Архивы җир тетрәү - Tatar Today - татар яңалыклары.

Төркиядә җир тетрәү нәтиҗәсендә һәлак булучылар саны һаман арта бара

Alfia — Sun, 26 Jan 2020 13:11:38 +0000

Төркиянең көнчыгышында җир тетрәү нәтиҗәсендә һәлак булучылар саны 35 кешегә җитте. Бу хакта илнең вице-президенты Фуат Октай хәбәренә сылтамасы белән РИА Новости хәбәр итә.

Элегрәк 29 кеше һәлак булганлыгы һәм 1466 кеше зыян күргәнлеге турында сүз булган иде. Кырык дүрт кешене исән килеш өем астыннан алып чыкканнар.

Җомга көнне 20:55 сәгатьтә (Мәскәү вакыты) Сивридж шәһәре тирәсендәге Элязыг провинциясендә 6,8 санлы магнитудалы җир тетрәве булды.

Төркиянең 1600дән артык гражданы илнең көнчыгышында җир тетрәү вакытында зыян күрде, хастаханәләрдә 104 яралы кала, диелгән хәбәрдә.

«Хәзерге вакытта һәлак булучылар саны 35кә җитте», – диде Октай, Анкара Гадәттән тыш хәлләр агентлыгында узган киңәшмәдә чыгыш ясаганда. 1607 кеше зыян күргән, шуларның 1503е хастаханәләрдән чыккан инде. Коткаручылар 45 кешене исән килеш өемнәр астыннан алган.

Адан, Хатай, Османие, Тунджели, Газиантеп, Шанлыурфа, Малатья, Мардин, Самсун, Токат, Чорум һәм Кайсери көнчыгыш төрек провинцияләрендә, шулай ук Сириянең төньягында җир тетрәве сизелгән.

Мәгълүмат: tatar-inform.tatar

Запись Төркиядә җир тетрәү нәтиҗәсендә һәлак булучылар саны һаман арта бара впервые появилась Tatar Today - татар яңалыклары..

Төркиядәге җир тетрәүнең коточкыч нәтиҗәләре

Alina — Sat, 25 Jan 2020 08:06:49 +0000

Төркиянең көнчыгышындагы Малатья һәм Элязыг провинцияләрендә көчле җир тетрәү нәтиҗәсендә ким дигәндә 18 кеше һәлак булды һәм 553 кеше зыян күрде, дип белдерде Төркия эчке эшләр министры Сөләйман Сойлу.

Гадәттән тыш хәлләр агентлыгы мәгълүматларына караганда, каза күрүче районында 28 Төркия провинциясеннән 493 коткаручылар командасы эшли. Җир тетрәү зонасына 1689 палатка, 1656 карават һәм 9200 юрган китерелгән. Кәрәзле элемтә операторлары Элязыг һәм Малатьяда бушлай элемтә хезмәтләре турында игълан итте.

Төркия Президенты Рәҗәп Тайип Эрдоган хәлне күзәтүен әйтте. Ул белдергәнчә, учрежденияләр җир тетрәү нәтиҗәләрен бетерү өчен барлык кирәкле чараларны күрә.

Мәгълүмат Кызыл таң

Запись Төркиядәге җир тетрәүнең коточкыч нәтиҗәләре впервые появилась Tatar Today - татар яңалыклары..

Чиләбедә җир тетрәүне нигә алдан хәбәр итмәгәннәр?

Алина — Wed, 05 Sep 2018 15:41:12 +0000

5 нче сентябрьгә каршы төндә Урал халкы җир асты бәрелешләреннән уянып китә. Кешеләрне җир тетрәү уята. Чиләбе халкы сөйләвенчә, алар 11 көчле бәрелеш кичерә. Җир тетрәвен Свердловск өлкәсенең көньягында яшәүчеләр дә сизә. Урал халкы өчен җир тетрәү сирәк күренеш. Шуңа да алар моңа әзер булмый. Халык ни өчен аларны алдан кисәтеп куймаулары белән кызыксына.

Көн дәвамында диспетчырлык хезмәтенә җирле халыктан хәбәрләр килеп тора. Алар стеналарның җиңелчә шартлау, ярылулары, йортларга зыян килүе турында хәбәр итә. Җир тетрәү вакытында шәһәр хастәханәсендә стена ярыла. Авыруларны шунда ук эвакуациялиләр. Рәсми мәгълүматларга караганда үлүчеләр юк. Җир тетрәүнең сейсмик активлыгы 5,6 баллга бәяләнә. Махсус комиссия тикшеренүләренә караганда, әлеге табигать күренешеннән һәр өченче бина зыян күрә.

“Минем эш кабинетымда шкаф киштәләре белән бергә китаплар, сувенирлар ишелеп төшкән иде. Түшәм һәм стеналар да зыян күргән. 5 нче сентябрь көнне , 4:00 сәгаттә шәһәр башлыгына сигнализация эшли башлауга бүтән бинага күчәргә туры килде” , дип язып куйган Катав- Ивановск депутатлар советы рәисе Галина Федосеева үзенең социаль челтәрдәге битенә.

Мәгълүмат URA.RU сайтыннан алынды.

Запись Чиләбедә җир тетрәүне нигә алдан хәбәр итмәгәннәр? впервые появилась Tatar Today - татар яңалыклары..

Италиядә җир тетрәү корбаннары 247гә җитте [фото]

Редактор1 editor1 — Thu, 25 Aug 2016 07:41:29 +0000

Италиядәге җир тетрәү корбанннары арта – хәзерге вакытка 247 кеше үлү турында хәбәр ителә. Моннан тыш, илнең үзәк өлешендә тагын бер җир тетрәү күзәтелгән. Бу юлы 4.0 баллы. Әлегә корбаннар һәм җимерелүләр турында хәбәр юк.

Коткаручылар Аматриче, Аккумоли, Пескара һәм Аркуата-дель-Тронтода эзләүләүләрен дәвам итә.

Искәртеп узабыз: 24 августта Италиядә 6,4 баллаы җир тетрәү булды, ул Лацио, Умбрия һәм Марк өлкәләренә кагылды.

Татар-информ

Запись Италиядә җир тетрәү корбаннары 247гә җитте [фото] впервые появилась Tatar Today - татар яңалыклары..