10г чүпрә, 100мл җылы су, 50г шикәр комы, 50г маргарин, 600г он, 250мл кефир, 1 йомырка, тоз, йөзем, 1 йомырка сарысы.

Крем өчен: 250мл сөт, 40г шикәр комы, 20г крахмал, 1пач ванилин, 2 йомырка сарысы.

Пешерү тәртибе:

Кремны пешерү өчен бары барлык ингредиентларны кушып, салмак утта куерганчы пешереп алу кирәк.

Чүпрәне җылы суга салабыз, 1 аш кашыгы шикәр комы өстибез дә 10-15 минутка калдырабыз.

Кефирны бераз җылытып алабыз.

Онга шикәр комы, тоз салабыз.

Маргаринны эретәбез.

Онга кефир, йомырка, маргарин, чүпрә салып йомшак камыр басабыз һәм  1, 1,5 сәг калдырып торабыз. Камыр әзер булгач түгәрәкләп җәябез һәм майлап алабыз. Юылган йөземнәрне салабыз да, камырны рулет итеп терәбез. Килеп чыккан рулетны кисәбез. Матур формага китереп кабартмаларны майлы табага тезәбез. 10-15 минуттан духовкага куябыз. Пешкән кабартмаларга крем салып чыгабыз.

Чәйләрегез тәмле булсын!

Запись Кремлы кабартма рецепты впервые появилась Tatar Today - татар яңалыклары..

500 г майсыз кефир,

2 йомырка,

0,5 стакан шикәр комы,

2 стакан тоз

0,5 бал кашыгы сода,

тоз,

алма.

Пешерү тәртибе:

Алма белән шикәр комын кушып яхшылап болгатабыз, кефир, тоз кушкач тагын бер кат бутыйбыз.

Сода, он салгач,  артык куе булмаган камыр килеп чыгарга тиеш.

Алманы телемләп турыйбыз.

Кызган майлы табага камырны салып чыгабыз. Камыр өстенә алмаларны тезәбез, тагын бераз камыр салабыз. Ике яктан кыздырып алабыз. Әзер булган коймакларның өстен шикәр пудрасы белән бизәргә мөмкин. Шулай ук, алма урынына банан да куллансагыз ярый.

Чәйләрегез тәмле булсын!

Запись Алмалы коймаклар рецепты впервые появилась Tatar Today - татар яңалыклары..

300 г он, 1 бал кашыгы чүпрә, 0,25 стакан шикәр комы, 0,5 бал кашыгы тоз, 1 йомырка, 2 аш кашыгы көнбагыш мае, 120 мл җылы су.

Аерым: 100 г тәмле атлан мае, шикәр пудрасы, үзегез теләгән эчлек.

Пешерү тәртибе: 

Он, шикәр комы, тоз, чүпрәне  бергә кушып болгатырга. Калган ингредиентларны салып бетереп йомшак камыр басарга һәм өстен каплап беразга калдырырга.

Камырны алып 4 кисәккә бүлергә.

Камыр белән эшлисе өстәлне атлан май белән майларга. Камырның бер кисәген алып, тарткалап шакмаклап җәяргә һәм тагын бер кат атлан май белән майларга.

Камырның бер ягына эчлек салырга һәм рулет итеп төрергә. Килеп чыккан рулетны әкәм-төкәм (улитка) формасына китерергә һәм майланган табага куярга. Калган камыр кисәкләре белән дә шул эшне башкарырга. Килеп чыккан кабартмаларны 30 минутка калдырып торырга. Соңыннан,  180 градуска кадәр кызган духовкада 20 минут чамасы пешерергә. Әзер кабартмаларны шикәр пудрасы ярдәмендә бизәргә.

Запись Испанча пешерелгән кабартма рецепты впервые появилась Tatar Today - татар яңалыклары..

1 ст кефир, 0,5 ст көнбагыш мае, 11 г коры чүпрә, 1 чәй кашыгы тоз, 1 аш кашыгы шикәр комы, 3 ст он.

Әзерләү тәртибе:

Кефир белән майны кушарга һәм бераз утта җылытып алырга, тоз белән шикәр комы салырга.

Он белән чүпрәне бутарга.

Он өстенә кефирлы массаны бушатырга һәм йомшак камыр басарга.

Камырны каплап, 30 минутка җылы урында калдырырга.

Әлеге камырдан төрле ризык әзерләп була. Әмма шуны истә тотыгыз, камыр ризыкларын пичкә куйганчы, 10 минут бүлмә температурасында тотып торыгыз.

Фото: orrange.ru

Запись Бик йомшак камыр рецепты впервые появилась Tatar Today - татар яңалыклары..

 Төче камыр ясау тәртибе: табакка бераз су салып, йомырка сыталар, тоз сибәләр. Каймак, яисә май салып тулгыйлар. Шулай ук майоныз да кушып була.

Соңыннан, иләгән он салып, йомшаграк кына камыр басалар. Камырның дүрттән бер өлешен калдырып, зурак кисәкне куна тактасында 4-5 мм калынлыгында түгәрәкләп җәяләр.

Камырны таба салгач, ул кул киңлегендә табадан артып торырга тие. Майлаган табага җәеп салагч, кырыена тиеп өзелмәсен өчен, таба тирәсенә тастымал урарга мөмкин.

Камырның көчкенә кисәге капкач буларак кулланыла.

Татар халык ашлары

Запись Ит бәлеше өчен камыр рецепты впервые появилась Tatar Today - татар яңалыклары..