Бүген иртән Казанның Вахитов урамында юлның бер өлешен су баскан. Автомобиль юлының берьюлы ике полосасы да су астында калган.
Машина йөртүчеләргә бу урында мөмкин кадәр сак хәрәкәт итәргә туры килгән. «Татар-информ»га автомобиль йөртүчеләрнең берсе шул турыда сөйләде.
«Пар чыгып тора, су катмый, кайдадыр канализация яки кайнар су торбасы тишелгән. Катырса, юлда чын шугалак булачак», – дип фикерләре белән уртаклашты йөртүче.
чыганак: https://tatar-inform.tatar/news/kazannyn-vaxitov-uramynda-yulnyn-ber-olesen-su-baskan-5865521