Архивы исемнәр - Tatar Today - татар яңалыклары.

Айла, Салих, Мостафа… Атнаның иң үзенчәлекле 14 исеме билгеле

Гузель — Fri, 15 Feb 2019 07:06:18 +0000

Узып баручы атнаның иң сирәк һәм гадәти булмаган исемнәре билгеле. Яңа туган сабыйларга: Офелия, Виталин, Алекс, Лев, Радислав, Платон, Лея, Салих, Яңалия, Айла, Мостафа, Лавр, Микаэл һәм Доминин дип кушканнар. Бу хакта Республиканың гражданлык хәле актларын теркәү идарәсенең матбугат хезмәте хәбәр итте.

Балалар өчен Самир, Мәрьям, Азалия, Милана, Амелия, Тимофей, Әмир, Кәрим, Ева һәм Алиса иң популяры икән.

ЗАГС мәгълүматларына караганда, бер атна эчендә 389 бала туган: 191 малай һәм 198 кыз.

Татарстан Республикасы Министрлар Кабинетының гражданлык хәле актларын теркәү идарәсе
Фото: Сosmopolitan

Запись Айла, Салих, Мостафа… Атнаның иң үзенчәлекле 14 исеме билгеле впервые появилась Tatar Today - татар яңалыклары..

Казанда иң еш һәм сирәк кушылучы исемнәр билгеле

Гузель — Sat, 26 Jan 2019 12:00:35 +0000

14-20 гыйнварда Казанның ЗАГС бүлекләрендә 461 баланың тууы теркәлгән. Шулай итеп, 239 малай һәм 222 кыз бала дөньяга аваз салган. Бу турыда Казан мэриясе матбугат хезмәте хәбәр итә.

Иң яшь әнигә – 20, иң өлкәненә 42 яшь. Иң яшь әтигә 18 булса, иң өлкәне 51 яшен тутырган. Туган вакытта минималь һәм максималь бала авырлыгы күрсәткечләре – 990 һәм 4810 грамм.

Бу атнаның иң популяр бала исемнәре арасында Мәликә, Самир, Артур, Милана, София, Тимур, Әмир, Ульяна, Полина. Әти-әниләр тарафыннан иң сирәк кушылган исемнәр исә Аксиния, Гера, Альяна, Назар, Натан, Лев, Родислав, Лидия, Божена һәм Алтаир.

Шул ук вакыт аралыгында, шәһәрнең ЗАГС бүлекчәләрендә 145 пар язылышкан.

Казан мэриясе
фото: Etcetera.media

Запись Казанда иң еш һәм сирәк кушылучы исемнәр билгеле впервые появилась Tatar Today - татар яңалыклары..

Үткән атнада Казанда балаларга Фандас, Луна-Виктория, Женевьева, Фәннүр дип исем кушканнар

Редактор1 editor1 — Fri, 08 Jul 2016 13:16:52 +0000

Казанда соңгы атнада 381 бала туган дип хәбәр итә Гражданлык хәле актларын теркәү (ЗАГС) идарәсе. Шуларның 198 – малай, 183 – кыз бала.

Иң яшь әни – 18, әти – 20 яшьтә булса, иң олы әни кешегә – 42, әтигә – 54 яшь.

Исемнәргә килгәндә, иң сирәк кушыла торганнары: Женевьева, Юстина, Лилиана, Игнат, Идель Эсма, Рауль, Радомир, Фандас, Луна-Виктория, Гумар, Фәннур, Захар, Лада, Саида булса, иң популяр исемнәр: Артем, Ясминә, Марк, Матвей, Әминә, Арина, Дарья, Әмир.

Шулай ук, соңгы атнада 213 пар гаилә корган. Иң яшь кияү белән кәләшкә – 18, иң олыларына – 55, 59 яшь.

Запись Үткән атнада Казанда балаларга Фандас, Луна-Виктория, Женевьева, Фәннүр дип исем кушканнар впервые появилась Tatar Today - татар яңалыклары..

Татарстанлылар балаларына Батулла, Зариф, Зөләйха, Сәйдә кебек борынгы исемнәр куша

Редактор1 editor1 — Wed, 15 Jun 2016 12:11:32 +0000

Татарсан ЗАГС идарәсе башлыгы Альбина Шәвәлиева балаларга борынгы татар исемнәрен кушуның артуын белдерә.

Татарстанда моңа кадәр сирәк кушылган, әмма ата-бабалар яратып атаган исемнәрне әти-әниләр ешрак куша башлаган. Республиканың ЗАГС идарәсе башлыгы Альбина Шәвәлиева Батулла, Зариф, Йосыф, Зөләйха, Зәйнәп, Латифә, Сәйдә кебек борынгыдан килгән татар исемнәре кушуларын әйтә. Бу хакта ул 14 июнь матбугат очрашуында белдерде.

Кызларга Ада, Айя, Даринә, Иркә, Язгөлем кебек әлегә сирәк очрый торган исемнәр куша башлаганнар. Бу исемлектә бөтенләй диярлек ишетелмәгәннәр дә бар. Алар: Аят, Владлена, Гунай, Дилноза, Луна, Нурана, Севда, Фрух, Шушанна.

Еш куела торган, популяр исемнәр быел да үзгәрми диярлек. Ир балаларны һаман да Тимур, Кәрим, Әмир, Артем, Кирилл, Матвей, Егор, Максим, Камил, Самир; кызларны Ясминә, София, Әминә, Арина, Ралина, Милана, Виктория, Азалия, Самирә, Алисә дип атарга яраталар, ди ЗАГС вәкиле.

Быел республикада 6938 яңа гаилә теркәлгән. Бу узган ел белән чагыштырганда 13%ка кимрәк икән.

Азатлык радиосы

Запись Татарстанлылар балаларына Батулла, Зариф, Зөләйха, Сәйдә кебек борынгы исемнәр куша впервые появилась Tatar Today - татар яңалыклары..