. Бу хакта ТР Гидрометеорология үзәге кисәтә.
Пәнҗешәмбе кичендә һәм җомгага каршы төндә республикада җил урыны белән 15-17 м/с тизлектә көнбатыштан һәм көньяк-көнбатыштан исәчәк.
Җомга иртәсендә һәм көндез җил 15-20 м/с, урыны белән 23 м/с кадәр көчәя. Казанда җил тизлеге төнге сәгатьләрдә 15-17 м/с була, ә иртәнге һәм көндезге сәгатьләрдә 15-20 м/с ка җитә.
Моннан тыш, 10 майда тәүлекнең караңгы вакытында төбәк территориясендә һавада һәм туфракта 0..-5 градуска кадәр (ТР башкаласында -1..-3 градуска кадәр) кырау төшү ихтимал.
- Бофорт шкаласы буенча 13,9-17,1 м/с кадәр тизлектә җил – каты, 17,2-20,7 м/с кадәр тизлектә – бик каты, ә 20,8-24,4 м/с тизлектәге җил давыллы дип атала.
чыганак: https://tatar-inform.tatar/news/tatarstanda-kabat-davylly-il-ham-kyrau-kotela-5887359
ТАТАР ТУДЕЙ ТЕЛЕГРАМ КАНАЛЫ - https://t.me/tatartoday