Коронавирус чикләүләре көзгә кадәр дәвам итәчәк. Шулай итеп, укучыларга гадәти форматта Белем көненә традицион линейкалардан баш тартырга туры киләчәк. Моның урынына укучылар 1 сентябрьне яңа режимда бәйрәм итәчәкләр:

• Бездә гадәттәгечә 1 сентябрьдә линейкалар уза, һәм аңлаешлы сәбәпләр аркасында без, Роспотребнадзор таләпләрен исәпкә алып, аларны бераз башка форматта уздырачакбыз, – дип сөйләде мәгариф министры Сергей Кравцов.

• Мәктәп укучылары һәм укытучылар мәктәпләргә киләчәк, белем бирү процессы башланачак, ләкин авыру таралуга юл куймас өчен, укучыларыбызның һәм педагогларның куркынычсызлыгын һәм сәламәтлеген максималь дәрәҗәдә тәэмин итү өчен, билгеле бер таләпләр белән.

Дөрес, мәктәп укучылары Белем көнен ничек бәйрәм итәчәкләр, әлегә аныкланмый. Бәлки,  мәктәп линейкалары урынына укучылар сыйныф җитәкчеләре һәм сыйныфташлары белән сыйныфларда гына җыелып бәйрәмне үткәрерләр. Шунысы төгәл билгеле – беренче уку көнендә укучыларга белемнәрен тикшерергә кирәк булачак:

• 1 сентябрьдә мәктәпләрдә укучыларның белеменә диагностика үткәреләчәк, – дип хәбәр итте Сергей Кравцов. – Без билгеләр куймыйбыз, ә белем дәрәҗәсен генә карыйбыз. Әгәр проблемалар килеп чыкса, аларны юкка чыгарырга һәм белем бирү нәтиҗәләрен тигезләргә ярдәм итә торган программа бар.

Соңгы өч айда укучылар укуны дистанциядә үткәрүләрен исәпкә алып, белемнәрне тикшерү артык булмаячак. Сорау шул гына, аны беренче көнне үк уздырырга микән, яки инде балаларга беренче уку көнен тынычлап бәйрәм итәргә мөмкинлек бирергә.

Чыганак: Комсомольская Правда

Запись 1 сентябрь нинди булачак: мәктәпләрдә линейкалар ничек узар? впервые появилась Tatar Today - татар яңалыклары..

«Карарны белем бирү оешмасы кабул итә, ә без шундый киңәш бирдек. 1 сентябрь бөтен республика күләмендә Белем көне булырга тиеш дип саныйбыз, коллегаларыбызга да шул хакта әйттек. Монда теләк бер генә – ата-аналар һәм балалар, гаиләләргә тулы составта бу бәйрәмгә килергә мөмкинлек бирү», – диде Татарстанның мәгариф һәм фән министры.

Рафис Борһанов сүзләренчә, 1 сентябрьдә эшләячәк укытучыларга ял бирәчәкләр. «Әлбәттә, аннары бер көн ял бирәчәкбез. Бу мәсьәләне дә белем бирү оешмасы хәл итә», – дип искәртте ул.

«1 сентябрь — бәйрәм көн. Ул беренче сыйныфлар, шулай ук гомуми мәктәпкә күчүче бишенче сыйныф укучылары өчен аеруча зур бәйрәм. Шунлыктан балаларны бу бәйрәмне әти-әниләре белән бергәләп үткәрү мөмкинлегеннән мәхрүм итәсе килми», – дип өстәде Татарстанның мәгариф һәм фән министры.

• Әлеге бәйрәмне совет заманында билгеләп үтә башладылар. Ул рәсми төстә Белем көне буларак 1984 елда СССР Югары Советы Президиумының «1 сентябрьне бөтенхалык бәйрәме – Белем көне дип игълан итү турында»гы Указы белән гамәлгә куелды.

Мәгълүмат: tatar-inform.tatar

Запись Татарстанда 1 сентябрьне кайчан бәйрәм итәләр соң инде? Мәскәү бер дата әйтә, Татарстан башканы впервые появилась Tatar Today - татар яңалыклары..

– Өч балабыз мәктәптә укый. Казанга күченеп килгәч тә, иң беренче татар мәктәпләре белән кызыксына башладым, – ди Йосыф хәз­рәт. – Балаларга мәктәп тапкач кына, шул тирәдән фатир алу ягын кайгыртырга керештек. Өйдә татар телендә генә сөйләшәбез.

– Шәһәр баласы, өйдә татарча сөйләшсәң дә, күпмедер вакыттан урысчага күчә…

– Кечкенә кызым да шулай, мультфильмнар карап утыра да, үзеннән-үзе урыс телендә сөйләшә башлый. Татарча сөйләш, дип тө­зәтеп торырга кирәк. Шөкер, татар мәктәбендә барыбер үзебезнең мохит хөкем сөрә. Татарча ши­гырь­ләр ятлыйлар, бәйрәмнәр вакытында да милли рух сизелә. Соңгы вакытларда мәчетләрдә дә тел мәсьәләсе шактый авыр була башлады: күп бала татарча белмәгәч, дәресләрне урысча да алып барырга туры килә.

– Динне саклау буенча гаи­ләдә нинди чаралар күрелә?

– Намазларны бергәләп укыйбыз. Рамазанда бергә сәхәр ашыйбыз. Балалар белән күрешү форсатлары туганда, үгет-нәсыйхәт тә бирергә тырышабыз. Аллага шө­кер, Казанда гаилә белән җы­елып берәр кая барырга чыксаң, “бө­ке”ләрдә утырырга туры килә. Анда вакытны әрәм итмәскә ты­рышасың. “Улларым, Аллаһы Тә­галә файдалы кешеләрне ярата. Тормыш сезне кем белән генә бәй­ләмәсен, янә­шәгездәге кешеләр сөенерлек итеп яшәгез. Хатыныгыз: “Бу хайван белән яшәп гомерем әрәм булды”, – дип әйтсә, ниш­ләрсез? Хезмәт­тә­шегез: “Ярый шушы кеше белән эшлим әле”, җитәк­чегез: “Нинди тырыш кеше таптым”, гаиләгез: “Әтие­без бик яхшы”, – дип сөйләрлек булсын! Шундый киңәшләрне кат-кат кабатлып торам.

– Ә балага әйткән керәме? Бер үк гаиләдә үсүчеләрнең дә холыклары төрле була. – Тәүфыйк – Аллаһы Тәгаләдән. Ата-ана тәрбиясен бирсен һәм һәр­чак алар өчен дога кылсын. Бала-чага дип заяга әйтмәгән халык. Чыннан да, чага алар. Урамга да куып чыгара алмыйсың, кыйнап та ташлап булмый. Үз балаң, үз җи­мешең, сабырлыгыңны җыеп тәр­биялисең. Бер ишектән үтә алмасаң, икенчесен эзлисең.

– Баланы тәрбияләмәгез, ул барыбер сезнең үзегезгә охшаячак, дигән бер акыл иясе. Күпме генә акыллы сүзләр сөйләп, өй­рәтеп утырма, бала синең га­мәлеңне кабатлаячак…

Алма агачыннан ерак китми, дигән сүз бар. Кайчак: “Кемгә ох­шап шундый булдыгыз сез?” – ди­сәм, хатын шыпырт кына: “Гел үзең инде”, – дип куя. Бала холкы кемне­кенә охшасын инде: безгә – әти-әнигә, әби-бабайга, абый-апага… Яхшысын гына алсалар ярар иде, ким­челекләреңне бик тиз эләкте­рәләр. Шуңа күрә, ата-ана иң элек балаларына күркәм үрнәк күрсә­тер­гә тиеш. Әгәр гаиләдә ана тарафыннан атага ихтирам юк икән, кызының да иренә хөрмәт күрсәтә алуы шикле. Әгәр атасы хатын-кызга кешечә мө­гамәләдә булмаса, улының да бу кагыйдәне үзгәртүе икеле. Шуңа күрә, борынгылар: “Мең матур сүз сөйләүчегә караганда, бер үрнәк күрсәтүче хәер­лерәк”, – дигән.

– Кайбер ата-ана, ана телендә укыган балага имтихан бирү кыен, аның киләчәге ничек булыр, дип борчылып, татар мәктә­беннән читләшү ягын карый. Юкса урысча укыган баланың да һәрберсе профессор булып кит­мәвен дә беләбез.

–Укымаган бала кайда да укымый инде ул. Без Сарманда гомуми фән­нәрне урыс телендә укыдык. Рус теле, әдәбияты укытучысы Сәил Әхәтович бик әйбәт иде, урыны җәннәттә булсын. Шөкер, ана телебезне дә беләбез, Пушкин телен дә яратабыз. Ана телен белү, татарча уйлау, матур төшләреңне татар те­лендә күрү бик мөһим, әмма урысчасын да күп кенә урыслардан да яхшырак белергә тырышырга ки­рәк. Дөресен әйткәндә, мин мәктәп елларында бик шук малай идем, укы­тучыларның иң яхшы, иң тың­лаулы укучысы була алмадым. Анда укымаган романнарны хәзер вакыт табып укыштырам. Машинада йөр­гән­дә дә аудиокитаплар тыңларга тырышам. Ә техник телдә язылган, бизнес китаплары укып кына тел­нең серләренә төшенеп булмый Стив Джобс бөтен дөньяны гаджетларга утыртса да, үз өенә берсен дә кертмәгән диләр. Компьютерда уйнап, ватсап, фейсбукта утырып, вакыт сарыф иткәнче, китаплар укысак, күпкә белемлерәк булыр идек.

– Соңгы вакытта нинди матур әдәбият укыдыгыз?

– Дини китаплар уку – көн­дә­лек эш, шулар аша вәгазьләргә, дә­ресләргә әзерләнәсең. Ә әдә­бият­ка килгәндә, соңгыла­рыннан истә кал­­ганнары Гаяз Исхакыйның “Сөн­­нәтче бабай”, Л. Толстойның “Хаджи Мурат” әсәрләрен аудиоязма рәвешендә тыңлап чыккан идем.

– Балаларның өстәленә нинди китаплар куясыз?

– Әлбәттә, дини китаплар күп бүген. Әмма, гел бергәләп китап укып утырабыз, дип мактана алмыйм. Колхоз эшенә чумып, кайчак балаларга игътибар җитеп бетми.

– Беренче сентябрьдә укырга барганда нинди киңәшләр биреп озатасыз?

– Үгетне беренче, икенче сен­тябрьдә генә түгел, гел тукып торырга кирәк. Аллаһы Тәгалә кешегә бү­ләк итеп биргән иң кыйммәтле нәр­сәләрнең берсе – акыл. Вакытында акылы эшләп бетермәгән ке­шенең кулларына, аякларына күб­рәк авырлык төшә. Ә акыл сандыгына белем кирәк. Өй салырга уй­ласаң, проект сыздырырга, санап-хи­сап­лап эш итеп була. Ә бала тәр­бияләү буенча беркем дә төгәл сызым сыза алмый. Бала үсте­рү­че­ләргә Аллаһы Тәгалә ярдәм бирсен! Бөтен го­мерләрен бала тәр­бия­ләү­гә, педагогикага багышлаган кеше­ләр­нең дә кайчак балалары тәр­биясез булып чыга. Алла­һы Тә­галә­дән балаларыбызга тәү­фыйк-һи­даят сорарга кирәк. Без бит күп вакыт сәламәтлек сорыйбыз, анысы да бик мөһим. Әмма, балаң сә­ламәт булып, гомер буе синең ка­ныңны эчеп яшәсә, аның саулыгыннан кемгә файда? Сукса тимерне өзәр­дәй таза улың, үзен кая куярга бел­мичә, урамда кеше кыйнап йөр­сә, сырхау булуы хәерлерәк түгелме икән дип уйлап куярсың. Бүген заманалар, дөньялар бик матурланды, бай, ялтыравык тормыш яшь­ләрне нык алдый, акылдан яздыра. Аллаһы Тәга­ләдән, балаларым ялгыш юлларга, ялгыш адымнарга кереп китә күр­мәсен, дип сорарга кирәк.

– Кайбер ата-ана баланың сумкасына дога салып җибәрә. Сездә андый гадәт бармы?

– Доганы баланың йөрәгенә салмасаң, букчасына кыстырып җи­­бәргәннән артык файда булмас. Баланы үз сүзе белән, үз телендә Ал­лаһы Тәгалә белән сөйләшергә өй­рәтергә кирәк. Өйдән чыкканда, хә­ерле көннәр, янында хәерле ке­ше­ләр булуын сорасын. Мине хә­ерсез кешеләрдән арала, үземне хәерсез кеше булудан сакла дип теләсен. Хөкүмәт мәктәпләренең максаты – балаларга күбрәк дөнья­ви белем бирү. Ә рухи тәрбия бирү иң элек ата-аналарның җилкәсенә төшә.

Фәния Арсланова, Ватаным Татарстан

Запись 6 балалы Йосыф хәзрәт Дәүләтшин гаиләсе мәктәпкә ничек әзерләнә? впервые появилась Tatar Today - татар яңалыклары..

Билгеле, теоретик яктан бала укырга керү яшенә җитеп, укый, яза, саный белмәсә дә, мәктәп аны кабул итүгә каршы килә алмый. Ә практик яктан исә, бала үзен «алдынгылар» янында уңайсыз хис итмәсен өчен, аның әзерлекле булуы яхшы.

Мәктәп бусагасын атлап кергәч бала кыен хәлдә калмасын өчен, ата-аналарга сабыйларына ярдәм итәргә кирәк. Беренчедән, вакытны җәлләмичә, бала белән үзлектән шөгыльләнү мөһим. Икенчедән, мәктәп каршында оештырылган мәктәпкә әзерлек курслары ярдәмгә килә (биредә бала мәктәп, укытучылар, булачак сыйныфташлары белән таныша, аларга ияләшә тора). Өченчедән, матди яктан мөмкинлеге булган ата-аналар укытучы, психологлар да яллый ала.

Әти-әниләр, укытучыларның да әлеге мәсьәләгә кагылышлы фикерләре белән кызыксындык.

Мәсүфә ГЫЙМРАНОВА, башлангыч сыйныфлар укытучысы, Казан шәһәре

Мәктәпкә укырга керү – кечкенә кешенең тормышындагы мөһим этапларның берсе. Кайбер балалар яңа шартларга тиз генә ияләшеп китә алмаска мөмкин, шунлыктан алар зур стресс кичерәләр. Булучак укучы белән ата-аналарның шөгыльләнүе мәҗбүри. Әкренләп уку, язу, саный белү күнекмәләрен үстерү, сабыйга үзен ышанычлы хис итүдән тыш, аңарда уку процессына кызыксыну уятырга да ярдәм итә.

Фәнзилә ХӨСӘЕНОВА, Арча районы, Яңа Кенәр авылы

Быел беренче сыйныфка өченче балабыз бара, шуңа күрә үзебезне тәҗрибәле ата-ана, дип әйтә алам. Мәктәпкә әзерлекне без инде күптән башладык. Кызыбыз кечкенәдән укырга, ун эчендә санарга өйрәнде. Ул яктан тулысынча әзер, минемчә. Авылда яшәгәч, психологик яктан да җиңелрәк, чөнки балалар бакчасына бергә йөргән төркем белән, беренче сыйныфка китәләр. Баланың үзенә бикләнмәгән булуы, кеше белән тиз уртак тел таба алуы бик мөһим, шуңа күрә аны төрле түгәрәкләргә, спорт секцияләрен йөртергә киңәш итәр идем. Шулай ук кечкенәдән балада иптәшләренә, өлкәннәргә карата ихтирам, хөрмәт тәрбияләргә кирәк.

Рифат Каюмов, Казан шәһәре

Без баланы мәктәпкә узган елның сентябрь аенда әзерли башладык. Үзебез сайлаган гимназиянең әзерлек төркеменә 9 ай буе йөрдек. Бүгенгесе көндә балам укырга керергә белем һәм психологик яктан әзер. Кызыбыз белән даими рәвештә шөгыльләнебез, Әлифба укыйбыз, 20 эчендә саныйбыз, инглиз, рус телендә яңа сүзләр өйрәнебез. Бала юлдан үткәндә төрле язуларны, кибет исемнәрен, уенчык, китап тышлыгында язылган сүзләрне кызыксынып укый.

Әти-әниләр, беренче чиратта, барасы мәктәпне сайлап, баланы шул мәктәпнең әзерлек төркеменә йөртсеннәр, чөнки аның файдасы бик зур. Бала биредә тугыз ай буе укып, тулысынча мәктәпкә әзерләнеп бетә.

Автор: Айгөл ГАРИФУЛЛИНА

Мәгариф

Запись Ата-аналарга баланы мәктәпкә әзерләүдә киңәшләр впервые появилась Tatar Today - татар яңалыклары..

Әлеге мәктәп быел 10 еллык туган көнен билгеләп үтә. Шулай ук белем йорты иң яхшы мәктәпләр исемлегенә дә кергән.

Фотолар: Шамил Абдюшев

Запись 10 еллыгын билгеләп үткән 175нче мәктәп укучыларын каршы алды [фотогалерея] впервые появилась Tatar Today - татар яңалыклары..

1нче сыйныфка баланы әзерләү елдагыча ыгы-зыгылы була. Икътисади кризис сәбәпле ул чыгымлы да әле. //Азатлык радиосы//

Запись Быел балаларны мәктәпкә әзерләү күпмегә төшкән? впервые появилась Tatar Today - татар яңалыклары..

Бу көнне артистлар, җырчылар, алып баручылар да үзләренең мәктәп елларын искә алды. Хатирәләре белән инстаграм битләре аша бүлеште.

Дилә Нигъмәтуллина беренче сыйныфка баручыларга зур уңышлар теләп, мәктәп елларында төшкән фотосын урнаштырды. “Мин мәктәбемне бик ярата идем”, дигән җырчы.

Радик Юльякшин “Мәктәп, мәктәп, мин сине сагынам”, дип түбәндәге фотоны урнаштырды:

Школа, школа – я скучаю…?Всех с этим днём поздравляю ?. крепитесь ?? #elvingrey #радикюльякшин #48Лицей #Уфа #Черняга?? #Черниковка

Фото опубликовано Elvin Grey (@elvin_grey_music) Сен 1 2016 в 5:44 PDT

Динә Закирова 24 ел элек беренче сыйныфка барган икән.

Ровно 24 года назад я стала первоклашкой ☺️ училась в 54й татарской гимназии города Набережные Челны. В этот год набирали целевые классы-такие как математический ,гуманитарный итд… А наш был особенным -1К хоркласс! Нас было 19 человек как помню (может больше) и каждый ребёнок ходил в музыкальную школу ( 13 татарская школа искусств) ,осваивая музыкальный инструмент . А хоркласс-мы все пели в одном хоре ( один класс -один хор ) Было весело ,очень творческая атмосфера располагала к развитию таланта каждого…Но к сожалению профессию музыканта выбрала одна я ,хотя талантливых ребят было много…Отлично помню свою первую учительницу Миляушу Данифовну. Мягкая,по матерински добрая,умеющая найти к каждому ребёнку индивидуальный подход. Трепетно отношусь к детским воспоминаниям…помню каждого одноклассника ,мы все были равными ,нас научили уважать и ценить друг друга. Незнаю как для других,но я встретив кого нибудь из одноклассников радуюсь как будто встретила родственника…Хочется сказать своей школе -спасибо за детство ?? #54гимназия #набережныечелны #япервоклашка #диназакирова #диназакирова89274503603

Фото опубликовано Дина Закирова (@dinazakirova_rt) Сен 1 2016 в 1:51 PDT

Айсылу Хаҗиева 9нчы сыйныфта төшкән фотосы белән бүлеште:

1-ое сентября! День знаний. Второй день в году, когда бывшие выпускники вспоминают свою школу(первый-25мая). Нашла фотографию 9″В” . Фотки “А”класса нет, @aliya.kabirova может ты найдешь?!) Товарищи одноклассники, привет) P.s. я никогда не была маленькой и худенькой) а еще здесь должны быть теги типа #люблюшколу #скучаю #одноклассникилюбимые #ВернутьБыШкольныеГода, но их не будет. Сечешь о чем я?!? #1сентября #2аягимназия #9в #11а #рыжаяисчелкой

Фото опубликовано Айсылу Хазиева (@aisylu_khazieva) Сен 1 2016 в 12:45 PDT

Запись Артистлар мәктәп елларында төшкән фотолары белән бүлешә [фото] впервые появилась Tatar Today - татар яңалыклары..

Әмма бүген, Белем Бәйрәме. Укучыларның, студентларның яңа уку елы башланган көне. 1нче сыйныфка баручылар  аеруча да дулкынланадыр. Балалар гына түгел, әти-әниләр дә бу көнне кабатланмас хисләр кичерә.

Эстрада артистлары да балаларын мәктәпкә озата. Инстаграм челтәре берсеннән берсе матур фотолар белән тулган. Әйдәгез, без дә күз салыйк әле.

Казанның кайбер мәктәпләрендә Белем көне инде 31нче августта башланды. Шулай итеп, Казан Халыкара мәктәпнең яңа корпусы ачылды. Әлеге мәктәптә җирле түрәләр, чит ил вәкилләре, спортчылар, эшмәкәрләрнең балалары белем ала.  Белем йортында айлык түләү – 70 мең сум тәшкил итә. Мәктәп ачылышында Рөстәм Миңнеханов та булды.

К новому учебному году готовы!

Фото опубликовано Рустам Минниханов (@rusminnikhanov) Авг 31 2016 в 9:03 PDT

Әлеге мәктәптә җырчы Ильвинаның 5 яшьлек кызы Раяна да белем алачак:

Илсөя Бәдретдинованың улы Нариман шулай ук 31е көнне формаларын киеп караган.

Иртэгэ мэктэпкэ…Нариманнан ныграк мин уйга калдым Б А Ш Л А Н Д Ы.))))))

Фото опубликовано Ильсия Бадретдинова (@ilsiiabadretdinova) Авг 31 2016 в 10:22 PDT

Әбри Хәбриевның кызы Камилә быел беренче сыйныфка бара:

Исэнме, мэктэп! 🙂 1-нче сыйныфка аяк атлыйбыз. 🙂 Мэктэптэ укыйсы килеп китте. 🙂 #КамилэХэбриева #ЭбриХэбриев #мэктэп #1класс #1сыйныф

Фото опубликовано Әбри Хәбриев (@abri_xabrieff) Авг 31 2016 в 10:27 PDT

Рөстәм Гайзуллиннарның уллары Нариман белән Нурсолтан төшкән фото күпләрнең кәефләрен күтәрде. Егетләр белем алырга әзер!

Лилия Муллагалиева быел ике баласын мәктәпкә озатты: Кызлары беренче сыйныфка барса, уллары 7нчегә китте.

Безнен очен буген бик шатлыклы кон! Кызыбыз 1 класска бара улыбыз 7 класска. Исэн сау укып , белемле,акыллы булып усэргэ язсын!!! Бэйрэм белэн!!!!#лилиямуллагалиева #ильвинагимадиева #данилгимадиев

Фото опубликовано Лилия Муллагалиева (@lilia_mul) Авг 31 2016 в 11:10 PDT

Роза Әдиятуллинаның кызы 2нче сыйныфка бара.

Сезон ачык! Төпле аягы белән 2 сыйныфка!! #гимназия2 #кызымалтыным #гимназиям #сэйяр #биючененукуконешулайбашлана #1сентябрь

Фото опубликовано Roza Adiyatullina (@rozaadiyatullina) Авг 31 2016 в 11:35 PDT

Запись Татар эстрадасы артистларының балалары мәктәпкә бара [фотолар] впервые появилась Tatar Today - татар яңалыклары..

Татарстан Республикасы Президенты Рөстәм Миңнеханов Белем көне уңаеннан татарстанлыларга теләкләрен җиткерде:

“Хөрмәтле татарстанлылар, укытучылар!

Укучыларны һәм студентларны, ата-аналарны, укытучыларны һәм тәрбиячеләрне, Татарстанның мәгариф системасында эшләүчеләрне һәм ветераннарны Белем көне һәм уку елының башлануы белән котлыйм!

Һәркемнең тормышында беренче сентябрьдән дә ныграк дулкынландыра торган һәм истә кала торган вакыйга юктыр, ул календарь датасыннан бөтенхалык бәйрәменә әйләнде. Ул һәр яшьтәге, һәм социаль төркемдәге, һәр милләттәге һәм диндәге кешегә кадерле һәм аңлаешлы, чөнки белем – ул кешелекнең бердәм казанышы, ул барыбызны да берләштерә һәм бер-беребезгә якынайта.

Беренче кыңгырау һәм беренче укытучыбыз, безне олы тормыш юлына бастырган яраткан мәктәбебез турындагы хатирәләр балачактан ук күңелдә саклана. Олыгая төшкәч, без вузларда һәм техникумнарда укып, мәктәп партасы артында алган белемнәребезне тагын да үстерергә, сакларга тырышабыз. Олы яшькә җиткәч, булган белемнәребез һәм тәҗрибәбезне үсеп килүче буынга мулдан тапшырабыз.

Бүген “Белем ул – көч” дигән канатлы гыйбарә яңа эчтәлек ала. Гаять тиз, динамик үзгәреп торган тормыш, бүгенге икътисадтагы кискен конкуренция мәгариф һәм тәрбиягә югары таләпләр куя. Уңышлы һәм җитеш булу өчен без дәүләтнең һәм җәмгыятьнең көчен югары квалификацияле белгечләр һәм иҗади фикер йөртүче шәхесләр үстерүгә юнәлтергә, яшьләрдә югары әхлакый һәм гражданлык, ватанны ярату сыйфатларын тәрбияләргә тиеш.

Татарстан мәгарифенең бик күп мөһим юнәлешләрдә лидер булуы куаныч. Билгеле, моңа укытучыларның, профессор-фән хезмәткәрләре берлеге, мәктәпкәчә уку йортлары тәрбиячеләре, тренерлар, энтузиаст педагогларның тырышлыгы белән ирешелде.

Без үзенең мактаулы хезмәте һәм шәхси үрнәге белән яшь йөрәкләргә белемгә тартылу, үткән буынның гореф-гадәтләренә хөрмәт һәм Ватанга мәхәббәт кертүче һәркемгә чын күңелебездән рәхмәтле.

Яңа уку елы безнең барыбыз өчен дә яңа иҗади хезмәтләр һәм җиңүләр, бөек фәнни ачышлар һәм казанышлар елы булсын! Сезгә тынычлык, бәхет, яхшылык һәм иминлек телим”,  диелә Татарстан лидеры котлавында.

Фото: www.tatar-inform.ru

Запись Рөстәм Миңнеханов татарстанлыларны Белем көне белән котлый впервые появилась Tatar Today - татар яңалыклары..