Яшел Үзәндә Татарстан урамындагы 20 нче йорт подъездында төтен исе чыгуы турындагы хәбәр 101 нче янгын сүндерү номерына 18 декабрь көнне төнлә килгән.
Янгын сүндерүчеләр 9 нчы фатирдан төтен чыгуын ачыклаганнар. Диван яна башлаган икән
Беренче янгын расчетлары килгәнче үк өйдән мөстәкыйль рәвештә 10 кеше чыккан. 10, 5 һәм 3 яшьлек кыз балаларны бишенче каттагы тәрәзә аша коткарганнар. Аларны автобаскыч буйлап аска төшергәннәр. Тагын бер 75 яшьлек хатын-кызны махсус битлек кидереп урамга чыгарганнар.
Янгын сүндерү вакытында янгын сүндерүчеләр ике кешенең 92 яшьлек хатын-кыз һәм 65 яшьлек ир-атның үле гәүдәсен тапкан .
Янгын мәйданы 5 кв. метр тәшкил иткән. Беренчел фаразлар буенча, янгынның сәбәбе – тәмәке тартканда ут белән саксыз эш итү.
Чыганак: http://shahrikazan.ru/news/kyiskacha-yaңalyiklar/snderelmgn-tmke-arkasynda-ike-keshe-lak-bulgan