Архивы чәчәк - Tatar Today - татар яңалыклары.

Торт пешерүчеләргә салым түләтсәләр Кукмарадан Сәрия ханым нишлиячәген әйтте [фото]

Гузель — Sat, 20 Oct 2018 16:00:37 +0000

Кукмара районы Ядегәр авылында яшәүче Сәрия Хәсәнованың йорты да, пешергән тортлары да чәчәккә күмелгән.

Ул үзе дә гөл кебек… Ире һәм биш улы ышыгында яшәүче хатын-кыз башкача була да алмыйдыр. Аның тортларын мактадылар да, журналист әрсезлегемне эшкә җигеп, сыйланып чыгарга булдым. Капкадан кердем дә, телсез басып калдым. Бөтен җир шау чәчәккә күмелгән, шулар арасында кошлар сайрый.

— Сәрия апа, монда ничә төрле чәчәк бар? — дим, ә үзем әле берсенә, әле икенчесенә барып, борын сузам.

— Төгәл санаганым юк. 20 ләп күпьеллык чәчәк, 8-9 төрле лилия, 20 ләп төп дәлия, куаксыманнар 5-6 төр бугай — күп инде… Ун яшемнән үстерәм. Бәрхет чәчәкләрдән башлаган идем, шуннан бирле бу “чир” китми. Суын сибеп, чүбен утасаң, җәй буе атып утыра. Яңа чәчәк күргән саен, йә орлыгын, йә суганчасын алып кайтып утыртам…

Өлкәнрәк буын хәтерлидер, элегрәк авылларда мәҗлес өчен гөбәдия, бәлеш пешерүчеләр булган. Кулыннан ризык уңган хуҗабикәләрне эшсез тотмаганнар. Ә хәзер торт пешерү модада. Хәтта ул аерым бер сәнгатькә әйләнде. Аны ничек кенә бизәмиләр, нинди генә яңалык уйлап тапмыйлар. Бу юнәлеш популярлаша бара. Шуны күздә тотып, Сәрия апа да эшмәкәрлеккә кереп китәргә уйлаганмы икән әллә, дип үзеннән кызыксынам.

— Юк, нинди бизнес, ди?! Без кечкенә чакта кәгазь тартмаларда тортлар сатыла иде. Аларның өстендә майдан эшләнгән матур розалар, чәчәкләр була иде. Әнә шуларны җентекләп карап, үзем дә шундый итеп ясарга хыялланып үстем…

— Өйдә тортлар пешереп сатучыларга салым салу турында сүз бара. Моңа ничек карыйсыз?

— Анысын булдырырлар. Акча эшләү максатыннан пешермим, балачак хыялымны тормышка ашырасым килде. Үзем өчен генә эшләдем. Заказлар кабул итәм, дип реклама биргәнем юк, кешене тыңлап кына башкарам. Ул салымны ничек куясылары да билгеле түгел әле. Тортның үз бәясеннәнме, әллә чыгымнарны исәпләгәч калган керемнәнме? Аннан соң, күпме пешергәнеңне кем һәм нинди счетчик исәпли икән? Андый катлаулыга китсә, кешегә пешермәм, үзебездән дә артмас, — ди Сәрия апа…

Эльвира ФАТЫЙХОВА

Чыганак һәм фото: Ирек мәйданы

Запись Торт пешерүчеләргә салым түләтсәләр Кукмарадан Сәрия ханым нишлиячәген әйтте [фото] впервые появилась Tatar Today - татар яңалыклары..

Арча алмагачлары август аенда чәчәк ата [фото]

Редактор1 editor1 — Sat, 20 Aug 2016 14:00:40 +0000

Арча алмагачлары көз үтеп, кыш килеп, язга чыкканны көтеп тормаган, мул итеп чәчәк ата башлаган.

Шәһәрнең Пионер урамындагы ике хуҗалыкта алмагачлар чәчәктә утыра. Хуҗалары әйтүенчә, әлеге агачлар быел алма биргән, берсенеке тиз коелып беткән дә, яңа уңыш бирергә исәпләгәндер инде. Ә икенчесенең алмалары әле дә кызыктырып утыра, чәчәкләре дә хуш ис бөркеп, күзләрне иркәләп тора. Хәзер “алмагачы чәчәк ата августның унбишләрендә” дип җырларга калмагае, дип яза җирле газета.

Татар-информ

фото arskmedia.ru сайтыннан

Запись Арча алмагачлары август аенда чәчәк ата [фото] впервые появилась Tatar Today - татар яңалыклары..

Буада август аенда сиреньнәр янә чәчәк ата [фото]

Редактор1 editor1 — Mon, 08 Aug 2016 12:06:05 +0000

Буа шәһәренең Жорес урамындагы 108, 110 номерлы йортларда яшәүчеләр әле май аенда гына шау чәчәктә утырган сиреньнәрнең августта тагын шәмәхә чәчәккә күмелүен күреп бик гаҗәпләнгән.

Бу гадәти булмаган очрак хакында районның “Байрак” газетасы яза.

Әлеге табигать бүләгенә Буада яшәүчеләр шатланганнар. Аеруча әлеге хәлгә хатын-кызлар сөенгән. Әмма, элеккеге агроном Евгений Егоров әйтүченчә, әлеге хәл – аномаль күренеш. Сиреньнәрнең кабат чәчәк атуына туфракта дым күп булу һәм һава торышы җылы тору китергән дигән фикердә ул.

Запись Буада август аенда сиреньнәр янә чәчәк ата [фото] впервые появилась Tatar Today - татар яңалыклары..