Тиздән Рамазан ае башлана! Уразаны намаз укымый торган кеше тота аламы?
Сорауга җавапны «Болгар радиосы»нда чыгучы «Хак дин» тапшыруы алып баручысы Фаил Гыймадов бирде.
«Ураза һәр мөселман өчен фарыз! Ул гыйбадәтнең башка төре. Барлык гыйбадәтләрегез дә үзегез өчен, фәкать ураза гына минем өчен дигән, Аллаһ тәгалә. Ураза өстен куелуы белән дә аерылып тора. Фарыз итеп бирелгән икән, намаз укуың, Хаҗга бару-бармавың мөһим түгел. Чөнки кеше Рамазанда Аллаһ тәгаләгә якынаеп, башка сөннәт гамәлләрне дә итә башлар.