2022 елда Казанда яңа туган сабыйлар өчен иң сирәк исемнәр: Акбарс, Тамерлана, Айвенго, Гектор, Настасья һәм Фина булган. Бу хакта Казанның ГХАТ идарәсе башлыгы Римма Миңнуллина хәбәр итте.
Миннуллина сүзләренә караганда, узган елда Татарстан башкаласында иң популяр исемнәр: Әмир, Кәрим, Марк, София, Әминә һәм Ясминә булган. Моннан тыш, 2022 елда 279 гаиләдә игезәк бала туган, ә дүрт гаиләдә өч бала туган.