Грандиоз TMTV премиясе тапшыру тантанасы да искәрмә була алмый. 5 апрельдә булачак Татар музыкаль телеканалы TMTV премиясен тапшыру тантанасы 30 майга 17:00гә күчерелә.

Мәгълүмат Ватаным Татарстан

Запись TMTV премиясе тапшыру тантанасын уздыру вакыты үзгәрә впервые появилась Tatar Today - татар яңалыклары..

TMTV премиясендә “Җырлы гаилә” номинациясенә ия булган Рамил һәм Рамилә Хәйретдиновлар сыннарын бүлешкән. Узган елны җиңгән сынга Рамилә хуҗа булып, әнисенә алып кайтып бирсә, быел Рамил үзенекеләренә кайтарган. Бу хакта җырчы Рамил Хәйретдинов, кызыклы итеп, Инстаграмда пост урнаштырган. 

“Рамил үзен матур тотмады, хатыныннан TMTV премиясе статуэткасын тартып алды” дип мине “мактап” язучылар булды. Әйе, дөрес, менә бу фотодан да шулай күренә икән шул. Былтыргы статуэтканы да бит Рамилә үз әнисенә-тещага алып кайтып биргән иде, монсыннан да колак кагырмын дип куркып, тиз генә үземә алдым да, әти-әниләремә алып кайтып бирдем. Үз малың өчен үзеңә көрәшергә кирәк”, дип белдергән җырчы.

View this post on Instagram

A post shared by Ведущий Рамиль Хайрутдинов (@ramil_hairutdinov)

Запись Рамил Хәйретдинов хатыныннан TMTV сынын тартып алган? Ир белән хатын аны бүлешкән? впервые появилась Tatar Today - татар яңалыклары..

“Бу халыкны шаккаттыру булдымы? 6,5 сәгать концерт куеп, халыкның ничек өйләренә кайтып җитүе турында уйлаучы булмагандыр,  мөгаен. Кеше меңәрчә акча түләп,  «зәвыклы» тамаша карарга килә… Ә анда барысы да… белгәне дә, белмәгәне дә… Нинди генә номинация юк, кем генә уйлап таба?! МОҢ, МОҢ диләр…. ни икәнен үзләре дә оныттылар ахрысы, акча артыннан куып. Кайчан татар эстрадасында чыннан да ЗӘВЫКЛЫ концерт куя башларлар микән? Кеше бит ял итәргэ килә! Белгән, яраткан җырчысын тыңларга. Нәтиҗәдә шаккатып: “Кем бу?”, дип утыра. Соңыннан җырлаучы артистларга яртысына буш залда чыгыш ясау күңелле түгелдер, мөгаен. Айдар абый да тулы залда, күтәренке кәеф белән утырган тамашачы каршында чыгыш ясарга тиеш иде… Кызганыч, аяныч, аны күрергэ теләп килүчеләр арып, күрә алмый китүчеләр дә булгандыр. Уяныгыз! Сәгать белән түгел, сыйфат белән кеше күңелен күрсәгез иде”, диелгән әлеге хатта.

Запись “Бу халыкны шаккаттыру булдымы?” – TMTV премиясе турында аноним хат впервые появилась Tatar Today - татар яңалыклары..

“Тамашачы мәхәббәте икән, димәк ул сезнең мәхәббәт. Мин бары тик Аллаһ тәгаләгә һәм тамашачыга рәхмәтле, рәхмәт сезгә!”, диде Рифат Зарипов TMTV каналының 4нче премияләр бирү тамашасында. Ул Татарстанда беренче концертларын 2013 елның җәендә куя башлый. Шунда җырчы Азатлыкка беренче зур әңгәмә бирде. Ул Youtubeта 15 меңнән артык тапкыр каралган.

Ул вакыт белән хәзергесен чагыштырсак, мин үзгәрмәдем, шундый ук, ди Рифат елмаеп. “Хыяллар, максатлар бар. Әле 5 ел гына узган. Аллага шөкер, куелган максатларны акрын гына чынга ашыра барабыз. Татарстанда без булмаган авыл калмагандыр. Хыялым иде, йөреп чыга алдык. 30 кеше килдеме, 100 кеше булдымы – барысына да шул әзерләгән 2-3 сәгатьлек концертны куя башлаган идек. Үткән еллар белән чагыштырганда тамашачыларыбыз артканнан-арта бара. Концертларыбыз да, үзебез дә шомарабыз, сыйфаты яхшыра”, дип башлады сүзен җырчы. Ул башка иҗатташ дусларының да тамашаларын карарга өлгерә, күптән түгел җырчы Фирдүс Тямаевның киноконцертында булып кайткан.

– Фирдүс – афәрин! Яңалык бирде. Концерты бик “энергичный”, көчле! Дүрт сәгать буе тугыз көн Казан халкын тотып торды.

– Сезнең концерт ничә сәгать бара?

– Безнең концерт өч сәгатьлек.

– Бәлки шулай кыскарак кирәктер? Артык озын шикелле тоела.

– Бәлки шулайдыр да. Мин үземнең концертны тоям. Кеше концертына барып, “концертың озын булды, әйдә, кыскарт”, дип әйтә алмыйм бит инде. Һәр кешенең үз фикере. Ул үзенчә куя, мин – үземчә.

– Читтән караганда, сез бер-берегезне зурлыйсыз, рухландырасыз кебек. Ләкин “әйтә алмыйм” дисез…

– Киңәш бирә аласың. Аның үзенең тоемлавы, эшләве бар. Үзенчә эшли. Аны мин генә концерты озын булды дип уйлыйм бит. Ә кемдер “Эх, җитмичә калды” дияргә мөкин. Безнең өч сәгатьлек концертны да әле озын булды яки җитмичә калды дип әйтергә мөмкиннәр. Әгәр Фирдүс тә, Elvin Grey да мин теләгәнчә концерт куйса, бу бит, димәк, минемчә генә концерт була. Ә халыкка андый әйбер кирәкми. Халыкка төрле булырга тиешсең.

– Тамашачы хатлар язамы? Нәрсә диләр?

– Беренче елларда “энем, менә бу әйберең оятсыз, монысын сөйләмә, менә бу җырың сиңа килешә, менә монысын җырла, бу кигән костюмың килешми, монысын салып ат, бүтән кимә, менә бу сүзләреңне әйт, монысын әйтмә”, диделәр.

Посмотреть эту публикацию в Instagram

#татартудей Рифат Зарипов @rifat_zaripov_official концертларында мәзәкләр дә сөйли, пародиядә дә бар. Иң көлдерә торганнары әлбәттә инде, татар артистлары турында! Мәзәкләрнең төп геройлары: Салават Фәтхетдинов, Айдар Галимов, Нәфкать Нигъмәтуллин һәм 80 яшьлек карт:) ~~~~~~~~~~~~~~~~~~~~~~~~~~~~~~~~~~Әлеге видео Казан концертында язылды @tatar_today @rustem_iskhaki #татарэстрадасы #рифатзарипов #юмор #пародия #салаватфатхетдинов #айдаргалимов #нәфкатьнигъмәтуллин ~~~~~~~~~~~~~~~~~~~~~~~~~~~~~~~~~ Шушы көннәрдә Рифат белән әңгәмә чыгачак! Безнең аккуантка язылып, яңалыклар укып барырга тырышыгыз!

Публикация от Tatar today порталы (@tatar_today) 16 Мар 2019 в 10:18 PDT

Авыл тамашачысында иң дөрес фикер, иң дөрес сүзне шулар әйтәләр. Баштан бит әле аңламыйсың үзеңнең кем икәнеңне дә. Юмористмы, оятсыз юмористмы… Хәзер инде җырчы. Әлегә исемнәр юк. Әгәр лаеклы итеп санасалар, бирерләр, санамасалар, бирмәсләр. Халыкныкымы син, атказанганмы, бәяне тамашачы бирә.

Мин беренче елны 168 авылда концерт куеп, тагын бер тәҗрибә тупладым. Шәһәрдә дә, авылда да яхшы карыйлар. Башлаган вакытта Казанны да тиз генә алырга ярамый. Башта түбәннән башларга, үзеңне әзерләргә кирәк. Эшли башлаган елны бик күп беләсең шикелле инде. Синнән дә сәләтле, акыллы артист юк шикелле. Ләкин үзең өчен генә шулай. Яшәгән, эшләгән саен аңлыйсың, камиллекнең чиге юк. Үзем яхшыртуда көн саен, ай саен эшлим.

– Концертларыгызга билет бәяләре арттымы? Тауар, ризыклар бәясе үсте, беләсездер..

– Бензинга да, бөтен әйбергә дә артты. Төркемдәге егет-кызларга да артты. Безнең кредитлар да бар. Менә утлар аласың, берсе дә 100-200 мең генә түгел, миллионлап тора. Сәхнәбез дүртәр миллион тора, мин моны үзем сатып алдым. Ничек кредитың булмасын инде?

– Бу кадәр техник база белән алга таба планнарыгыз нинди?

– Казаннан соң Себергә гастрольгә чыгып киттек.

– Себердә дә тамашачы бармы?

– Татар яшәмәгән җир юк бит ул.

– Сез милли җанлымы?

– Әйе дип ышанам. Концертларда да әйтәм. Гаиләдән башларга кирәк аны. Сәхнәгә чыгып “Татарча сөйләшегез!” дип акырып кына булмый. Дәүләт тәрбияләмәгәч, сәхнә генә тәрбияли алмый. Мәсәлән, Казанда минем баланы татар балалар бакчасына бирәсе килде. Бардык, язылдык – татар төркеме, татар балалар бакчасы. Татар төркеменә барырга теләүчеләр арасында бары ике генә кеше булды. Камилә исемле бер кыз һәм безнең улыбыз – Ислам. “Ике бала өчен татар төркеме ясап тормыйбыз” диделәр дә, урыс төркеменә керде дә китте. Син телисеңме, теләмисеңме, ул русча сөйләшә. Өйгә кайтып, “Мин сине аңламыйм, улым, татарча сөйлә!”, дим. “Ладно, хорошо!”, дип әйтә дә, китә дә бара. Әнисе белән сөйләшә. Улыбызның теле соңрак ачылып бара әле, чиста татарча да, русча да сөйләшми. Ике телне дә үзләштергәч, авыррак бара.

– Үз иҗат төркемегездә барысы да татарча сөйләшәме?

– Әйе. Биюче егет-кызлар гына урыслар.

– Аларны ничек сайлыйсыз?

– Сайлыйсың дип, музыкантларга кастинг уздырган идек, барысы да татарлар. Биючеләргә кытлык. Биючеләр бар, шәп биючеләр дә бар, ләкин безнең гастроль графигына туры китереп чыга торган биючеләр юк. Музыкантлар, баянчылар өчен дә көрәш бара.

– Татар теле өчен борчыласызмы? Яхшырту юлларын нидә күрәсез?

– Әлбәттә. Фирдүснең концертта татарча кино күрсәтү фикере белән дә килешәм. Азмы-күпме сеңеп кала торган әйбер. Безнең дә концертка килгән халык аңлап китәдер. Миңа олысы да, кечесе дә яза. Бик күп яшь әниләр, “Безнең бала татарча сөйләшми, синең клипларны карап, тәрҗемәсен сорый”, дип язалар. Улыбызга да татарча мультфильмнар күрсәтәбез. Ләкин балаларга төсләре тиз алышына торган, матур булганнары кирәк. Чит илнекен, урысныкын карыйлар. Татарныкы тел буенча матур, тәрбияви. Ләкин дүрт яшьлек бала бераз гына карый да, алыштыруны сорый. Менә шунысы бар.

– Үзегездән канәгатьме сез?

– Аллага шөкер, үземнән канәгать. Мин үзем ялкау. Планнар, хыяллар, уйлар, теләкләр бар, ләкин бөтен теләгәнне эшләргә ялкаулык комачаулый. Иртән торып чапмыйм. Концерттан кайткач, соң ятыла, төштән соң гына уянам.

– Рифат, ни өчен алып баручы буларак ТНВдан, татар телевидениеләреннән югалдыгыз?

– Югалдым дип… Аның сәбәбе мин теләмәгенлектән түгел. ТНВда да, TMTVда да җитәкчеләр алышынды. Яңартып, үзгәртеп торалар. Халыкка һаман бер артистны, безне күрсәтү дә туйдырадыр дип алар башка артистларны чакырдылар, башка артистлар белән эшлиләр. Ходай насыйп итсә, исән булсак, киләчәктә бәлки тагын чакырырлар, тагын бергә эшләрбез.

– TMTVда үзегезнең хисапка тапшырулар эшләгәнсез дигән сүзләр ишетелде. Бу дөресме?

– Әйе, дөрес. TMTV – ул бит коммерцияле канал. Хәзер кайда да клибыңны илтеп бирәсең икән, беркем дә бушка күрсәтми. Фәлән-фәлән сумманы түлисең дә, радиодан да әйләндерәләр. Миңа авылга кайткач, “әй, радиодан да, телевизордан да төшмисең, шулкадәр күп акча эшлисеңдер инде”, диләр. Бу очракта радио, телевидение эшли. Акча заманасы. Кеше булып калыр өчен дә акча кирәк хәзер.

– Элек сез телевидениегә реклама бирә идегез. Әллә хәзер интернет, социаль челтәрләр аша гына хәбәр итеп концертларга тамашачы җыеп буламы?

– Менә Татарстан, Башкортстан буйлап йөрдек. Күбесен интернет, Instagram хәл итте. Афишаны куйдым һәм билетларны ала да башладылар. Миңа 140 меңнән артык кеше язылган. Шулай ук телевизор караган шикелле карыйлар. Синең тамашачың, сине көткәне генә карый. Шулай да Себер яклары өчен без “ТНВ-Планета” каналына реклама бирдек. Олы яшьтәгеләр интернетта утырмаска да мөмкин. Алар да утыра инде, яшерен-батырын түгел. Безнең әниләр дә 60 яшьтә, аларның интернеттан чыкканнары да юк. Мине дә карыйлар, бөтен артистларны да карап, күзәтеп баралар. Әни безнең бик күп газетлар ала иде. Хәзер интернет бар бит инде, шуннан гына керә дә укый.

– Дәүләт чараларында күренмисез, бөтенләй катнашмыйсыз бугай анда. Татарстанда хөкүмәт башлыгының кем булуын да белми торгансыздыр әле?

– Чынлап та, сез әйткәч, уйга калдым. Безнең бит үзебезнең дәүләт. Һәркемнең үз дәүләте. Без концертларга чыгып китәбез дә, дөньяда нәрсә барганын да белмибез. Көн дә шул бер әйбер. Дәүләт чараларына чакыргалыйлар. Мин һәрвакыт гастрольләрдә. Аена 25-27 концерт. Без бер ел алдан билгелибез. Менә хәзер киләсе елга мартның шушы көннәрен алып куйдык.

– Казан читендә берничә мең кеше сыйдырышлы яңа тамашалар залы ачылырга тора. Анда да концерт куярга планлаштырасызмы?

– Куярбыз әле, Алла боерса. Әле белешмәдек. Ачылмаган бит әле.

– Андый берничә меңлек зал кирәк дип уйлыйсызмы?

– Кирәктер инде. Табып, санап эшләгәннәр. Аны бит инде минем кебек артистлар гына уйлап чыгармаган. Ул бит дәүләт кешеләре уйлап тапкан әйбер. Алар акыллыдыр, беләдер. Ләкин ул Казаннан читтәрәк. Тамашачыга авыр булыр. Казан эчендә дә кайбер залларга кеше бармый, чөнки аның тукталышы читтәрәк булырга, метросы, машина куярга урыны булмаска мөмкин. Ә менә Казаннан Лаешка концерт карарга 3 мең кеше барырмы икән? Анысы сорау тудыра.

Посмотреть эту публикацию в Instagram

Хэерле коннэр Дуслар!) Апрельдэ буласы концертлаар.!#рифатзарипов #супершоу6 #татарстан #башкортостан #уфа #екатеринбург #челябинск #ульяновск #димитровград #толбазы #мелеуз #бирск #стерлибашево

Публикация от Рифат Зарипов (@rifat_zaripov_official) 21 Мар 2019 в 12:36 PDT

Азатлык радиосы язмасы (чит ил агентлыгы)

Запись Рифат Зарипов: “Сәхнәбез дүрт миллион тора. Энем, менә бу әйберең оятсыз, диделәр” впервые появилась Tatar Today - татар яңалыклары..

Быелгы премиянең режиссеры – ТМТВ каналының баш мөхәррире Алмаз Гыйльметдинов. Премияне Гөлназ Сәфәрова, Айваз Садыйров, Рамил Шәрәпов, Рамил Шәрәфиев, Иркә һәм Айрат Ильясовлар алып барды. Сценарийның төп авторы – Рамил Шәрәфиев. Тантананы Илдар Хәкимов ачып җибәрде.

Сәхнәгә 45 номинант, 55 җырчы, 10 дуэт, 48 номер,алтмыштан артык биюче чыкты.

Номинантлар исемлеге:

1. “Иң яхшы старт” – Марина Карпова;
2. “Иң назлы дуэт” – Лия Шәмсина һәм Хәбип Шәрипов;
3. “Яңа исем” – Рината Тей;
4. “Иң яхшы җыр театры” – Гүзәл Уразова һәм Илдар Хәкимов;
5. “Яңа иҗади тандем” – Гүзәлия һәм Азалия Вәлиева;
6. “Ел ачышы” – “Бәхетле” төркеме;
7. “Топ клип” хит-парады лидеры” – Данир Сабиров;
8. “Ягымлы җырчы” – Люция Мусина;
9. “Мәхәббәт җырчысы” – Фәрит Фәйзрахманов;
10. “Танцеваль проект” – ANN SU;
11. “Романтик җырчы” – Чәчкә;
12. “Романтик җырчы” – Артур Минһаҗев;
13. “Иң яхшы лирик җыр” – Илсаф, “Онытырга телим мин сине”;
14. “Чит илдә төшерелгән иң яхшы клип” – Элвин Грей һәм Бабек Мамедрзаев;
15. “Яңа сольный проект” – Линара Батталова;
16. “Яшьләр проекты” – Динара Рәхимова;
17. “Оригиналь исем” – Фирүзә Париж;
18. “Автор-башкаручы” – Фирюзә;
19. “Автор-башкаручы” – Виталий Агапов;
20. “Җырлы гаилә” – Рамил-Рамилә Хәйретдиновлар;
21. “Егетләр мәхәббәте” – Динә Вәлиева;
22. “Хатын-кызлар мәхәббәте” – Марат Шәйбәков;
23. “Хит-парадлар лидеры” – Ландыш Нигъмәтҗанова;
24. “Иң яхшы клип” – Салават һәм Гүзәлем Миннихановлар, “Мин сине озак эзләдем”;
25. “Иң популяр җырчы” – Элвин Грей;
26. “Иң стильле башкаручы” – Алсу Әбелханова;
27. “Иң стильле башкаручы” – Айрат Сафин;
28. “Кабатланмас тавыш” – Эльмира Кәлимуллина;
29. “Лирик җырчы” – Рамил Галимҗанов;
30. “Халыкчан җырчы” – Вадим Захаров;
31. “Ел ташкыны” – Хәким;
32. “Яңа дуэт” – Гүзәл Әхмәтова һәм Илшат Яппаров;
33. “Иң яхшы лирик җыр” – Рәфинә Ганиуллина, “Исемсез хат”;
34. “Лирик җырчы” – Резедә Әхмәтвәлиева;
35. “ТМТВ гимны өчен” – Булат Җиһаншин;
36. “Иң яхшы клип һәм җыр” – Азалия Зиннәт, ”Җаныкаем”;
37. “ТМТВ продакшн тәкъдим иткән иң яхшы клип” – Эльмира Сөләйманова, “Сине яратканны онытма”;
38. “Герой ата” – Илназ Баһ;
39. “Гастрольләр рекордсмены” – Ризат-Зинира Рамазановлар;
40. “Иң яхшы дуэт” – Алсу-Азат Фазлыевлар;
41. “Иң яхшы клип һәм җыр” – Әнвәр Нургалиев, “Кочаклама яратмыйча”;
42. “ТМТВ телеканалының махсус премиясе” – Хәмдүнә Тимергалиева;
43. “Тамашачы мәхәббәте” – Иркә;
44. “Тамашачы мәхәббәте” – Рифат Зарипов;
45. “Халык мәхәббәте” – Филүс Каһиров;
46. ТМТВ каналының махсус номинациясе – “Татар сәнгатенә зур өлеш керткән өчен” – Айдар Галимов.

Запись Эстрадада “Яңа исем” һәм “Иң популяр җырчы” – ТМТВ премиясе кемнәргә бирелә? [исемлек] впервые появилась Tatar Today - татар яңалыклары..