30 гыйнварда Казандагы «Ярдәм» мәчете мәйданында урнашкан Рамазан чатыры җимерелгән. Сәбәбе — түбәсендә җыелган җепшек кар. Чатырның тузган конструкцияләре мондый авыр карны күтәрә алмаган.
Мәчет имамы Илдар Баязитов җитәкчелекнең әлеге проблема турында алдан ук белүе турында сөйләгән, ләкин чатырның әле күпмедер вакыт хезмәт итәчәгенә өметләнгән.
Яңа чатырны бик тиз төзергә туры киләчәк, чөнки Уразага кадәр өч айдан аз гына артык вакыт калып килә. Имам сүзләренчә, төзелешкә 7 млн. сум акча җыярга кирәк.
