Архивы хезмәт хакы - Tatar Today - татар яңалыклары.

Хезмәт хакын ике тапкыр арттырмакчылар

Алсу Мансурова — Wed, 10 Mar 2021 06:32:27 +0000

Татарстан поликлиникада эшләүче медицина хезмәткәрләренә эш хакын ике тапкыр арттыруны федераль дәрәҗәдә тәкъдим итмәкче. Республика сәламәтлек саклау министры Марат Садыйков Казан сәламәтлек саклау идарәсе коллегиясендә шулай дип белдергән.

Министр әйтүенчә, 2020 елгы пандемия поликлиника медиклары эшенең ни дәрәҗәдә мөһим булуын тагын бер кат раслады. Хастаханәләрнең күпчелеге вакытлыча йогышлы авырулар госпитальләренә әйләнгәнлектән, халык белән төп эш поликлиника хезмәткәрләре җилкәсенә төшкән. “Без поликлиникалар челтәрен тамырдан үзгәртү тәкъдиме белән чыгачакбыз. Бөтенләй яңа поликлиника булдырырга ниятлибез. Хезмәт хакын ике тапкыр арттыру тәкъдиме алдыбызга җитди бурычлар куя”, – дип басым ясап әйткән Марат Садыйков.

Чыганак: "Ватаным Татарстан"

Запись Хезмәт хакын ике тапкыр арттырмакчылар впервые появилась Tatar Today - татар яңалыклары..

Россия халкының хезмәт хакын яңача санаячаклар?

Алсу Мансурова — Sat, 27 Feb 2021 17:49:11 +0000

Россиялеләрнең хезмәт хакы турындагы белешмә мәсьәләсе статистик мәгълүмат кына исәпкә алынуы белән бәйле.

Дәүләт Думасы депутаты Андрей Ветлужских URA.RU сайтына биргән интервьюсында шундый фикерен белдерде, дип яза РИА Новости.

Депутат билгеләп үткәнчә, медиана хезмәт хакын исәпләү дөресрәк булачак. Бу сан хезмәт хакының урта арифметик күрсәткеченнән өчтән бер өлешкә кимрәк.

«Мониторинг үткәрсәң, берничә төп момент күренәчәк: нормадан тыш эшләнгән вакыт исәпкә алынмый, урта статистик хезмәт хаклары буенча дифференциация зур, керемнәрнең төрләре һәм аларны исәпләүгә кагылышлы методик кимчелекләр бар», – дип белдерде ул.

Элегрәк «Работа.ру» сервисы, тикшеренү үткәреп, хезмәт хакы буенча Россиянең кайсы шәһәрләрен иң яхшысы буулын ачыклаган иде. Нәтиҗәдә, Мәскәү (респондентларның 86 проценты шул шәһәрне атаган) – беренче, Санкт-Петербург (29 процент), Новосибирск (җиде процент) өченче баскычта урнашкан, диелә хәбәрдә.

Чыганак : "Татар информ"

Запись Россия халкының хезмәт хакын яңача санаячаклар? впервые появилась Tatar Today - татар яңалыклары..

“Алга таба ничек яшәргә?” – медицина хезмәткәрләрен авыр хәлгә куялар

Alina — Sat, 11 Apr 2020 11:08:00 +0000

// Татар Тудей // Татар Бүген //

11 апрель РКБ медицина хезмәткәре үзенең Инстагарамында шәфкать туташларының хезмәт хакларын киметүләре турында хәбәр итә. Көн-төн тир түгеп эшләп, үзләренең сәламәтлекләрен куркыныч астына куючыларга хезмәт хакларын күтәрер урынга, киресенчә азрак түли башлаганнар.

“Бүген хезмәт хакын аласы көн. Хәзмәттәшләремнең кәефләре төрле… Кемдер көлә, кемдер елый…

Бөтен бүлеккә бер үзе генә эшли торган пост шәфкать туташы аена 13 мең сум алды. Ә бит ул бер үзе күпме эш эшли. Бу ничек була соң инде? Бөтен массакүләм мәгълүмат чаралары медицина хезмәткәрләренә хезмәт хакларын күтәрәләр дип хәбәр итәләр. Әйе, окладны күтәрделәр, әмма өстәмә түләүләрне киметтеләр. Шуңа күрә без хәзер азрак акча алабыз! Коронавирус белән көрәшү өчен бик күп акча бүленеп бирелгән диләр. Әмма бу акчаларны безнең хезмәт хакыбыздан алалардыр төсле. Әйе, бөтен табиблар да госпитальләрдә эшләми, әмма без дә, үзебезнең сәламәтлегебезне куркыныч астына куеп, авырулар янында “бөтереләбез”. Ничек болай яшәргә? Нигә алдынгы сафларда эшләүчеләрне ялганнарга? Алга таба ничек яшәргә? Без бит эшебездән китәчәкбез генә…” дип, яза РКБда эшләүче Веронина Элина.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Мәгълүмат Веронина Элина Инстаграмыннан

Запись “Алга таба ничек яшәргә?” – медицина хезмәткәрләрен авыр хәлгә куялар впервые появилась Tatar Today - татар яңалыклары..

“Мин шаккатам…” – Казанда уртача хезмәт хакы 47 мең сум булуына халык ышанамы? [видео]

Alfia — Wed, 04 Mar 2020 15:30:48 +0000

2019 елның гыйнвар-декабрь айларында Казанда уртача хезмәт хакы 47 318 сум 90 тиен булган. Февраль ахырында шәһәр хакимияте шундый сан китерде. Казаннарның кайберләре моңа ышанса да, күпчелеге аптыравын белдерә.

Мәгълүмат чит ил агентлыгыннан

Запись “Мин шаккатам…” – Казанда уртача хезмәт хакы 47 мең сум булуына халык ышанамы? [видео] впервые появилась Tatar Today - татар яңалыклары..

Россиядә хезмәт хакы арта

Alfia — Fri, 21 Feb 2020 15:35:15 +0000

Быел илебездә хезмәт хакы уртача 2,5 процентка артачак. Россия Хөкүмәте каршындагы Финанс университеты тикшеренүендә шулай диелгән.

Бу җәһәттән иң зур үсеш – Татарстанда (3,4 процент), Якутия һәм Ленинград өлкәсендә (3,2шәр процент), Ямал-Ненец автономияле округы һәм Пенза өлкәсендә (3әр процент) фаразланыла. Ә хезмәт хакының иң аз дәрәҗәдә үсүе Приморье краенда (1,4 процент) көтелә. Инде хәбәр ителгәнчә, узган елның 11 ае йомгаклары буенча Татарстан предприятиеләре һәм оешмаларында эшләүчеләрнең (кече эшмәкәрләрне дә кертеп) уртача хезмәт хакы 36,5 мең сум тәшкил итә. Алдагы елдагыга караганда 6 процентка күбрәк бу.

Мәгълүмат: vatantat.ru

Запись Россиядә хезмәт хакы арта впервые появилась Tatar Today - татар яңалыклары..

Татарстанда минималь хезмәт хакы ничә сум булачак?

Alfia — Wed, 29 Jan 2020 09:05:05 +0000

2020 елда Татарстанда бюджеттан тыш сектордагы барлык хезмәткәрләр өчен дә 14 мең сум күләмендә минималь эш хакы билгеләнгән. Бу хакта Татарстанның Хезмәт, халыкны эш белән тәэмин итү һәм социаль яклау министрлыгы хәбәр итә.

«Социаль партнерлык кысаларында 2019 елның 25 декабрендә имзаланган минималь хезмәт хакы турындагы килешү нигезендә, 2020 елның 1 гыйнварыннан Татарстанда бюджеттан тыш секторда эшләүчеләр өчен 14 мең сум күләмендә минималь хезмәт хакы билгеләнгән», – диелә хәбәрдә.

Татарстанның Хезмәт, халыкны эш белән тәэмин итү һәм социаль яклау министрлыгы кисәтүенчә, әгәр хезмәткәр күрсәтелгән вакыт дәвамында эшләгән һәм үзенең хезмәт вазифаларын тулысынча үтәгән икән, аның айлык эш хакы килешүдә билгеләнгән минималь хезмәт хакы күләменнән дә кимрәк булырга тиеш түгел. Эш бирүчеләр, сорау туган очракта, (843) 557-21-15 телефоны буенча шалтырата ала.

Мәгълүмат: tatar-inform.tatar

Запись Татарстанда минималь хезмәт хакы ничә сум булачак? впервые появилась Tatar Today - татар яңалыклары..

Россиядә пенсияләр һәм минималь хезмәт хакы артты

Alfia — Thu, 02 Jan 2020 10:26:26 +0000

1 гыйнвардан хезмәт хакының минималь күләме 850 сумга артачак, ә эшләмәүче пенсионерлар өчен картлык буенча пенсия 6,6 процентка индексацияләнә. Эшсезлек буенча пособие күләме генә үзгәрмәячәк, ул 2019 елдагы кебек үк, 1,5 меңнән 8 мең сумга кадәр тәшкил итәчәк.

Минималь хезмәт хакы күләме киләсе елда 12 130 сумга кадәр артачак, бу узган елга караганда 850 сумга күбрәк. Бу яңалык 3,2 миллионга якын кешегә кагылачак.

Эшләмәүче пенсионерларның иминият пенсияләре 6,6 процентка индексацияләнә. Шулай итеп, эшләмәүче пенсионерларның картлыгы буенча иминият пенсияләренең уртача күләме 16,5 мең сум тәшкил итәчәк. Социаль пенсияләрне индексацияләү 1 апрельдән 7 процентка гамәлгә ашырылачак.

2020 елдан 31 субъект пенсиягә төбәк өстәмә түләүләренә субсидияләр алачак, чөнки Россия законнары буенча пенсия регион буенча яшәү минимумы күләменнән кимрәк була алмый. Әгәр гражданның керемнәре пенсионерның яшәү минимумы күләменә кадәр җитмәсә, аңа социаль өстәмә түләү каралган.

1 гыйнвардан пенсия яшендәге Олимпия уеннарының көмеш һәм бронза призерларына стипендияләр арттырылды. Түләүләр 24 меңнән 39 меңгә һәм 18 мең сумнан 30 мең сумга кадәр артты.

2020 елда эшсезлек буенча пособие күләме артмаячак. Элеккеге кебек үк, ул 1,5-8 мең сум тәшкил итәчәк, ә пенсия яше алдындагылар өчен — 11 280 сумга кадәр. Моннан тыш, хәрби пенсияләрне ел саен 2 процентка арттыруны туктату турындагы карарны озайтачаклар. Ул 2019 ел дәрәҗәсендә калачак һәм 73,68 процент тәшкил итәчәк.

Мәгълүмат: tatar-inform.tatar

Запись Россиядә пенсияләр һәм минималь хезмәт хакы артты впервые появилась Tatar Today - татар яңалыклары..

Әйбәт тормыш итәр өчен аена ничә сум хезмәт хакы кирәк?

Alfia — Sat, 05 Oct 2019 23:35:29 +0000

Россия кешесенә үзен бәхетле хис итү өчен аена уртача 161 мең сум акча эшләргә кирәк. Бу хакта ТАСС агентлыгы Superjob порталы тарафыннан үткәрелгән сораштыруга сылтама белән хәбәр итә.

Шул ук вакытта, ир-атларга (181 мең) хатын-кызларга (138 мең) караганда акча күбрәк кирәк. 24 яшькә кадәрге респондентлар аена 118 мең сум акча җитүен билгеләп үткән, 35 яшьтән өлкәнрәк гражданнар исә 172 мең сумлык хезмәт хакыннан канәгать булуын белдергән.

Мәскәүдә яшәүчеләр аена 212 мең сум хезмәт хакы түләүләренә өмет итсә, Оренбург гражданнары 115 меңгә дә риза.

Сораштыру 18 яшьтән өлкәнрәк 2,5 мең респондент арасында үткәрелгән.

Мәгълүмат: tatar-inform.tatar

Запись Әйбәт тормыш итәр өчен аена ничә сум хезмәт хакы кирәк? впервые появилась Tatar Today - татар яңалыклары..

Русиядә нинди вакансияләр иң югары хезмәт хаклы ?

Алина — Sun, 13 Jan 2019 07:57:02 +0000

Россиянең HeadHunter компаниясе 2019 елның гыйнварында урнаштырылган иң югары хезмәт хаклы вакансияләр рейтингын төзегән. Мәскәүдә табиб акушер-гинекологка, репродуктологка иң күп хезмәт хакы түләргә әзерләр. Аларга 574 мең сум хезмәт хакы вәгъдә итәләр. Бу хакта “Известия” яза.

Моннан тыш, нефть продуктлары сату буенча техник директорга һәм менеджерга кулына 500 мең сумнан алып түләргә әзерләр. Алга таба Мәскәүдә Python developer вакансияләре, кандидатларга 4 мең доллар һәм Владивостокта финанс директорга 500 мең сум вәгъдә итәләр.

Шулай ук иң отышлы тәкъдимнәр унлыгына һава судносы командиры, реклама һәм маркетинг буенча директор, коммерция директоры, senior Java developer һәм теш табибы-ортопед вакансияләре кергән.

20 декабрьдә Россиядә иң күп хезмәт хакы түләнелә торган һөнәрләр исемлеге тәкъдим ителгән иде. Бу исемлекне IT, транспорт, логистика һәм җитештерү өлкәсендә эшләүче кешеләр җитәкләгән.

Шулай ук эш бирүчеләр җитәкчеләргә һәм тәҗрибәле белгечләргә хезмәт хакын шактый күтәрергә әзер. Оешмалар һәм компанияләр яшь белгечләр белән аз кызыксына. Шул ук вакытта хезмәт баскычын нефть һәм газ тармагында, сәламәтлек саклау һәм юриспруденция өлкәсендә башлау отышлы.

Татар- информ

Запись Русиядә нинди вакансияләр иң югары хезмәт хаклы ? впервые появилась Tatar Today - татар яңалыклары..

Хезмәт хакын вакытында түләмәгән директорларны нишләтәләр?

Люция — Fri, 11 Jan 2019 05:19:11 +0000

Татарстан Премьер-министры Алексей Песошин хезмәт хакы буенча бурычлары булган оешма директорларына карата җитди чаралар күреләчәге турында кисәтте. Ул ТР Хезмәт, халыкны эш белән тәэмин итү һәм социаль яклау министрлыгының коллегия утырышында шулай дип әйткән.

“Татар-информ” агентлыгы Алексей Песошин сүзләрен китергән. “Эш хакын вакытында түләмәү аркасында бурычлар арту белән бәйле рәвештә, тормыш дәрәҗәсен арттыру һәм керемне легальләштерү буенча муниципаль комиссия рәисләренең игътибарын арттыруын телим”, – диде Хөкүмәт җитәкчесе. Ул предприятие җитәкчеләрен хезмәт хакы буенча бурычларны түләп бетерергә өндәде. “Бурычларын яшерүчеләргә һәм озак вакыт түләмәүчеләргә иң җитди чаралар күрүне сорыйм”, – диде ул.

Алексей Песошин хезмәт хакы вакытында түләнүен контрольдә тотучы органнарга бурычлылар белән эшне җанландырырга кушты. Предприятиеләрдә финанс ягы мөшкел булган очракларны вакытында ачыклау буенча баланс комиссияләре ролен көчәйтүне сорады.

2018 елның гыйнвар-октябрендә республикада уртача айлык хезмәт хакы 34 мең сумнан арткан. 2017 елның шул ук чоры белән чагыштырганда, үсеш 8,4 процент тәшкил итә, дип яза “Татар-информ”.

Фото: pixabay.com

Запись Хезмәт хакын вакытында түләмәгән директорларны нишләтәләр? впервые появилась Tatar Today - татар яңалыклары..