Архивы Гүзәлия - Tatar Today - татар яңалыклары. https://tatar-today.ru/tag/g-z-liya/ Татар шоу бизнесы, экономика, дин, татар җырлары яңалыклары. Новости на татарском языке. Татарская пресса. Tue, 11 Aug 2020 06:33:56 +0000 ru-RU hourly 1 https://wordpress.org/?v=6.1.12 105180419 Гүзәлия: “Андый сүзләр ишетсәм, утырып елый, көннәр буе уйлап йөри идем…” https://tatar-today.ru/2020/08/63141/ Tue, 11 Aug 2020 06:35:56 +0000 https://tatar-today.ru/?p=63141 Тыйнаклыгы белән аерып торучы татар халкына ызгыш-талашлар бер дә килешми. Бу – Мәскәүдә яшәп иҗат…

Запись Гүзәлия: “Андый сүзләр ишетсәм, утырып елый, көннәр буе уйлап йөри идем…” впервые появилась Tatar Today - татар яңалыклары..

]]>

Тыйнаклыгы белән аерып торучы татар халкына ызгыш-талашлар бер дә килешми. Бу – Мәскәүдә яшәп иҗат итүче композитор, автор-башкаручы, продюссер Гүзәлия фикере. Ул безгә “йолдыз чире”, яңа җырлары, Казанга күченү теләге һәм башкалар турында сөйләде.

“Эчтән генә “Мин сезгә күрсәтә әле!” дип куя идем…”

– Cезне 10 балалы гаиләдә үскән дип беләбез. Балачагыгызның шактый чыныктыргыч булганын чамаларга була. Буй җиткәч тә Сез җиңел юл сайламагансыз. Моның сәбәбе нидә: холык-фигылегез шундыймы, әллә авырлыкларсыз тормыш кызык тоелмыймы?

– Дөресен генә әйткәндә, сәбәбен уйлаган юк инде аның. Кечкенәдән үк тормышның җиңел генә, ялгышларсыз бармавын аңладым. Һәм иң мөһиме – бернидән курыкмадым: зур хыяллардан да, кискен карарлардан да. Шул хыяллар артыннан ияреп киттем…

– Шул “зур хыяллар”ыгыз чынга аштымы?

– Чынга ашып бара. Кечкенә вакыттан ук җырлыйсым килә иде, һәрвакыт шуңа таба омтылдым. Күп тырмаштым, миңа ышанучы кеше калмаган чаклар да булды. Якыннарымның да “Бәлки, ташларсың моны?” дигәннәре хәтердә. Башкалар ышанмаса, үз көчемә үзем ышана идем мин, шул ышаныч көч бирде. Эчтән генә “Мин сезгә күрсәтә әле!” дип куя идем.

Гомумән, хыялый кеше инде мин. Һаман да могҗизаларга ышанам. Ышаныч булган җирдә, могҗизасы булмый калмый аның. Аннан соң, ни уйлыйсың, шул тормышка аша, диләр бит, моның белән дә килешәм.

– Чыныгу турында сүз киткәч, тәнкыйть турында да сөйләшик әле. Мондый сүзләрне ничек кабул итәсез?

– Яшьрәк вакытта, андый сүзләр ишетсәм, утырып елый, көннәр буе уйлап йөри идем. Хәзер үзем хөрмәт иткән, үз эшенең остасы булган кешеләрнең сүзләренә генә колак салам. Исемдә калдырам, төзәтергә тырышам.

Хәзер әллә ни тәнкыйтьләгәннәре юк та инде. Социаль челтәрләрдә теләсә нинди сүзләр язучылар да бик аз. Аларын мин “блок”ка куям. Ә үз фикерләрен белдерүчеләрне күрәм, аларга матур гына җавап та бирәм, тик барыбер үземчә эшлим. Мәсәлән, “Сиңа бу кием килешми” дип язалар. Аны бит мин киям, димәк, ул миңа ошый.

“Яшьләрнең “йолдыз чире” йоктыру гадәте бар”

– Сез – җырчы да, композитор да, сүзләр авторы да, продюссер да. Шушы өлкәләрнең кайсы күңелегезгә иң якыны? Һәм объектив яктан, иң авыры кайсысы?

– Иң якыны – җырлар язу. Башка җырчылар өчен иҗат итеп, нәтиҗәсен күреп, ләззәтләнәм мин. Җырчы дигәннән, үземне беркайчан да җырчы дип атаганым булмады. Мин – автор-башкаручы.

Ә продюссерлыкка килгәндә, мин бу өлкәдә яңа гына эшли башладым. Арасында иң авыры да шул инде. Өчесен бергә кушсаң да, аның кадәр үк килеп чыкмас, минемчә. Син проектың өчен әти дә, әни дә, укытучы да һәм башкасы. Ул синең балаңа әйләнә, шул кеше тормышы белән яши башлыйсың. Өстәвенә, яшьләрнең “йолдыз чире” йоктыру гадәте дә бар бит. Продюссерлыкның иң авыр ягы шушыдыр.

– Кыенлыкларга күз йомып, продюссерлык эшен җәелдерү теләге бармы?

– Әйе, киләчәктә бу өлкәдә күләмлерәк итеп эшләргә телим. Яңа проектлар да булдырасым килә. Кыенлыклардан курка торганнардан түгел мин.

– Шулай да, продюссерлыкның уңай яклары юк түгелдер?

– Бар, әлбәттә. Продюссерлар продукт ясый. Күлмәк тегү белән дә чагыштырыр идем. Продукты мөмкин кадәр сыйфатлырак, затлырак итәргә тырышасың, эшләгән эшеңнең нәтиҗәсен күреп, ләззәт аласың. Кызыклы өлкә, сүз дә юк.

– Татар җырчылары белән эшләүче продюссерлар арасыннан кайсын аерып әйтә аласыз?

– Рифат Фәттаховны. Продюссер буларак та, Ваһапов фонды директоры буларак та зур эшләр эшләве өчен хөрмәт итәм мин аны. Ә иң мөһиме – ул һәрвакыт дөреслек яклы. Җырчыларга дөрес бәя бирә белә.

  “Акыл” сүзенең “а” хәрефе позициясендә мин…”

– “Җырчылар җиңел, тиз ритмлы җырлар сорый” дигән идегез. Бу бераз үзгәрде кебек, һәрхәлдә, Сез язган җырларның да эчтәлеге башка…

– Бүген күңел халәтем башка. Яшь бара, бәлки, акыл да керә башлагандыр инде. Хәзер күбесенчә мәгънәле, җырчының тавыш мөмкинлекләрен ача торган җырлар язасым, көчле тавышы, чын мәгънәсендә җырлый белә җырчылар белән эшлисем килә. Тиз ритмлы көйләр иҗат итү теләге кимеде, чөнки алар, әйткәнемчә, җырчының булган бөтен мөмкинлекләрен дә ачмый.

– Сезнең җырларны күпләп башкаручы җырчылар шактый. Кайчандыр “тембры ошаган җырчыларга “рәхмәт” сүзе өчен дә язам” дигән идегез. Күңелегезгә хуш килгән берничә җырчыны атагыз әле? Кемнәр өчен язуы аеруча рәхәт?

– Әйе, кайбер җырларны бүләк иткән чаклар да булды. Ә җырчыларны алай аерып әйтәсем килми. Шулай да Филүс Каһиров белән эшләргә теләгем көчле иде. Быел, ниһаять, чынга ашты ул. Минемчә, Филүс – чын мәгънәсендә затлы җырчы, шуңа да аның белән эшләве аеручы рәхәт булды.

“Тыйнаклыгы белән аерылучы татар халкына бер дә хас түгел бу…”

– Татар эстрадасы, гомумән, юк ул, дигән фикер бар. Сез ничек уйлыйсыз?

– Әйе, андый сүзләрне мин дә ишетәм, тик бөтенләй дөрес фикер түгел бу. Татар эстрадасы нишләп булмасын?! Бик талантлы, затлы, легендар җырчылар шактый. Бөтенләй яңа стиль “алып килүче” яшьләр дә җитәрлек.

Андый сүзләрне, гадәттә, я эстрадада үз урынын тапмаганнар, я төшеп калганнар әйтә. Җырчылар арасында көнләшү дә көчле бит.

– Рус эстрадасында күп конфликтлар пиар өчен ясала. Бездә дә андый әйбер сизелә башлады кебек. Моңа ничек карыйсыз?

– Бәлки русларның характерына туры киләдер ул, ләкин тыйнаклыгы белән аерылучы татар халкына бер дә хас түгел андый күренешләр. Бигрәк тә иҗат кешесенә. Халык алдында әйткәләшеп, талашып, бер-берең турында ямсьсез сүзләр сөйләүчеләрне, гомумән, кабул итмим. Андый пиар миңа кирәк түгел. Тамашачыны иҗатың белән кызыксындыр син!

– Җырчы булу өчен татарча гына җырлап йөреп булмый. Бу фикер белән килешәсезме?

– Килешмим. Татарда да җырчы профессиясе бар. Берничә телдә җырлаучыларның мөмкинлекләре дә күбрәктер. Ләкин татарча җырлап, башка милләт кешесен дә таң калдыручы җырчылар бар бит. Мәсәлән, Ришат Төхвәтуллинның башка телдә җырлаганын белмим мин.

– Казанда Сез еш кунак. Киләчәктә бөтенләй күченергә теләгегез юкмы?

– Соңгы арада ике шәһәрдә яшим. Күченү турында да уйлар бар. Алга таба ни булыр.

Чыганак: Ватаным Татарстан

Запись Гүзәлия: “Андый сүзләр ишетсәм, утырып елый, көннәр буе уйлап йөри идем…” впервые появилась Tatar Today - татар яңалыклары..

]]> 63141 “Пычрак ату кирәк түгел” – Хәмдүнә Тимергалиева Фирдүс Тямаевка “буш башак” дияргә хаклымы? [видео] https://tatar-today.ru/2019/12/55370/ Thu, 19 Dec 2019 14:43:38 +0000 https://tatar-today.ru/?p=55370 // Татар Тудей // Татар Бүген // “Татар җыры – 2019” пресс-конференциясендә халык артисты Хәмдүнә…

Запись “Пычрак ату кирәк түгел” – Хәмдүнә Тимергалиева Фирдүс Тямаевка “буш башак” дияргә хаклымы? [видео] впервые появилась Tatar Today - татар яңалыклары..

]]> // Татар Тудей // Татар Бүген //

“Татар җыры – 2019” пресс-конференциясендә халык артисты Хәмдүнә Тимергалиева Татарстанның атказанган артисты Фирдүс Тямаевка шелтә белдереп, аны “буш башак” белән чагыштырган иде. Татар Тудей бу вакыйгага карата татар эстрадасы йолдызларының мөнәсәбәтен ачыклады.

Запись “Пычрак ату кирәк түгел” – Хәмдүнә Тимергалиева Фирдүс Тямаевка “буш башак” дияргә хаклымы? [видео] впервые появилась Tatar Today - татар яңалыклары..

]]> 55370 Гүзәлия сихри көзге фотосессия фотолары белән бүлеште https://tatar-today.ru/2019/09/52292/ Sun, 29 Sep 2019 16:36:39 +0000 https://tatar-today.ru/?p=52292 // Татар Тудей // Танылган автор-башкаручы, композитор Гүзәлия үзенчәлекле көзге фотосессия фотолары белән уртаклашты.  “Көз…

Запись Гүзәлия сихри көзге фотосессия фотолары белән бүлеште впервые появилась Tatar Today - татар яңалыклары..

]]> // Татар Тудей //

Танылган автор-башкаручы, композитор Гүзәлия үзенчәлекле көзге фотосессия фотолары белән уртаклашты. 

“Көз мине илһамландыра ул”, – ди Гүзәлия. Димәк, безгә аның яңа иҗат җимешләрен генә көтәсе кала. Ә әлегә фотоларын карап, үзегезне әкияти дөньяда итеп хис итегез.

Запись Гүзәлия сихри көзге фотосессия фотолары белән бүлеште впервые появилась Tatar Today - татар яңалыклары..

]]> 52292 “Безнең халыкка  ярау бик авыр” – ди продюсер Гүзәлия, Рүзилә Хәйретдинованың яңа клибы тамашачыларны уятты https://tatar-today.ru/2019/09/51728/ Mon, 16 Sep 2019 15:18:25 +0000 https://tatar-today.ru/?p=51728 //Татар Тудей// Яшь җыры Рүзилә Хәйретдинованың танылган автор-башкаручы Гүзәлия сүзләренә язылган “Назлы ярым” җырына төшерелгән…

Запись “Безнең халыкка  ярау бик авыр” – ди продюсер Гүзәлия, Рүзилә Хәйретдинованың яңа клибы тамашачыларны уятты впервые появилась Tatar Today - татар яңалыклары..

]]> //Татар Тудей//

Яшь җыры Рүзилә Хәйретдинованың танылган автор-башкаручы Гүзәлия сүзләренә язылган “Назлы ярым” җырына төшерелгән өр-яңа клибы халыкта зур кызыксыну уятты. Без бу хакта  Гүзәлиянең үзе белән сөйләштек.

—Дөресен генә әйткәндә, бу җыр яңа җыр түгел. Минем репертуардан. Бик яшь вакытымда, бу җырның көен миңа Фирзәр абый Мортазин язып бирде. Ә сүзләрен инде үзем яздым. Ул вакытта әле җырларга сүзләр дә яза идем. Соавторлар белән эшләми идем.  Бу җырга инде 20 еллар тирәсе бардыр, дип белдерде Гүзәлия үзе һәм әлеге җырны ничек Рүзилә Хәйретдинова җырлый башлавын сөйләп үтте.

—Мин аны бик озак җырламадым. Ул бик күп еллар киштәдә ятты. Менә Рүзилә белән эшли башлагач, ул миннән иске җырларны да күрсәтергә сорады һәм мин аңа берничә җырымны җибәрдем. “Назлы ярым” җырын тыңлауга ул миңа “Бу җыр миңа бик ошый. Мин җырлыйм әле моны, яңартыйк эле” диеп язды да. Шулай итеп без аңа яңача аранжировка ясадык, яздырдык. Миңа калса бу җыр Рүзиләнең тавышының бшка якларын ачып бирә. Шуңа күрә инде без клип та төшерергә булдык.

Клип – сюжетсыз, ак-каралы киемнәрдән кызлар биегән кадрлардан тора. Рүзилә ул үзе дә бик матур бии. Менә шуңа шундый җиңелчә генә, кәефне күтәрә торган, заманчарак клип төшерегә булдык инде.

— Клипны кайда төшердегез? 

— Клипны без Казанда иң зур стеклорама булган студияне сайлап алдык та, бер көн эчендә төшердек. Рүзилә бик нык тырышты. 

Клипны инстаграмда урнаштыргач, төрле фикерләр килә башлады, мактаучылар да, сүгүчеләр дә булды. Гүзәлия бу хәлгә нормаль каравын әйтте. 

—Безнең халыкка  ярау бик авыр. Беркемнекенә дә ошамаган музыка яздырсаң, “юк, безгә моң кирәк” диләр. Әгәр инде гадирәк җыр ясасаң,  анысы да ярамый. Мәчеттә клип төшердек, анысы да ярамады. Хәзер инде заманча төшергән идек, барыбер ярамыйбыз.

Шунысы кызык, минем үзем җырлаган җырлар турында начар сүзләр язмыйлар. Мин үземне шәп җырчы дип саный да алмыйм. Ләкин менә минем турында әшәке сүзләр язмыйлар.  Мин, күрәсең, кешеләрне бик “раздражать” итмим ахры, әллә инде талантым җитеп бетмиме… Бик сүкмиләр, халык мактый күбрәк.  Менә аптырыйм инде, Рүзилә кебек талантлы кешеләрне мактаучы да бар инде, сүгүчеләр дә бик күп. – ди танылган автор-башкаручы.

Клипны тулысы белән Рүзилә Хәйретдинованың Ютюб каналында карый аласыз! 

Запись “Безнең халыкка  ярау бик авыр” – ди продюсер Гүзәлия, Рүзилә Хәйретдинованың яңа клибы тамашачыларны уятты впервые появилась Tatar Today - татар яңалыклары..

]]> 51728 “Ике мишәр, килешергә тырыштык” – Гүзәлия Фирдүс Тямаев белән эшләү нечкәлекләрен сөйләде https://tatar-today.ru/2019/05/47319/ Fri, 31 May 2019 12:23:19 +0000 https://tatar-today.ru/?p=47319 //Tatar today// Гүзәл Гыйбадуллина Шушы көннәрдә Гүзәлиянең Фирдүс Тямаев белән уртак иҗат җимешләре – “Көт…

Запись “Ике мишәр, килешергә тырыштык” – Гүзәлия Фирдүс Тямаев белән эшләү нечкәлекләрен сөйләде впервые появилась Tatar Today - татар яңалыклары..

]]> //Tatar today// Гүзәл Гыйбадуллина

Шушы көннәрдә Гүзәлиянең Фирдүс Тямаев белән уртак иҗат җимешләре – “Көт мине” дип исемләнгән дуэтлары дөнья күрде. Бу уңайдан җырчы Гүзәлия белән әңгәмә кордык. Аңа Фирдүс Тямаев белән эшләве авыр булганмы, үзенең иҗатында үзгәрешләр көтеләме икәнлеге хакында сораштык.

“Минем өчен Фирдүс белән эшләү бер яктан җиңел булса, икенче яктан авыр, чөнки аның характеры минекенә охшаган. Бер елмая, бер көлә, бер сүгеп ата. Мин үземнең яшемә, ул үзенең тәҗрибәсенә таяна. Шуңа күрә, ике мишәр, килешергә тырыштык”, дип уртаклашты Гүзәлия.

https://www.instagram.com/p/ByC8nCDIhXo/

Үзенең иҗатына килгәндә,  күптән түгел, “Бары тик” дигән яңа җыры чыккач, ул безгә: “Бер ел ярым җыр язганым да булмады, чыгармадым да, нишләптер халәтем шундый иде”, дип сөйләгән иде.  Хәзер Гүзәлиянең планнары арткан. “Үземнең иҗатымны да читкә куймаска иде. Менә яңа клип төшерегә уйлап йөрим”, диде җырчы.

Дуэтларны җырчылар Гүзәлиягә үзләре тәкъдим итә икән. “Дуэтлар минем язмыш микән. Аларны шулкадәр күп сорыйлар. Күбесенә “юк”, дип әйтеп булмый, чөнки мин алар белән иҗатташ дуслыкта. Дуэтлар яздырасым килми, менә ничектер шулай туры килә”,  ди автор-башкаручы Гүзәлия.

Запись “Ике мишәр, килешергә тырыштык” – Гүзәлия Фирдүс Тямаев белән эшләү нечкәлекләрен сөйләде впервые появилась Tatar Today - татар яңалыклары..

]]> 47319 Гүзәлия: “Әлеге җырны язгач, аннан башка кеше куз алдыма да килмәде…” [видео] https://tatar-today.ru/2019/05/46979/ Thu, 23 May 2019 07:20:25 +0000 https://tatar-today.ru/?p=46979 //Tatar today// Гүзәл Гыйбадуллина// Шушы көннәрдә автор-башкаручы, продюсер Гүзәлия клип төшерү эшләре белән мәшгуль. Бу…

Запись Гүзәлия: “Әлеге җырны язгач, аннан башка кеше куз алдыма да килмәде…” [видео] впервые появилась Tatar Today - татар яңалыклары..

]]> //Tatar today// Гүзәл Гыйбадуллина//

Шушы көннәрдә автор-башкаручы, продюсер Гүзәлия клип төшерү эшләре белән мәшгуль. Бу юлы Хәкимгә, Рүзилә Хәертдиновага, үзенә дә түгел, ә якын дусты, туганы Ләйсән Ветрова-Сөләйманованың “Көтәм сезне, балаларым” җырына. Гүзәлия әлеге съемкаларны оештыручы һәм саунд продюсер ролендә. (Җырның сүзләр авторы Рауза Хафизова, көе Гүзәлиянеке).

“Әлеге җырны язгач, башкаручы итеп Ләйсәннән башка кеше куз алдыма да килмәде. Ләйсән үзе өч бала әнисе, җырчы, алып баручы. Клипның сюжетына аның әнисенең язмышы алынды. Монда Ләйсәннең туганнары да катнашты. Клипны без туган ягыбыз Чувашиянең Кызыл Чишмә авылында төшерергә уйладык. Беренче локация урам, парк булса, икенчесе – Казанның “Тантана” банкетлар залы”, дип уртаклашты Гүзәлия.

 

Запись Гүзәлия: “Әлеге җырны язгач, аннан башка кеше куз алдыма да килмәде…” [видео] впервые появилась Tatar Today - татар яңалыклары..

]]> 46979 Гүзәлия яңа проекты турында: “Артистка кирәк барлык сыйфатлар да бар бу җырчыда” [видео] https://tatar-today.ru/2019/05/46362/ Wed, 15 May 2019 06:57:50 +0000 https://tatar-today.ru/?p=46362 //Tatar today// Гүзәл Гыйбадуллина// Шушы көннәрдә танылып килүче җырчы Рүзилә Хәертдинованың клибын төшерү процессы төгәлләнде.…

Запись Гүзәлия яңа проекты турында: “Артистка кирәк барлык сыйфатлар да бар бу җырчыда” [видео] впервые появилась Tatar Today - татар яңалыклары..

]]> //Tatar today// Гүзәл Гыйбадуллина//

Шушы көннәрдә танылып килүче җырчы Рүзилә Хәертдинованың клибын төшерү процессы төгәлләнде. Аны без дә күзәтеп тордык,  проект продюсеры Гүзәлия һәм яшь җырчы Рүзилә белән аралаштык. Аларның ничек эшләп китүләре, Гүзәлиянең тагын бер проекты җырчы Хаким белән Рүзиләнең мөнәсәбәтләре хакында сораштык.

–                Гүзәлия ханым, Рүзилә белән хезмәттәшлегегез ничек башланды?

–                Без сезнең белән бер ярты ел элек күрешкән идек, ул вакытта минем фикерләрем башка төрле иде, чөнки, беренчедән, бөтен көчемне тоймаганмындыр. Икенчедән, хәтта эстрадада җырлап йөргән артислардан да “минем продюсерым булыгыз әле”, дигән бик күп тәкъдимнәр булды.

Рүзилә миңа шундый тәкъдим ясагач, мин уйламадым түгел, озак уйладым. Русча итеп әйткәндә, “зацепил”, дигән нәрсә булды. Тавышы да, тышкы кыяфәте дә, үзенең стиле, тотышы, зәвык белән киенүе, сөйләве дә ошады. Артистка кирәк барлык сыйфатлар да бар бу җырчыда, дип уйладым да, риза булдым.

–                Рүзилә, Гүзәлия белән эшләп китүегез турында Сездән дә ишетәсе килә.

–                Мин иҗатымны 2-3 ел элек башлаган идем, аннан кияүгә чыгып, бәби алып кайтып, тукталып тордым. Русча әйткәндә, хәзер “созрела”, үземә үсәргә кирәк, дип уйладым. Шулай итеп, интернет челтәре аша җырлар эзли башладым. Мин Гүзәлиягә чыктым, чөнки аның җырларында сүз белән аңлатып булмый торган нәрсә бар. Электән үк аның җырларын тыңлый идем, аларны башкарырга иде, дигән хыялым да бар иде.

Аңа язгач, мине кире кагар дип борчылдым, чөнки кыяфәте буенча Гүзәлияне мин гомумән башка төрле итеп күз алдыма китергән идем. Ул миңа җырлар тәкъдим итте. Без шулай аралашып киттек.

Аннан, берүземә сәхнәгә менү авыр булыр, дип уйладым да, Гүзәлиягә “бәлки мине үз канатыгыз астына алырсыз?”, дип яздым. Ул “уйлыйм”, дип әйтте, аннан бергә эшләп карарга, дигән фикергә килдек.

Менә шулай үзеннән-үзе килеп чыкты. Аллаһыга, Гүзәлиягә бик зур рәхмәтлемен. Бу хәлнең минем белән булганына ышанып бетә алмыйм, төштәге сыман барысы да. Аллага шөкер, авырлыклар да юк безнең. Энергияләребез дә шулкадәр туры килде, без чын тандем. Гүзәлиянең образы телевизордан караганда, усалырак, явызырак кебек тоела иде, ул шукадәр якты кеше икән. Күңелем, йөрәгем белән аңа бик тартылам мин, икенче әнием кебек.

–                Гүзәлия ханым, Хаким белән Рүзиләне таныштырдыгызмы әле?

–                Хаким белән алар таныш түгел, берничә көннән танышырлар дип уйлап торам. Берәр кафеда, формаль булмаган җирдә күрешеп, аралашу булыр.

–                Рүзилә, Хаким белән Сез әлегә таныш түгел икән, арагызда көндәшлек булыр, дип уйламыйсыңмы?

–                Әйе Хаким белән әлегә танышмадык. Юк, көндәшлек дигән нәрсә бездә булырга мөмкин түгел. Мин Хакимне бик хөрмәт итәм, җырларын бик яратам. Образы, стиле, тавышы шәп. Шәп проект дип саныйм.

–                Гүзәлия ханым, татар эстрадасында кызлар күп, Рүзиләнең тамашачысы аз булмасмы?

–                Рузиләнең тавышы моңлы, халыкчан. Хакимнән ул стиле, образы белән аерылып тора. Әйе, татар эстрадасында кызлар күп, әмма чын мәгънәсендә зәвыклы, моңлы тавышлы җырчылар аз. Өметләрем аңа зурдан, шулай булмаса,  мин бу эшкә тотынмас идем дә.

 

Запись Гүзәлия яңа проекты турында: “Артистка кирәк барлык сыйфатлар да бар бу җырчыда” [видео] впервые появилась Tatar Today - татар яңалыклары..

]]> 46362 Җырчы Гүзәлия: “Тагын бер хыялым тормышка ашты…” https://tatar-today.ru/2019/05/46179/ Fri, 10 May 2019 14:43:18 +0000 https://tatar-today.ru/?p=46179 Автор-башкаручы, продюсер Гүзәлия сольный җырлар башкарудан туктап торганнан соң, 9 май бәйрәме алдыннан үзенең “Бары…

Запись Җырчы Гүзәлия: “Тагын бер хыялым тормышка ашты…” впервые появилась Tatar Today - татар яңалыклары..

]]> Автор-башкаручы, продюсер Гүзәлия сольный җырлар башкарудан туктап торганнан соң, 9 май бәйрәме алдыннан үзенең “Бары тик” дип исемләнгән яңа җырын тәкъдим итте. Бу җырның тарихын, 9 май белән бәйле хатирәләрен сораштырыр өчен, җырчы Гүзәлия белән элемтәгә кердек.

– Гүзәлия ханым, бу җырыгызны махсус бәйрәм алдыннан чыгардыгызмы? Шулай туры килдеме?

– Шулай туры килде дисәм, дөресрәк булыр. Башка җырчылар, дуэтлар өчен бик күп язсам да, бер ел ярым диярлек үземә җыр язганым да, яздырганым да булмады, яздырасым да килмәде. Менә бер 10 көн элек шушы җырны яздым да, нишләптер 9 май белән бәйлисем килде. Мәхәббәт бит ул сугыш вакытында да булган.

– Тарихы ниндирәк икән бу иҗат җимешегезнең?

– Бу җырны язу үзеннән-үзе, бик җайлы килеп чыкты. Марат Мухинның да вакыты булды, бер көн эчендә аннан аранжировкасын ясаттым, тавыш яздырдык. Шул ук көнне мин костюм табып, фотосессия дә эшләдем.

Моңа кадәр образларга кагылган күп кенә теләкләрем, хыялларым тормышка ашты минем. Элек шәрыкъ стилендә җырлап, клип төшерәсем килгән иде, “Бал да май” дигән җырны яздырдым. Авыл турында рәхәтләнеп җырлап, үземнең авылны күрсәтәсе килде, “Авыл көйләре” җырын, аннары ирем белән матур, романтик клип эшлисе килгәч, “Югалтасым килми” дигән җырларны яздырып, клип төшердек. Матур-матур дуэтлар да булып торды. Төрле стильләрдә, образларда булдым. Хәрби образда да үземне тоеп карыйсы килгән иде, бу хыялым да тормышка ашты. Клибы булмаса да, фотосессия ясадым.

– 9 май бәйрәменә бәйле нинди хатирәләрегез бар? Хәзер ничек бәйрәм итәсез?

– Ул күберәк балачак хатирәләре. Без мәктәптә укыганда, 9 май парадына бик әзерләнә идек. Кайсы класс матуррак марш атлаганын билгеләү өчен үткәрелгән конкурсларда канаштык, әле һәр классның патриотик рухта үз җыры бар иде, аларны башкара идек.

Без бик шатланып көтеп ала идек бу бәйрәмне. Бөтен авыл һәйкәл янында җыела иде, концерт куя идек. Менә шундый якты хатирәләр калды.

Хәзер инде бәйрәм итәбез дип, парадларга чыкмыйбыз. Мәскәүдә булганда, салют, самолетлар ярышын карыйбыз. Без бит аэропорттан ерак тормыйбыз, шуңа күрә безгә бар да күренеп тора. Шуларны карыйбыз.

– Бу бәйрәм уңаеннан, Сездә нинди теләкләр туа?

– Дөньяларыбыз тыныч булсын, сугышлар булмасын, якыннарыбыз исән-сау булсыннар, үзебез исән-сау булыйк. Саулык булса барысы да була. Саулык булса, акча, эш, якыннар, дуслар да күбрәк була. Саулыклы кеше бик бай, бәхетле кеше.

Запись Җырчы Гүзәлия: “Тагын бер хыялым тормышка ашты…” впервые появилась Tatar Today - татар яңалыклары..

]]> 46179 Гүзәлия: “Fuck you” дип язылган куртка белән татар сәхнәсенә чыгу текәлекне күрсәтми https://tatar-today.ru/2019/04/44856/ Sun, 07 Apr 2019 14:00:09 +0000 https://tatar-today.ru/?p=44856 Танылган автор-башкаручы, продюсер Гүзәлия Европа җырчыларын тыңлап, русча сөйләшеп үскән Хәкимне татар эстрадасына чыгару тарихын…

Запись Гүзәлия: “Fuck you” дип язылган куртка белән татар сәхнәсенә чыгу текәлекне күрсәтми впервые появилась Tatar Today - татар яңалыклары..

]]> Танылган автор-башкаручы, продюсер Гүзәлия Европа җырчыларын тыңлап, русча сөйләшеп үскән Хәкимне татар эстрадасына чыгару тарихын сөйләде. Ул татар шоубизнесындагы кимчелекләрне һәм уңай якларны атады, татар җыры үсештән туктаган дигән фикер белән килешмәвен әйтте, дип хәбәр итә Азатлык.

Мәскәүдә яшәп иҗат итүче автор-башкаручы Гүзәлия 19 яшьтән татар җырлары яза. Ел ярым элек продюсер буларак эшчәнлеген башлый. Аның соңгы яңалыклары, рус телле яшьләрне татар җырына тарту эше турында, татар эстрадасындагы яңалыкларга, “Үзгәреш җиле” фестиваленә мөнәсәбәтен белергә булдык.

—​ Сез килеп кергәндәге һәм хәзерге татар җыр сәнгатендә аерма зурмы, татар эстрадасында ниләр үзгәрде? Уңай үзгәрешләр күбрәкме, әллә кимчелекләр дә арттымы?

— Аерма бар инде ул. Яңа стильдә җырлар туа башлады, эстрада яшәрде. Аранжировкалар үзгәрде, сыйфат турында уйлаучылар күбәйде. Кимчелекләр дә бар, плагиат артты, каверлар белән мавыгалар хәзер, чөнки кеше чыгарган җырны бераз үзгәртеп башкару җиңелрәк. Автор материалы туплау, яна җыр чыгару бик авыр.

—​ Ул вакытта милли хисләр, татар теленә игътибар зур идеме, әллә хәзерме?

— Милли стильдә башкаручылар элек тә бар иде, хәзер дә бар. Артистлар хәзер үзләре дә, балалары белән дә татарча сөйләшергә тырыша.

— ​Татарча җиңел аралаша алмаган башкаручы Хәкимнең продюсеры булу тарихы каян башланды?

— Хәким Европа җырчыларын тыңлап, русча сөйләшеп үскән. Үзе дә русча, инглизчә репертуар белән вокал дәресләре алган. Мин аны очраклы рәвештә Вконтакте челтәрендә күреп алдым, җырын тыңладым, тавышы үзенчәлекле, игьтибарсыз калдырасым килмәде. Тембрың шәп, диеп язып җибәрдем. Икенче көнне ул вакытта анын белән эшләүче Артур Җамалетдинов миңа шалтыратып, Хәким белән дуэт тәкъдим итте. Минем өчен бу көтелмәгән булды. Радик Юльякшин белән булган низагтан соң, дуэтлар башка яздырмыйм, беркемгә дә ярдәм итмим дигән карарга килгән идем. Ләкин мин Артурга каршы килә алмадым, чөнки кайчандыр ул миңа ярдәм иткән иде.

Мин җавап бирергә ашыкмадым. Әмма шул ук көнне автордашым Гөлүсә Әхмәтҗанова матур җыр тексты җибәрде, аңа көй язганда мин Хәкимнең тавышын искә алып яздым. Үзенчәлекле җыр килеп чыкты. “Әйтер сүзем калган” дигән дуэт шулай туды, халык бик яратты, клип төшердек. Ярты елдан соң мин уйламаган җирдән Хәкимнен продюсеры булып киттем. Дуэт яздырырбыз да, шуның белән бетте дип уйлый идем. Ләкин Хәкимне татар эстрадасы белән якыннан таныштырып, аны күп кенә концертларга керткәннән соң, аның белән эшләгән егетләр продюсерлык вазифасын үти алмауларын әйттеләр. Ә миңа инде эшләгән эшләрем жәл иде, Хәким дә “Мине ярты юлда ташлама инде”, диде. Шулай продюсер булып киттем, үзем дә сизмәдем.

— ​Ул русча да җырлый, татарча җырлавы ихластанмы, әллә татар сәхнәсен яулау өченме?

— Хәким төрле телдә җырлый, татар телендә дә. Гомумән аның максаты – иҗат белән шөгыльләнү, җырлау. Күкрәк киереп, “Мин татарча гына җырлаячакмын” дими ул. Үз эшен яратып башкара, сәхнәдә 100 процентка эшләп чыга, тере тавышка гына җырлый.​

— ​Үзегезнең яңа буын татар башкаручылары өчен продюсер үзәген ачу нияте юкмы? Сез балалар белән дә шөгыльләнә идегез, бу эш хәзер дә барамы?

— Продюсерлык үзәге турында уйлау әле иртәрәк, мин әле продюсер эшен үзем дә өйрәнәм генә. Балалар белән эшләү планда гел бар.

— Сез милли, татар телен яклау чараларында катнашасызмы? Без сирәк күрәбез, сәбәбе?

— Милли, татар телен саклау, яклау чараларында бик теләп катнашыр идем, чакырсыннар гына.

— ​Татар телен популяр итәр өчен нинди юллар уңышлырак, күңел ачуга корылган проектлармы, әллә уку-укытуга күбрәк игътибар бирергәме?

— Бөтен яктан да эшләргә инде, укытуда да, сәнгатьтә дә.

Гүзәлия һәм Азалия Вәлиева

​— Элвин Грей белән Гүзәл Уразова уртак җырларының хокукларына бәйле низагка нокта куйдылар, үзара килешеп дуслаштылар. Конфликт юк, дип белдерделәр. Мондый хәл сезнең белән Радик Юльякшин ​белән дә булырга мөмкинме. Сезнең дә аның белән уртак “Яныңа агылам” җырын башкарганнан соң аңлашылмаучанлык булды. Бергә җырламый башладыгыз. Бу мәсьәләне интернетка чыгармыйча гына хәл иттегезме әллә?

​— Бөтен низагны да халыкка чыгарырга кирәкмәс дип уйлыйм мин. Минем төп максат – иҗат белән шөгыльләнү. “Һәр пиар – пиар” дигән белән килешмим. Мин тавыш-гауганы гомумән яратмыйм. Нәрсә белән дә булса килешмәсәм үз фикеремне әйтәм, “шалт” иттереп ишекләрне ябып куям, ләкин зурга жибәрмим. Мин кызу кеше, үзегез беләсез, дөреслек яклы мин.

— Ландыш Нигъмәтҗанова татар эстрадасы алга да бармый, артта да түгел. Артистларыбыз сүздән, гайбәттән, ниндидер адымнардан курка. Шуңа күрә, без шул бер дәрәҗәдә басып торабыз. 50 ел эчендә аранжировкалар гына үзгәргәндер, дип белдерде. Бу фикер белән килешәсезме?

— Эстрада бөтенләй дә үзгәрми түгел, үзгәрешләр бар.

— Татар җыр сәнгатенең легендар җырчылары башкарган җырларны яңартып, үзгәртеп җырлауга мөнәсәбәтегезне беләсе иде. “Үзгәреш җиле” бер төрле үзгәртә, аерым җырчылар үзләренчә. Кемдер стадионнар җыя, кемдер 80 миллион сум дәүләт акчасына “үзгәреш” кертергә маташа…

— Элеккеге җырларны үзгәртеп җырлау, каверлар белән генә җырчы булып йөрү кызык түгел, минемчә. Тамашачы андый җырларны башкаручыларның үзләренә түгел, ә җырның беренче башкаручысына кул чаба дип уйлыйм. Үз репертуарыңны булдыру кирәк.

“Үзгәреш җиле”н Татарстанда башка артистлар ясый аны. Хәким, Нурминский, Said Olur, “Гауга”. Авторалардан Нур Амстердам, Артур Җамалетдинов. Алар бар, барысын да әйтә алмыйм хәзер. “Үзгәреш җиле” шәп идеялы проект ул, ләкин анда яңа автор җырлары башкарырга кирәк минемчә, яңа исемнәр белән.

Кайсылары тез башы ертык джинсы киеп, 80нче еллар стилендә язылган аранжировка белән җырны бизәүне яңа сулыш, үзгәреш дип бутый. “Fuck you” дип язылган куртка белән татар сәхнәсенә чыгу да текәлекне күрсәтми, тәрбиясезлекне, наданлыкны гына күрсәтә. Ләкин нишләптер моңа игьтибар итүче юк.

— 4 ел элек иҗатташ дусларыгызны җыеп концерт үткәргән идегез, алга таба аерым тамашаларыгыз булачакмы, әллә продюсерлыкка төп көчегезне куячаксызмы? Якын айларда сезнең тарафтан иҗади яңалыклар булачакмы?

— Иҗат кичләре ясау планда бар, әмма продюсерлыкка бик күп вакыт, көч китә.

Запись Гүзәлия: “Fuck you” дип язылган куртка белән татар сәхнәсенә чыгу текәлекне күрсәтми впервые появилась Tatar Today - татар яңалыклары..

]]> 44856 Эпатаж Хәким эстрадага “ташкын” булып бәреп керә [видео] https://tatar-today.ru/2019/03/44513/ Fri, 29 Mar 2019 10:15:04 +0000 https://tatar-today.ru/?p=44513 23 март “Пирамида” концертлар залында ТMTV Премиясен тапшыру тантанасы булып үтте. Масштаблы чарада 45 номинант,…

Запись Эпатаж Хәким эстрадага “ташкын” булып бәреп керә [видео] впервые появилась Tatar Today - татар яңалыклары..

]]> 23 март “Пирамида” концертлар залында ТMTV Премиясен тапшыру тантанасы булып үтте. Масштаблы чарада 45 номинант, 55 җырчы, 10 дуэт, 48 номер, алтмыштан артык биюче катнашты. 

Күптән түгел Казанда беренче концертын куйган татар эстрадасының яшь һәм талантлы җырчысы, TMTV-2018, Татар җыры-2018 премиясе иясе, 22 мартта Мәскәүдә тәүге сольный концертын биргән Хәким “Ел ташкыны” номинациясендә җиңде. Сәхнәдә ул эпатаж образда “Бул гына” җырын башкарды:

Фото: Ютубтан скриншот

Запись Эпатаж Хәким эстрадага “ташкын” булып бәреп керә [видео] впервые появилась Tatar Today - татар яңалыклары..

]]> 44513