Башкортстанның атказанган артисты Иркәнең ире Артур махсус хәрби операция зонасыннан кайткан. Әллә бөтенләйгәме?
Узган елның көзендә ул, мобилизациягә эләгеп, махсус хәрби операциягә киткән иде.
Бу шатлыклы вакыйга белән Иркә үзенең социаль челтәрдәге сәхифәсендә уртаклашкан.
«Әтиебез отпускка кайтты. Гаиләбездән бәхетле мизгелләр», – дип язган җырчы. Шунда ук матур видео да урнаштырган. Анда Артур кечкенә кызларын, аннары Иркәне кочып ала. Видеога куелган җырда Иркә: «Өзелмәгән әле соңгы өмет, яшим һаман яшим сине көтеп», – дип җырлый.
Бу бәхетле мизгелләр озакка барсын иде, дип телибез.
чыганак: https://kiziltan.ru/articles/batyrlar-d-vere/2023-09-01/tiebez-kaytty-3415010 ТАТАР ТУДЕЙ ТЕЛЕГРАМ КАНАЛЫ - https://t.me/tatartoday