Казанда инвалид баланың әнисе 45 нче маршрут автобусында булган күңелсез хәл турында сөйләде. Хатын-кыз сүзләренә караганда, автобус кондукторы салоннан баланың коляскасын чыгарып аткан. Хатын прокуратурага мөрәҗәгать итәргә һәм кондукторны эштән азат итәргә ниятли.
«Әгәр дә без колясканы чыгарып атканнарын күрмәгән булсак?» — дип зарлана хатын.
Бу хакта ТР АТП ассоциациясе рәисе Сергей Темляков аңлатма бирде.
«Кондуктор пассажирлардан өч тапкыр: «кем коляскасы?» дип сораган. Беркем дә җавап бирмәгән. Ни өчен ул кондуктор өч тапкыр «кем коляскасы » дип сорагач, әйтмәгәндер?», — диде Темляков.
Шуңа да карамастан, автотранспорт предприятиесендә хезмәт тикшерүе башланды, дип хәбәр итә «Татарстан-24».
Чыганак: Вечерняя Казань