Илнар Ялалов 5 октябрь Казанның Филармония залында узачак чираттагы концертына юкка гына “Табышмак” дип исем кушмагандыр. Ул үзе бер яктан гади, тыныч, шау-шуларсыз, үз тавышы, моңы булган җырчы дигән идек. Әлеге видеода без аннан булачак концертының кайбер серләрен чиштерергә тырыштык.

https://www.instagram.com/tv/B29HmSYIyOv/?igshid=36yss20bghc4

Ул кайчандыр Гүзәл Уразова һәм Илдар Хәкимов белән гастрольләргә дә чыккан икән. Бу безнең өчен яңалык булды.

Запись Илнар Ялалов булачак “Табышмак” концертының кайбер серләрен чиште впервые появилась Tatar Today - татар яңалыклары..

Профессионал җырчы Илнар Ялалов ул табышмак кебек. Тикмәгә, 5 октябрь Казанның Филармония залында узачак чираттагы концертына “Табышмак” дип исем кушмагандыр. Ул үзе бер яктан гади, тыныч, шау-шуларсыз, үз тавышы, моңы булган җырчы. Икенче яктан ул да үзенә бик күп вакыйга-тарихларны сыйдырган, бу елларда югалып та алды, менә тагын күренә башлады. Атлавы сәер, нидер булганмы, авария-мазарга эләкмәгәндер бит, Аллам сакласын. Әәә, татар җырчылары белән футбол уйнаганда имгәткәнен күрсәткән иде бит Инстаграммында. Сүзебез автоматом шул вакыйдан башланды.

– Илнар, күптән түгел футбол уйнаганда аягын авырттырдың. Хәзер хәлең ничек?

– Саулык Аллага шөкер. Тик аяк әле дә авырта. Без җырчылар белән Саба районында “Туплы тамаша” проектын оештырган идек. Аңа хәтле дә җәрәхәт бар иде инде, хәзер тагын да көчәйде. Икенче көнне аякка баса алмадым. Әзрәк аксаклап та йөрештерәм.

– Син уенда кем булып уйнадың?

– Күбрәк сакчы булып уйныйм.

 – Аягың авырткан килеш, концерт уздырырга ничек батырчылык иттең?

– Концерт бик зур җаваплылык, аның датасы да җаваплы бит әле. Бөтен сорауларга да җавапны шул көнне табарсыз дип ышанам, әлегә сер булып калсын.

– Концертыңда футбол сөючеләр булачакмы?

– Әйе, әлбәттә. Мин аларны кунак итеп чакырдым.

View this post on Instagram

A post shared by Ильнар Ялалов (@ilnaryalalov)

– Син бик шаян егет, шулай бит? Пародияләр ясарга уйламыйсыңмы?

– Шаянлыкка әйе, төрттерергә яратам. Ә пародияләр бәлки булыр, әлегә сер булып калсын

– Халык артисты Венера Ганеева синең төп остазыңмы?

– Әйе, ул минем чыгышларым буенча гел фикерең әйтеп тора, гел аралашабыз. Аның киңәшләренә колак салырга тырышам.

– Данир Сабиров кебек Венера Ганеева белән шаян клип төшерергә уйламыйсыңмы?

– Минем формат икенче. Киләчәктә шаян клиплар да булыр. Шушы гаилә концертыннан соң ныклап клиплар турында уйлый башлаячакбыз. Әлегә төгәл җыры да юк. Планда гына бар.

– Эстрададан китеп торсаң да, Сабантуйларда чыгыш ясагансыңдыр бит?

– Әйе, әлбәттә. Эстрададан читләшеп торсам да, үземне белдереп тордым.

– Инстаграмга да фотолар бик куймыйсың ахры?

– Мин социаль челтәрләрдә сирәк утырам. Күбрәк күрешеп аралашу яклы. Беләм хәзерге заманда анда утыру бик кирәк, бәлки ешрак фотолар урнаштыра башлармын. Тиздән үземнең сәхифәдә шәп бәйге игълан итәргә торабыз.

View this post on Instagram

A post shared by Ильнар Ялалов (@ilnaryalalov)

– Балаларың телефонда еш утырамы соң?

– Без аларга бик рөхсәт итмибез. Тик алар күрмәгәндә генә алып уйнарга мөмкиннәр. Минекенә кагылганнары юк.

– Синең балаларың бик сәләтле. Улыңны “Лучше всех” тапшыруына алып барасың килмиме?

– Һәр нәрсәнең үз вакыты бар. Мин һәрвакыт эшне җиренә җиткерү яклы. Шул ук җыр өлкәсендә дә бер көнлек җырчылар күбәйде.

[Дәвамы бар]

View this post on Instagram

A post shared by Ильнар Ялалов (@ilnaryalalov)

Запись Илнар Ялалов Данир Сабиров кебек остазы Венера Ганиева белән шаян клип төшерәчәкме? [видео] впервые появилась Tatar Today - татар яңалыклары..

Сүз уңаеннан, Илнар һәм Ләйсән Ялаловлар 5 октябрь Казанның  Филармония концертлар залында кичке сәгать 5тә “ТАБЫШМАК” исемле концерт программасын тамашачыга тәкъдим итәләр. Ялаловлар гаиләсе әлеге тамашада матур сюрпризлар күп булачак дип ышандыра.
⠀
Билетлар “Билетон”да  һәм Филармония @tatfilarmonia сайтында. Билет алу хәстәрен алдан күрегез, көнендә калмаска мөмкин, бу концертка Илнар бик ныклап әзерләнә.

Запись Җырчы Илнар Ялаловның үзенчәлекле клибын күрдегезме әле? [видео] впервые появилась Tatar Today - татар яңалыклары..

«Артист» футбол такымы әгъзалары Казанның “Солтанат” кафесында үзара аралашып, бер-берсенә бүләкләр, мактау кәгазьләре биреп, тәмле ризыклардан авыз итеп 2016 елгы сезонны озаттылар. Иң оста уенчы һәм туп кертүчене дә үзара билгеләгәннәр. Әле узган ел гына исеме дә булмаган, гадәти футбол яратучылар кебек уйнаучы команда, бу эшкә бик җитди килеп, бер ел эчендә исем куеп, җанатарлар белән очрашулар да уздырырга өлгергән. Уңышлары да күзгө ташланып тора – һәрберсенең муеныныда Татарстан флагы белән көмеш медальләр ялтырый.

Илнар Ялалов

“Казан футбол лигасында 2016 елгы сезон тәмамланды. Бу сезонда безнең команда «Артист» футбол командасы буларак, башлангыч лигада көмеш медальләр яулады. Ә киләсе елга югарырак торган лигага күчәчәкбез, Аллаһы боерса. Шул уңайдан без бергәләп жыелып бу сезонга йомгаклау ясадык. Иң оста уенчыны һәм иң күп туп кертүчеләрне билгеләдек. Иганәчебезне дә (“Мир столешниц”, Ульяновск) рәхмәт хаты белән буләкләдек.

Ә инде Казан лигасы, безне 4 ноябрьдә Татарстан спорт министрлыгында бүләкләде. Сезонның иң оста уенчысы итеп мине сайлаганнар. Мин моңа икеләтә шатландым. Бик зур рәхмәт әйтәсем килә безнең командага!”, дип, үзенең хисләре белән уртаклашты “Артист”ларның капитаны Илнар Ялалов.

Моңарчы бер төркем татар артистларының футбол уйнауларын белә идек, быел алар тулы көчкә эшләп килүче футбол командасы төзеделәр. Без дә аларның уңышларына сөенәбез һәм тагын да югары үрләр яулауларын телибез!

[Tatar today, Шамил Абдюшев фотолары]

Запись Илнар Ялалов, “Айфара”дан Алмаз кергән “Артист” футбол такымы 2016 сезонга йомгак ясады [фото-видео] впервые появилась Tatar Today - татар яңалыклары..