Архивы Айрат Хәйруллин - Tatar Today - татар яңалыклары.

Айрат Хәйруллин вертолеты һәлакәткә очрауның ике версиясе аталды

Alfia — Thu, 12 Mar 2020 18:59:46 +0000

Депутат Айрат Хәйруллинның вертолеты кеше факторы яки техник төзексезлек аркасында һәлакәткә очраган булуы ихтимал. Бу хакта матбугат чаралары вәкилләре белән видеоконференция барышында Идел буе транспорт прокуроры Тимур Кебеков сөйләде.

«Хәзер фаҗиганең сәбәбе нәрсә булган дигән сорауга, берничек тә җавап биреп булмый. Экспертизалар комплексы билгеләнде, шул исәптән авиатехника экспертизасы да», — диде прокурор.

Прокурор шулай ук пилот гамәлләренә хокукый бәяне Халыкара авиация комитетының эксперт бәяләмәсеннән соң гына бирергә мөмкин булачак, диде.

Искәртеп узабыз, депутат Айрат Хәйруллин 7 февральдә Татарстанның Лаеш районында вертолет һәлакәтендә үлде. Шуннан соң «Һава транспортын эксплуатацияләү һәм хәрәкәт иминлеге кагыйдәләрен бозу аркасында кеше үлү» маддәсе буенча җинаять эше кузгатылды. Башта бу хәлнең өч версиясе каралган иде — пилот хатасы, техник төзексезлек һәм начар һава шартлары.

Мәгълүмат: tatar-inform.tatar

Запись Айрат Хәйруллин вертолеты һәлакәткә очрауның ике версиясе аталды впервые появилась Tatar Today - татар яңалыклары..

Дәүләтара авиация комитеты Айрат Хәйруллин һәлак булган вертолет һәлакәтен тикшерә

Alfia — Mon, 10 Feb 2020 16:14:57 +0000

Дәүләтара авиация комитеты Лаеш янында булган вертолет һәлакәтен тикшерә башлады. Анда Айрат Хәйруллин һәлак булды. Бу хакта мәгълүмат комитетның рәсми сайтында чыкты.

Авиакатастрофаның барлык сәбәпләрен ачыклау өчен махсус төзелгән комиссия эшли башлады.

«Татар-информ» мәгълүмат агентлыгы хәбәр иткәнчә, узган җомгада Лаеш янында Bell-407 вертолеты һәлакәткә дучар булган. Һава судносы бортында өч кеше була — танылган сәясәтче һәм җәмәгать эшлеклесе Айрат Хәйруллин, аның ярдәмчесе һәм пилот. Депутат һәлак була.

Мәгълүмат: tatar-inform.tatar

Запись Дәүләтара авиация комитеты Айрат Хәйруллин һәлак булган вертолет һәлакәтен тикшерә впервые появилась Tatar Today - татар яңалыклары..

Айрат Хәйруллин боралагының һәлакәткә очрау моменты [видео]

Alina — Sun, 09 Feb 2020 12:10:17 +0000

Депутат Айрат Хәйруллинның Bell 407 боралагының һәлакәткә очрау моменты видеога эләккән. Бу видеоны «БИЗНЕС Online» укучысыз җибәргән.

Видеода күренгәнчә, камера шәхси йортлар янында урнашкан. Язмаларны караганнан соң, Кама өстендәге якты утка игътибар иткәннәр. Фаразлаулар буенча, бу нәкъ боралак җиргә төшкән вакыт.

Шунысын да әйтеп үтәргә кирәк: бәлки бу Хәйруллинның боралагы түгел, ә коткаручылар килгән вакыт булуы да мөмкин. Чөнки бу вакытта, видеодан күренгәнчә, буран инде тынган була.

Мәгълүмат БИЗНЕС Online

Запись Айрат Хәйруллин боралагының һәлакәткә очрау моменты [видео] впервые появилась Tatar Today - татар яңалыклары..

Айрат Хәйруллин җеназасы – Татарстан президенты Рөстәм Миңнеханов, гаиләсе, дуслары… [видео]

Alfia — Sat, 08 Feb 2020 10:17:33 +0000

8 февраль Россия Дәүләт Думасы депутаты Айрат Хәйруллинны соңгы юлга озаттылар. Хушлашу мәрасиме Г. Тукай исемендәге дәүләт филармониясендә үтте. Озату чарасында Татарстан Президенты Рөстәм Миңнеханов катнашты.

7 февраль Рөстәм Миңнеханов мәрхүмнең хатынына телеграмма юллаган иде.

«Бу Сезнең һәм гаиләгез өчен генә түгел, бөтен республика өчен зур югалту. Татарстанның аграр сәнәгать комплексын үстерүгә лаеклы өлеш керткән, Татарстанның авыл хуҗалыгы продукциясен җитештерүчеләр мәнфәгатен Россия Дәүләт Думасында нәтиҗәле яклаган кеше арабыздан китте», — диелә телеграммада.

Россия Дәүләт Думасына Татарстаннан сайланган депутат кичә кич Bell 407 вертолетының Куйбышев сусаклагычы бозына аварияле төшеп утыруы нәтиҗәсендә һәлак булды. Татарстан җитәкчелеге, РФ Дәүләт Думасы Рәисе Вячеслав Володин, парламентның түбән палатасында «Бердәм Россия» фракциясе җитәкчесе Сергей Неверов һ.б. рәсми затлар Айрат Хәйруллинның туганнарының тирән кайгысын уртаклашты.

Мәгълүмат һәм фото: tatar-inform.tatar

Запись Айрат Хәйруллин җеназасы – Татарстан президенты Рөстәм Миңнеханов, гаиләсе, дуслары… [видео] впервые появилась Tatar Today - татар яңалыклары..

Айрат Хәйруллин һәлак булган фаҗиганең төп сәбәпләре

Alina — Sat, 08 Feb 2020 08:39:32 +0000

Тикшерүчеләр Дәүләт думасы депутаты Айрат Хәйруллин һәлак булган фаҗиганең төп сәбәпләрен атады.

Һәлакәтнең төп фаразы сыйфатында очучы хатасы, техник төзексезлек һәм начар һава шартлары карала. Җинаять эше Җинаять кодексының 263 мәддәсенең 2 өлеше буенча («саксызлык аркасында кеше үлеменә китергән һава транспортын эксплуатацияләү һәм хәрәкәт иминлеге кагыйдәләрен бозу») кузгатылган.

Росавиациядә фаҗига начар һава шартлары аркасында килеп чыккан, дип саныйлар.

Bell вертолеты Татарстанның Лаеш шәһәре тирәсендә 7 февральдә көндез һәлакәткә юлыга, аның бортында өч кеше була. Пилот һәм пассажир исән кала, тагын бер пассажир, депутат Хәйруллин, һәлак була.

Хәзерге вакытта каза күргән ике кеше Республика клиник дәваханәсендә. Пациентлар аңында. Депутат Айрат Хәйруллин белән хушлашу бүген Казанда уза.

Мәгълүмат Кызыл Таң

Запись Айрат Хәйруллин һәлак булган фаҗиганең төп сәбәпләре впервые появилась Tatar Today - татар яңалыклары..

Айрат Хәйруллинның вертолеты һәлакәткә очраганны ике кеше күреп торган [видео]

Alfia — Sat, 08 Feb 2020 07:00:18 +0000

7 февраль Татарстанның Лаеш районында Россия Дәүләт Думасы депутаты Айрат Хәйруллинның вертолеты һәлакәткә очраганны ике кеше күреп торган.

«Заря» газетасы баш мөхәррире Ирина Монина сөйләгәнчә, һәлакәтнең шаһитлары — әтиле-уллы ике кеше боз белән капланган Кама елгасы өстенә вертолет төшкәнне күргән. Вертолет бер якка авышкан хәлдә очкан, шыгырдаган тавышлар ишетелгән, аннан соң ул боз өстенә килеп төшкән.

«Татар-информ» агентлыгы үз чыганаклары буенча ачыклаганча, хәзерге вакытта Айрат Хәйруллинның гәүдәсен әле һаман вертолет фюзеляжы астыннан чыгармаганнар. «Фаҗига урынында тикшерү комитеты хезмәткәрләре эшли. Шуннан соң гына һәлак булган депутатның гәүдәсен вертолет астыннан чыгарачаклар», — дип сөйләде ул.

«Татар-информ» язганча, бүген кичке сәгать алтылар тирәсендә депутат Айрат Хәйруллинның вертолеты Лаеш районында Кама елгасы өстендә һәлакәткә очрады. Вертолетта өч кеше булган — пилот, депутат һәм аның ярдәмчесе. Соңрак фаҗига урыныннан фотолар һәм видео пәйда булды. Бу һәлакәттә Айрат Хәйруллинның гомере өзелде, калган ике кеше хастаханәгә озатылды.

Беренчеләрдән булып Айрат Хәйруллинның туганнары һәм якыннары кайгысын Татарстан Президенты Рөстәм Миңнеханов уртаклашты. Ул Айрат Хәйруллин Татарстан халкы хәтерендә мәрхәмәтле кеше, хәйрияче буларак та хәтердә калачагын әйтте.

Мәгълүмат: tatar-inform.tatar
Фото: rostovgazeta.ru

Запись Айрат Хәйруллинның вертолеты һәлакәткә очраганны ике кеше күреп торган [видео] впервые появилась Tatar Today - татар яңалыклары..

Казан янында Дума депутаты Айрат Хәйруллин вертолеты казага очрап, һәлак була [фото-видео]

Alfia — Fri, 07 Feb 2020 20:13:25 +0000

Казан янында Bell-407 хосусый вертолеты җиргә килеп төшкән, ди чит ил агентлыгы. Анда булган өч кешенең берсе – Русия Думасы депутаты Айрат Хәйруллин үлгән.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Татарстаннан сайланган Русия думасы депутаты Айрат Хәйруллин боралагы Казан янында казага очраган. Аның белән булган ярдәмчесе Рәмис Газизов һәм пилот Җәүдәт Сөләйманов исән калган, алар хастаханәгә китерелгән.

Айрат Хәйруллин Левашеводан (Алексеевски районы) Матюшинога (Лаеш районы) очкан. Боралак якынча 28 чакрым ара узган һәм бозга килеп төшкән. Хәйруллин боралак астында калган дип яза медиа.

Хәйруллинга 49 яшь иде. Ул икътисадчы, мультимиллионер, эшмәкәр, IV, V, VI һәм VII чакырылыш Русия думасы депутаты, “Бердәм Русия” фракциясе һәм Думаның аграр сәясәт комитеты әгъзасы иде.

Татарстанда депутат булудан тыш, аны “Эдельвейс” кибетләр челтәре хуҗасы, “Кызыл Шәрык” сыра сату ширкәтен ачып җибәрүче һәм “Кызыл Шәрык” агрохолдингы җитәкчесе буларак беләләр. Соңрак Хәйруллин “Эдельвейс” һәм “Кызыл Шәрык” сыра ширкәтен сатты.

Forbes төзегән “Хакимият һәм акча” дип аталган еллык рейтингында Русиянең 100 иң бай түрәсе һәм депутатлары арасыннан Татарстаннан ул да бар иде. Элегрәк Дмитрий Гудков керемнәренең бер өлеше авыл хуҗалыгы ширкәтләреннән килүче Хәйруллинның ничек итеп 2007 елдан бирле думаның авыл хуҗалыгы мәсьәләләре комитеты рәисе урынбасары булып эшли алуына гаҗәпләнү белдергән иде.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Русия думасы спикеры Вячеслав Володин бүгенге кайгы уртаклашуда: “Ул Казан шәһәре шурасы депутатыннан, Татарстан Дәүләт шурасы депутаты, ә аннары Дума депутаты дәрәҗәсенә җитте. 2003 елдан бирле Думада Татарстан сайлаучылары мәнфәгатьләрен яклап килде. Ун ел Сөт җитештерүчеләр берлеген җитәкләде. Бүген ул үз төбәгендә эш белән йөри иде”, диде.

Запись Казан янында Дума депутаты Айрат Хәйруллин вертолеты казага очрап, һәлак була [фото-видео] впервые появилась Tatar Today - татар яңалыклары..

Әлмәт районы башлыгы тарзанкадан сикергән [видео]

Редактор1 editor1 — Sat, 30 Jul 2016 09:06:01 +0000

Соңгы арада Татарстанның район башлыклары социаль челтәрләрдә бик актив. Кемдер “love story” төшә, кемдер урак өстендә комбайнчыларның хәлен белә. Ә менә Әлмәт районы башлыгы Айрат Хәйруллин күпердән тарзанка белән сикергән.

Бу видеоны Айрат Хәйруллин инстаграм челтәрендәге аккаунтына урнаштырган һәм “Күңелемне җилләтем” дип язып куйган. Район башлыгының аккаунтына язылучылар, соклануларын белдереп: “безнең мэр иң “текә”, “горурланабыз”, “менә бу ир”, дигән фикерләр дә калдырган.

Проветрил душу…

Видео опубликовано Ayrat Khayrullin (@khayrullinayrat) Июл 29 2016 в 12:35 PDT

Запись Әлмәт районы башлыгы тарзанкадан сикергән [видео] впервые появилась Tatar Today - татар яңалыклары..