Май ахырында Башкортстанда, Борай районында якташлары 35 яшьлек Руслан Яров белән хушлашты.
Ул туган авылына кыска вакытлы ялга кайткач вафат була. Геройны район үзәге Борайда җирләделәр.
Руслан Яров Борайның 1нче мәктәбен тәмамлый. Укытучылары кызыксынучан, намуслы укучы иде, диләр. Мәктәпнең иҗтимагый тормышында актив катнаша, спорт белән шөгыльләнә. Аны ярдәмчел һәм игелекле кеше буларак искә алалар. Бөре педагогия академиясен тәмамлый. Инжиниринг компаниясендә эшли.
Срочный хезмәтне флотта үтә, укчы бүлекчәсе командиры була, хезмәтне кече сержант дәрәҗәсендә тәмамлый. Узган елның сентябрь ахырында мобилизацияләнә һәм СВО зонасына җибәрелә.
Борай районы хакимияте башлыгы Рушан Гәрәев герой белән хушлашу тантанасында: «Руслан үзенең хәрби бурычын намус белән үтәде. Ул чын сугышчы, район горурлыгы булды һәм булачак. Аның турында якты истәлек якыннары, туганнары, иптәшләре йөрәгендә беркайчан да сүнмәячәк, ә аның батырлыгы беркайчан да онытылмаячак!» — диде.
Руслан Яровның хатыны һәм алты яшьлек улы калган. Вакытсыз үлеменең сәбәбе турында хәбәр ителми.
чыганак: https://kiziltan.ru/articles/batyrlar-d-vere/2023-06-01/svodan-yalga-kaytkach-lg-n-3283556