Россия Тикшерү комитетының Мәскәү яны идарәсеннән белдерелгәнчә, Королев шәһәрендә яшәүче дүрт яшьлек малай фитнес-клуб бассейнында батып үлгән. Бу вакытта сабыйның әти-әнисе саунага кереп киткән булган.
Фаҗига 21 майда килеп чыккан. Бассейн янында ялгызы гына калган малай суга сикерергә җөрьәт иткән. Бичара сабый, йөзә алмыйча, су төбенә киткән. Судан тартып чыгарганда инде үлгән булган…
Иминлек таләпләренә җавап бирмәгән, бала үлеменә китергән хезмәт күрсәтү буенча җинаять эше кузгатылган. Тикшерүчеләр фаҗига вакытында фитнес-клуб хезмәткәрләренең кайда булуын ачыклый, дип яза “Федеральное агентство новостей”.
чыганак: https://vatantat.ru/2022/05/82644/