Архивы Русия - Tatar Today - татар яңалыклары.

Эссе вакытта ни сәбәпле аппетит булмый?

Рамиля Валиахметова — Sat, 25 Jul 2026 13:02:16 +0000

Эссе һава торышында аппетит кимү организмга җылылык балансын сакларга һәм сусызлану куркынычын киметергә ярдәм итә. Бу хакта «СберЗдоровье» медицина компаниясе табиб-эндокринологы Маргарита Белоусова сөйләгән.

Аның сүзләренчә, ризык эшкәртелгәндә организмда җылылык барлыкка килә, ә эссе вакытта бу кирәкмәгән күренеш. Шуңа күрә организм артык кызудан саклану өчен аппетитны үзе киметә.

«Эссе көннәрдә су балансын, энергия дәрәҗәсен һәм гомуми хәлне сакларга суга бай ризыклар – җиләк-җимеш һәм яшелчәләр ярдәм итә», – дигән Белоусова.

Белгеч шулай ук рационга җиңел үзләштерелә торган аксымга бай ризыклар өстәргә киңәш иткән. Алар эремчектә, тавык һәм күркә итендә, шулай ук майсыз балык сортларында күп. Моннан тыш, Белоусова спиртлы эчемлекләр һәм кофеин булган эчемлекләр бәвел кудыру үзлеге аркасында сусызлану куркынычын арттыра, дип кисәткән.

Үз чиратында, терапевт, кардиолог, медицина фәннәре кандидаты Андрей Кондрахин RT белән әңгәмәдә эсседә сусауны басу өчен иң яхшысы – гади су эчү, дип әйткән.

«Әгәр сүз организмдагы сыеклык югалтуны тулыландыру турында бара икән, тәүлеккә һәр килограмм тән авырлыгына уртача 30–40 миллилитр су кирәк. Ә кеше бик нык эссе шартларда булса, бу күләм 50–80 миллилитрга кадәр җитәргә мөмкин», – дип аңлаткан табиб.

Аның сүзләренчә, суны бүлмә температурасында һәм вак-вак йотымнар белән эчәргә кирәк. Әгәр аны тиз генә эчеп бетерсәң, сыеклык организм тарафыннан тулысынча үзләштерелергә өлгермәячәк.

ЧЫГАНАК: https://radio1.ru/news/zdorove/vrach-raskrila-s-chem-svyazana-poterya-appetita-v-zharu/

Запись Эссе вакытта ни сәбәпле аппетит булмый? впервые появилась Tatar Today - татар яңалыклары..

Бала фастфуд ашаган һәм тулысынча сукырайган

Рамиля Валиахметова — Tue, 21 Jul 2026 11:32:38 +0000

Бала гел фастфуд ашаган һәм витаминнар җитмәү аркасында тулысынча сукырайган

Егет һәрвакыт фри бәрәңге, чипслар һәм сосискалар ашаган.

Бөекбританиядән малай еллар буе — фри бәрәңге, чипслар, ак икмәк һәм сосискалар белән туклана. В группасы витаминнарының хроник кытлыгы аркасында аның азык оптик нейропатиясе — акрынлап күрү нервысы атрофияләнә торган авыру үсеш алган.

Борчулы симптомнар 14 яшьтә барлыкка килә, ләкин яшүсмер табибларның киңәшләрен игътибарсыз калдыра һәм билгеләнгән витаминнарны кабул итми. Ул һәрвакыт арыганлык һәм хәлсезлек сизгән. 15 яшькә күрү кинәт начарлана, ә соңрак үзгәрешләр кире кайтарылмаслык була. Табиблар билгеләп үткәнчә, тышкы яктан ул сәламәт күренә һәм ябыгудан интекмәгән, шуңа күрә куркыныч патологияне бик соң ачыклый алганнар.

Белгечләр әйтүенчә, мондый очраклар бик сирәк очрый, ләкин алар искәртү булып тора: хәтта нормаль авырлыкта да озак вакыт бертөрле туклану витаминнар кытлыгына һәм организм өчен кире кайтарылмаслык нәтиҗәләргә китерергә мөмкин.

ЧЫГАНАК: https://max.ru/shot/AZ-Au_4FDqk

Запись Бала фастфуд ашаган һәм тулысынча сукырайган впервые появилась Tatar Today - татар яңалыклары..

Бер хатын-кыз урамда бәби тапкан

Рамиля Валиахметова — Wed, 10 Jun 2026 10:38:44 +0000

Новосибирск шәһәрендә бер хатын-кыз баласын урамда тудырган.

Төбәкнең Сәламәтлек саклау министрлыгы әлеге мәгълүматны раслады, дип хәбәр итә “РИА Новости”.

Телеграм-каналлар шәһәрнең Ленин районында Вертковская урамындагы йортлар арасында җирдә бер хатын-кызның бала табуы турында язганнар. “Урамда бала табучыга ашыгыч ярдәм чакыртылган. Пациентның хәле табиб сере булып кала”, – дип аныклап үтелгән Новосибирск өлкәсенең Сәламәтлек саклау министрлыгында.

ЧЫГАНАК: https://vatantat.ru/news/ber-xatyn-kyz-uramda-babi-tapkan-115890

Запись Бер хатын-кыз урамда бәби тапкан впервые появилась Tatar Today - татар яңалыклары..

Шашлыкны нәрсә белән ашарга ярамый?

Рамиля Валиахметова — Tue, 02 Jun 2026 12:24:22 +0000

Шашлыкны майлы ризыклар, майонезлы салатлар, какланган ашамлыклар һәм хәтта яңа җиләк-җимешләр белән бергә ашарга киңәш ителми. Бу хакта РФ Сәламәтлек саклау министрлыгының реабилитация һәм курортология илкүләм медицина тикшеренүләре үзәгенең «Русия» шифаханәсе диетологы Галина Лебедева сөйләде.

Белгеч сүзләренчә, мондый ризыкларны бергә куллану бавырга йөкләнешне арттыра һәм эчәклектә әчү процесслары китереп чыгарырга мөмкин.

Табиб шулай ук шашлык белән чикләвекләр һәм ашкайнату өчен авыр булган башка ризыклар ашамаска киңәш иткән.

Аның сүзләренчә, сәламәтлек өчен файдалы булсын дисәң, шашлыкны яшелчәләр (кыяр, помидор, кәбестә) яки грильдә пешерелгән яшелчәләр (борыч, баклажан) белән бергә ашарга кирәк.

«Клетчатка ризыкның эшкәртелүен тизләтә, токсиннарны чыгара һәм калорияләр балансын көйли. Рационга яшел тәмләткечләр һәм тимернең үзләштерелүен яхшырта торган С витамины чыганагы булган лимон өстәгез», – дип өстәгән диетолог.

ЧЫГАНАК: https://ria.ru/20260508/shashlyk-2091209684.html

Запись Шашлыкны нәрсә белән ашарга ярамый? впервые появилась Tatar Today - татар яңалыклары..

Киләсе атнада Татарстан халкы өч көн рәттән ял итәчәк

Рамиля Валиахметова — Mon, 01 Jun 2026 11:20:37 +0000

Июньдә, Россия көне билгеләп үтелү уңаеннан, кыскартылган эш атнасы көтелә.

Аның әйтүенчә, 12 июнь – Россия көне җомгага туры килә. Шуңа күрә безне кыска эш атнасы көтә. Ул дүрт көн – 8еннән 11 июньгә кадәр дәвам итәчәк.

Ә инде 12-14 июньдә ял итәчәкбез.
Моңа кадәр Социаль фондта кисәтеп әйтелгәнчә, июньдә өч көнлек ял көтелү сәбәпле, пенсиясе һәм социаль түләүләре 12-14 июньдә банк счетына күчерелергә тиеш булганнарның акчасы алданрак – 11июньдә үк киләчәк.

ЧЫГАНАК: https://vatantat.ru/news/kilase-atnada-tatarstan-xalky-oc-kon-rattan-ial-itacak-115618

Запись Киләсе атнада Татарстан халкы өч көн рәттән ял итәчәк впервые появилась Tatar Today - татар яңалыклары..

Мошенниклар ешрак кемне алдый?

Рамиля Валиахметова — Thu, 21 May 2026 06:29:11 +0000

Россия банкының Татарстан буенча Милли банк бүлекчәсенең икътисад бүлеге башлыгы Елена Кирсанова кырыгалдарлар тозагына эләгүчеләрнең уртача портреты белән таныштырды.

– Мошенниклар ешрак олы яшьтәгеләрне алдый, дип уйлыйбыз. Әмма статистика буенча, гадәттә бу урта белемле, уртача кереме булган 25–44 яшьлек, шәһәрдә яшәүче эшли торган хатын-кызлар. Акча эшләү яшендәге кешеләр күбрәк кызыксыну тудыра аларда.

2025 елда банкларның саклык хезмәте тарафыннан 134 миллион шикле операция туктатылган, 14 триллион сумга якын акча саклап калынган. Әмма саклап кала алмаган 30 миллиардка якыны да – халыкның бөртекләп җыйган сумнары бит.

Нинди генә шикле шалтырату кабул итсәгез дә, СМС-хәбәр килеп ирешсә дә, аек акыл белән уйлагыз. Карарларны тиз кабул итмәгез. Үзегез өчен бизмәнгә салып үлчәрлек вакыт калдырыгыз, якын кешегез белән киңәшләшегез. Шул чакта алданганыгызны аңлап алырсыз бәлки.

ЧЫГАНАК: https://vatantat.ru/news/mosenniklar-esrak-kemne-aldyi-115342

Запись Мошенниклар ешрак кемне алдый? впервые появилась Tatar Today - татар яңалыклары..

Быел кемнәр пенсиягә чыга ала?

Рамиля Валиахметова — Fri, 15 May 2026 08:31:36 +0000

2026 елда картлык буенча пенсиягә 59 яшьлек хатын-кызлар һәм 64 яшьлек ир-атлар чыга ала. Моның өчен ике шарт үтәлергә тиеш. Бу хакта Татьяна Подольская сөйләгән.

Белгеч сүзләренчә, 2026 елда иминият пенсиясе алу өчен билгеләнгән яшькә җитү һәм кимендә 15 ел хезмәт стажы булу кирәк.

Ул шулай ук быел балалар карау чорының хезмәт стажына кертелүенә бәйле чикләүләр бетерелүен әйткән. Хәзер һәр балага яшь ярым тулганчы караган вакыт тулысынча гомуми стажга кертелә, ә ике яки аннан күбрәк бала булган очракта, бу вакытлар бергә кушып исәпләнә.

Моннан тыш, пенсия билгеләү өчен 30 пенсия баллы җыярга кирәк. Подольская аңлатуынча, быел пенсия күләмен исәпләү өчен кулланыла торган бер пенсия баллының бәясе 156,76 сум тәшкил итә.

ЧЫГАНАК: https://intertat.tatar/news/byel-kemnar-pensiyaga-cyga-ala-5879358

Запись Быел кемнәр пенсиягә чыга ала? впервые появилась Tatar Today - татар яңалыклары..

Балалы гаиләләр өчен яңа түләү кертелә. Нинди?

Рамиля Валиахметова — Thu, 23 Apr 2026 11:48:17 +0000

Яңа гаилә салым түләве якынча 11 миллион бала тәрбияләүче 4 миллионнан артык гаиләгә кагылачак, дип хәбәр итте РФ вице-премьеры Татьяна Голикова.

Аның сүзләренчә, быелдан башлап ике һәм аннан күбрәк баласы булган, керемнәре түбән булган эшләүче ата-аналар өчен ел саен бирелә торган гаилә түләве кертелгән.

Мәгълүматларга караганда, бу түләүне алу өчен ата-аналар да, балалар да Россия гражданнары булырга һәм ил территориясендә даими яшәргә тиеш, диелә хәбәрдә.

ЧЫГАНАК: https://ria.ru/20260423/vyplata-2088494690.html

Запись Балалы гаиләләр өчен яңа түләү кертелә. Нинди? впервые появилась Tatar Today - татар яңалыклары..

Картага акча күчергән өчен кемнәрне тикшерәчәкл?

Рамиля Валиахметова — Sat, 18 Apr 2026 12:10:56 +0000

Россиядә 10 миллион чамасы кеше карталарына акча күчерелү сәбәпле Федераль салым хезмәтенең күз уңына эләгергә мөмкин.

Басма чыганаклары мәгълүматлары буенча, биредә сүз счетларына даими рәвештә төрле кешеләрдән бер үк төрле күләмдә акча килеп торган кешеләр турында бара.
Белгечләр әйтүенчә, илдә 7-10 миллион тирәсе кеше шул рәвешле салым органнары тикшерүенә эләгергә мөмкин.

«Финам» компаниясенең стратегия буенча директоры Ярослав Кабаков әйтүенчә, Федераль салым хезмәте иң элек счетларына ай саен 200 мең сумнан күбрәк акча күчерелгән кешеләрне игътибарга алачак.

Моңа кадәр Россия Финанс министрлыгыннан хәбәр ителгәнчә, эшмәкәрлек эшчәнлеге билгеләре ачыкланган очракта, үзара акча күчерүләр Федераль салым хезмәте контроленә эләгәчәк. Шундый билгеләрне берсе – елына 2,4 миллион сумнан артыграк күләмдә расланмаган керем алу.

ЧЫГАНАК: https://vatantat.ru/news/kartaga-akca-kucergan-ocen-kemnarne-tikseracaklare-turynda-magielum-buldy-114340

Запись Картага акча күчергән өчен кемнәрне тикшерәчәкл? впервые появилась Tatar Today - татар яңалыклары..

Элвин Грей Олег Газманов белән җырлаган ди

Рамиля Валиахметова — Wed, 15 Apr 2026 11:41:40 +0000

Башкортстан һәм Татарстанның атказанган артисты, татар һәм башкорт эстрадасының танылган җырчыларыннан берсе Элвин Грей (чынбарлыктагы исеме – Радик Юльякшин) Мәскәүдә, гаять зур стадионны тамашачылар белән тутырып, концертлар уздырган.

Россия халык артисты, атаклы җырчы һәм продюсер Олег Газманов Элвин концертларының махсус кунагына әйләнгән. Алар, икәүләшеп, “Звездочка в стакане” җырын башкарган, дип яза “KazanFirst”.

– Радик – молодец. Карагыз әле, бүген зал тутырып тамашачылар җыйган. Бөтен гомерегез буе аның белән буласыгызга өметләнәм. Без ир-ат дуэтына җәлеп иткән бердәнбер артист ул, мөгаен, – дип билгеләп үткән Олег Газманов.

Ике артист берничә ел буе дуслык элемтәләрен саклап килә икән инде. Элвин Грей Россия эстрадасы “йолдызы”нда кунакта да булып киткән хәтта. Газманов моңарчы да Элвин Грей концертларында булгалаган.

– Олег Газмановка – инде күптән бетмәс-төкәнмәс көч-дәрт, намуслылык һәм гаҗәеп талант символына әйләнгән кешегә карата ихтирам-хөрмәтем һәм рәхмәтем гаять зур. Аның белән бергә дуэт башкару минем өчен гади чыгыш кына түгел, бәлки иҗади олыгаю мизгеле дә, – дип билгеләп үткән Элвин Грей.

ЧЫГАНАК: https://vatantat.ru/news/iadi-olygaiu-mizgele-elvin-grei-oleg-gazmanov-belan-yrlagan-114254

Запись Элвин Грей Олег Газманов белән җырлаган ди впервые появилась Tatar Today - татар яңалыклары..