4 яшьлек Саба кызы Аделинаның яман авырудан дәвалануына гади халык кыска вакыт эчендә 29 миллион сум акча җыйган иде. Хәзерге вакытта Аделина Германиядә дәвалану курслары үтә,  хәле көннән-көн яхшыруга таба. Әмма шуны күргән халыктан, Аделинаның әнисе Алинәгә, авыр сүзләр килеп ирешә, аларны артык акча җыюда гаеплиләр. Tatar today бу сорауга ачыклык кертеп, Алинәнең үзе белән аралашты.

“Әйе, безнең счет 29 миллион. Шул счетка 3 протокол химия терапиясе һәм Хитман катетары кую кергән. Ә җелек күчереп утырту (пересадка костного мозга) кермәгән иде. Ул кирәк булган очракта, безгә тагын 250 000 евро жыясы булыр иде, ә халык инде ул акчаны без җелек күчереп утыртуга жыйган дип аңлый”,  диде Алинә.

Ә бу суммага ашау, яшәү, тернәкләнү, өзлегү чыгымнары кермәгән. “Без һәр химиядән соң 1 айлап өзлегү белән ятабыз, кызганычка каршы, алар да бик зур чыгымнар таләп итә. Бер айга амбулатор 1050 еврога иматиниб, үзебез 15 меңгә ай саен антибиотиклар алабыз, Рональд Макдональд йортында көненә 22,5 евро түләп торабыз. Җыелган акчалар безгә, киресенчә, җитмәячәк. Гомуми бәя ахырда билгеле булачак. Без төшемкелеккә бирелмибез, яхшыга өмет итәбез”, дип уртаклашты Алинә.

Бу 29 миллион акчаны гади халык җыйган. Фондларның берсеннән дә ярдәм булмаган. “Лия” фонды ризалашкан булса да, Абдуллиннар гаиләсе тиешле сумманы алдан җыеп бетерә, һәм “Лия” фонды жыйган акчаны икенче авыру бала исәбенә кучерә. Бу акчаларны да артык калса, башка авыру бала исәбенә күчерергә уйлый Абдуллиннар.

Ләкин әле аларны озын сынаулар: 4 айлык протокол химия терапиясе (арасында нур терапиясе булырга мөмкин) һәм 1-1,5 ел коры химия, иматиниб көтә. Гомуми дәвалану 2 елга билгеләнгән.

Әнисе әйтүе буенча, Аделина бик батыр кыз, хәле көннән-көн яхшыруга таба. Аделинаның әтисе дә эшеннән административ ял алып, Германиягә барган. “Ул безгә таяныч. Ансыз бик авыр булды”, ди Алинә. Үзләре өчен акчаларын кысып тотарга туры килсә дә, Аделинаның дәвалануына жәлләмиләр. “Аделина бәхеткә-шатлыкка күмелеп, безнең мәхәббәтебез белән, Аллаһы тәгаләнең ярдәме белән алга таба бара. Русиядә җелек күчереп утыртмыйча булмый дигәннәр иде, ә немец табиблары, аны соңгы очракка калдыра. “Безнең дәвалау сезгә булыша, җелек күчертеп утырту кирәк түгел”, диделәр”, дип сөйләде Алинә.

https://www.instagram.com/p/Bs1HJ6dF-1E/

“Чыннан да, үзеңне ничек көйлисең, шулай була. Барсы да үзебездән тора. Аллаһның барына ышанырга кирәк”, ди Алинә.

Хәзер инстаграмда да авырлыкларын язмый икән. “Халык бик борчыла, жәлли башлый, ә миңа аннан тагы да авыррак, елый-елый укыйм килгән хәбәрләрне. Үземне кызганыч хис итәм. Менә инде 1 ай сепсис (кан зарарлануы) белән ятабыз, әмма язмыйм. Позитив хәбәрләр генә җиткерәм. Халык сөенә, шатлана безнең өчен, шундый әйбәт энергия килә, шуннан көч алам. Рәхмәт барысына да”, дип уртаклашты Алинә.

“Немец врачлары кулларыннан килгәнне барсын да эшлиләр… Аделина химияне авыр кичерсәдә дә, без ышанычлы кулларда, күңелем тыныч. Көн саен Аллаһыдан “Шифаларыңны бир, синең рөхсәтең белән кызыбыз тулысынча сау-сәламәт булсын”, дип телибез. Барсы да яхшы булсын, тулысынча савыгып туган якларыбызга кайтырга насыйп булсын”, диде Алинә.

https://www.instagram.com/p/BrnoGyslNmI/

Запись Яман чир белән көрәшүче Аделинаның әти-әнисен халыктан акча җыюда гаеплиләр впервые появилась Tatar Today - татар яңалыклары..

Балаларга күчтәнәчләр алып килгән Данис Зарипов хосписка видеопроектор һәм экран бүләк иткән. Авыру балалар белән аралашып, фотога төшеп күңелләрен күргән.

3 яшьлек авыру Саба кызының әтисе Азат Абдуллин әйтүенчә, атаклы хоккейчы аңа үзе ярдәм тәкъдим итеп шалтырата. Акча сабыйны Мюнхенда дәвалау өчен кирәк.

Бу кызчыкның язмышы бөтен интернетны шаулата. Аделинага бөтен ил белән ярдәм итәләр. Татар эстрадасы артистлары да читтә калмый. Сабада күп кенә хәйрия чаралары уза.

Фото: vk.com/hospiskazan

Запись Авыру балага 18 миллион җыярга теләгән Данис Зарипов Казан хосписына килә впервые появилась Tatar Today - татар яңалыклары..

Бу кызчыкның язмышы бөтен интернетны шаулатты. Абдуллиннар гаиләсенә килгән хәсрәтне күпләр бүлешә. Җылы сүз дә кызганмыйлар, акча да күчерәләр. Аделинага бөтен ил белән ярдәм итәләр. Әнисенең үтенечен тыңлап, танылган алып баручы һәм актриса Ксения Бородина да Алинәгә ярдәм кулы сузды. Үз сәхифәсендә бу бала турында язып, бер тәүлек эчендә 5 миллион сум акча җыярга булышты.

“Кызыбызның хәле көннән-көн начарлана гына бара. Тән температурасы төшми. Кан анализлары яхшы түгел. Химия алганнан соң бөтенләй хәлсезләнде. Йөри алмас булды. Баламны ничек тә яшәтәсем килә. Әмма ул бирешми, кайчак уенчыкларын алып уйный да”, – дип сөйли Алинә Абдуллина. Хоккейчы Данис Зарипов та бу балага ярдәм итү акциясенә кушылды. “Тимерман” спорт чаралары җи­тәкчесе Вадим Янгиров та кечкенә кызчыкка ярдәм итәргә алынган. Ул “Адым саен якынрак” дигән акциясе кысаларында 21 көн дә­вамында 21әр чак­рым араны йө­гереп узмакчы. Шул эше белән халыкны җәлеп итеп, балага ярдәм итүләрен сорый. “Үз мисалымда мин башкаларга үрнәк күрсәтәм. Хәйрия акциясенә кушылучылар бар”, – ди Вадим. Узган ел ул шушы акциясе ярдәмендә Рональд Макдональд йортына ярдәм итүгә үзеннән өлеш керткән.

Татар эстрадасы артистлары да читтә калмый. Сабада күп кенә хәйрия чаралары узды. Редакциябез уздырган хәйрия чараларында еш катнашучы Алсу – Азат Фазлыевлар да бу балага булышырга алынды. “Үзебезнең туганнар арасында да ярдәмгә мохтаҗ балалар бар. Әмма бу баланың язмышы аларныкы белән чагыштырганда бик авыр. Без сабыйны кызгандык. Шуңа да Сабада узачак концертыбыздан кер­гән акчаны бөтенләе белән әле­ге гаиләгә бирәчәкбез”, – ди Алсу. Кукмара районында да хәйрия концертлары уза.

Язма әзерләнгәндә Аделинага кирәкле сумма җыелганы билгеле булды. Әмма акча җыю туктатылмый әле.

Ярдәм итәргә теләүчеләр өчен исәп-хисап реквизитлары:

Әтисе Абдуллин Азат Робертович исемендәге Саклык банкы картасы номеры: 4817760243551243.

Әнисе Абдуллина Алинә Даутовна исемендәге “Ак Барс” банкы картасы: 2200530131639759.

Ватаным Татарстан

Запись 3 яшьлек Саба кызының язмышы бөтен интернетны шаулата впервые появилась Tatar Today - татар яңалыклары..

“Кадерле дуслар. Минем кечкенә, әмма мөһим үтенечем бар. Нәни кызга тиз арада ярдәм кирәк. 8 октябрьгә кадәр 18 миллион сум акча җыярга кирәк. Әти-әнисе теләсә нинди суммага шат булачак. Ул алар өчен бик мөһим!”, – диелә Данис Зарипов хәбәрендә.

Кызның әтисе Азат Абдуллин Аделинаның хәле турында сөйләде. “Данис Зарипов миңа үзе ярдәм тәкъдим итеп шалтыратты. Кызым элеккечә, стабиль авыр хәлдә. Анализлары начар, лейкоцитлары, тромбоцитлары начар. ДРКБ табиблары башта шансларны 50 гә 50 диде. Акчалар Мюнхенда дәвалану узу өчен кирәк”, – диде ул.

Аделинага ярдәм итү өчен реквизитлар: Сбербанк 4276 6200 4512 9644 (тел. 89274293668 — номерга бәйләнгән) Абдуллин Азат Робертович (баланың әтисе)
Сбербанк 4276 6200 3456 4348 (тел. 89510692168 — номерга бәйләнгән) Абдуллина Алина Даутовна (баланың әнисе)
АК БАРС Банк 2200 5301 3163 9759 (тел. 89510692168 — номерга бәйләнгән) Абдуллина Алина Даутовна (баланың әнисе)
PAYPAL: azattat41@gmail.com Абдуллин Азат Робертович баланың әтисе) КИВИ кошелек: 89510692168

Чыганак һәм фото: tatar-inform

Запись Данис Зарипов яман шеш белән авыручы балага ике атна эчендә 18 миллион җыймакчы впервые появилась Tatar Today - татар яңалыклары..