Майның соңгы 10 көнендә Татарстанда уртача һава температурасы климат нормасыннан 6 градуска югары булачак. Бу хакта ТР Гидрометүзәгенә сылтама белән «Татар-информ» мәгълүмат агентлыгы хәбәр итә.
Татарстанда яз уртача +15,2 градус белән тәмамланачак. Казанда бу күрсәткеч +15,6 градуска тигез.
Исегезгә төшерәбез, синоптиклар фаразлавынча, бүген Татарстанда җәйдәгечә эссе булачак. Явым-төшем көтелми.