«Югары уку йортларына документлар кабул итү 20 июньдә башланачак, 29 июльдә, документларны кабул итү тәмамлана, 17 августта — югары уку йортларына керүгә бәйле барлык процедуралар төгәлләнә», — диде министр.

Ведомство башлыгы быел кабул итү кампаниясе, эпидемиологик вәзгыятьне тотрыкландыруга бәйле рәвештә, тынычрак режимда узачак, дип саный. Шул ук вакытта, узган ел сынау узган барлык яңалыклар, шул исәптән документларны читтән торып тапшыру да кулланылачак, диелә хәбәрдә.

Чыганак: Татар-информ

Запись Югары уку йортларында кабул итү кампаниясе кайчан башлана впервые появилась Tatar Today - татар яңалыклары..

Стационар IT-лицей базасында әзерләнәчәк, анда хәзерге вакытта дәресләр үткәрелми.

«Без барысына да әзер булырга тиеш. Теләсә кайсы вакытта коронавирус йогышы диагнозын раслау турында мәгълүмат килергә мөмкин. Тулай торакларда яшәүчеләр, авыру җиңел үтсә дә, үзизоляциядә дәвалана алмыйлар. Чөнки алар бүләмәдәшләрен, бер этажда яшәүчеләрне дә зарарларга мөмкин.  Шуңа күрә мондый студентлар өчен, кирәк булса, без алдан ук барысын да карарга тиеш. Безнең студентларның сыйфатлы һәм үз вакытында ярдәм алуы бик мөһим”, – дип билгеләп үтте КФУ ректоры.

Бүгенге көндә студентлар арасында яңа коронавирус йогышы белән зарарлану очраклары табылмады. Гафуров ассызыклаганча, дистанцион эш режимы студентларны һәм укытучылар составын вирус белән зарарланудан саклый, әмма саклык чараларын көчәйтергә кирәк.

Чыганак:  "БИЗНЕС Online"

Запись COVID-19да шикләнүче КФУ студентларын аерым стационарга урнаштырачаклар: “Без барысына да әзер булырга тиеш” впервые появилась Tatar Today - татар яңалыклары..

Хәзер уку йортларының сайтлары, социаль челтәрләрдә төр­кем­нәре бар. Барлык мәгълүмат та шушында урнаштырыла. Укыр­га те­ләүчеләр дә, кызыксынып кына караучылар да нәрсә, кайда, ничек булуы белән таныша ала. “Postupi.Online” электрон сервисы биргән мәгълүматка карасак, Казанда – 8903 бюджет, 13 мең­нән артык тү­ләүле уку урыннары бар икән. Татарстанда барлыгы 14 югары уку йорты исәп­ләнә. Сайлау мөмкин­леге бар-ба­рын, абитуриентлар кай­сына бара соң? Юрганнарына карап аякларын сузалармы, әллә инде хыял дигәннәрен бернигә дә карамыйча чынбарлык итмәкче­ләрме?

Олы Кайбыч урта мәктәбенең 11 “А” сыйныфын тәмамлаган Фи­рүзә Мусина нинди уку йортына керергә икән дип баш ватмый. “Өч абыем да – табиб, шуңа күрә табиб булу теләге миндә кечкенә­дән үк бар”, – ди ул. Казан дәүләт медицина университетына ке­рер­гә исәбе. “КДМУның ике факультетына документлар тапшырырга уйлыйм. Бюджет урынына үтәсе бик авыр, өч фәннән кимендә 95әр балл кирәк”, – дип уртаклашты Фирү­зә. Казан алмаса, Мәскәүгә документлар тапшырырга дигән телә­ге дә юк түгел икән.

Абруйлы да, кыйммәтле дә саналган Казан дәүләт медицина университетында 440 – бюджет, 415 коммерцияле урын каралган. Түләп укуның бәясе 130 мең сумнан башлана.

Бер имтиханнан котыласың, университетта исә тагын керү имтиханнары көтеп тора. Шуңа күрә БДИда җитеп бетмәгән балларны әле университетта узачак эчке сынауларда җыярга мөм­кин. Казан медицина университетында, мә­сә­лән, химия, биология, анатомия һәм физиология, урыс теле кебек фәннәрдән эчке имтиханнар би­рергә кирәк икән.

Әлеге уку йорты сигез юнә­леш буенча белгечләр әзерли. Шушы юнәлешләр буенча БДИ нәтиҗә­ләренә карап минималь баллар­ның күләме билгеләнә. Мәсәлән, “Педиатрия” бүлегенә керергә теләүчеләр химиядән иң кимендә – 60, урыс теленнән – 55, биология­дән 55 баллы булырга тиеш. “Стоматология” буенча кит­сәң, һәр фән буенча да минималь баллар бер төрле – 55. Дәвалау бүлеген сайла­саң, хи­мия-биология, урыс телен­нән 65әр балл кирәк булыр.

КДМУда уку кыйммәт тә, озак та. Бәяләр димәктән, мисал өчен, “Дә­валау” юнәлешенең көндезге уку бүлеген сайласаң, биредә белем алу елына 187686 сумга тө­шәчәк. “Педиатрия” юлын сайлаучылар кимрәк түли: елына 151192 сум. Хәер, алты курс уку, интернатура, докторантура кебек фәлән-фәлән­нәрне исәпкә алганда, бу сумма шактыйга тула икән. 205 еллык тарихы булган уку йортында укый­сың, шәп белгеч, менә дигән табиб буласың килә икән, түлисең инде.

Казан федераль университетына керергә теләүчеләр дә, елдагыча, күп. Бигрәк тә читтә яшәү­челәр бу белем йортына агыла. Шулай ук көллият-тех­никум бетереп, хәзер укуын дә­вам иттерергә теләүчеләр дә юк түгел. Рузанна Гимазетдинова – шундыйлардан. “Чаллы инжене­рия-икътисад көл­лия­тен тәмам­ладым. Укуымны КФУ­да дәвам итәргә телим. Бу университетның рейтингы яхшы, шуңа күрә документларны тапшырып карарга булдым. Түләүле уку бүлегенә керәчәк­мен”, – диде Рузанна.

Рейтинг дигәннәре күпләрне кызыктыра шул. Әле күптән түгел генә КФУ дөньяның иң яхшы вузлары рейтингында 50 нче урынга күтәрелде. Бер ел элек ул 439 нчы урында тора иде. Рейтингка Россиянең тагын 25 югары уку йорты керде.

“Postupi.Online” электрон сер­висы биргән мәгълүмат буенча, Казан федераль университетында 2019-2020 уку елына 3962 – бюджет, 4688 түләүле урыннар каралган. Иң популяр белгеч­лекләр, һәр­вакыттагыча, икътисад, дизайн, юриспруденция, халыкара мөнәсә­бәтләр кебек юнә­лешләргә бәйле. Гуманитар өлкә­ләр белән беррәт­тән техник фән­нәргә дә кызыксыну зур. Бюджет урыннары да соңгы­ларына чагыштырмача күбрәк бү­леп би­релә. Информатика, төгәл фән­нәр буенча БДИ сайлаучы­ларның бюджетка керү ихтималлыгы да бермә-бер зуррак.

Бәяләргә килгәндә, КФУда белем алу кесәгә суга торганнардан. Мәсәлән, Геология һәм нефть-газ технологияләре инс­титу­тының “Геология” юнәлеше буенча түләп уку бәясе елына 169200 сум тәшкил итә. Бакалавр дипломы алып чыгу өчен дүрт курска 676800 сум түлисе дигән сүз. Гуманитарийларга артыграк түлисе! Мәсәлән, “Культурология” белгечлеген алып чыгарга теләүчеләр елына 200 мең сумнан артык акча түләргә мәҗбүр. КФУ сайтына эленгән мәгълү­матка караганда, бу белгечлеккә 15 бюджет урыны бирелгән. “Физика”, “Радиофизика” юнәлеш­ләре буенча укырга теләүчеләр акча янчыкларыннан 145 мең сум акчасын эзләсен.

КФУның Алабуга һәм Чаллыдагы филиалларында бәяләр бу кадәр “тешләми”. Дөрес, “очно-заочно” дигән уку бүлегендә белем алганда гына. Алабугада “Юриспруденция” белгечле­ген­дә укуның бер елга бәясе 68 мең 940 сумны тәшкил итә. Икътисад юлын сайласаң да, шул сумма. Чаллыда да шулай ук. Ә көндезге уку бүлегендә белем алу 100 мең сумнан ким түгел.

Президентлар чыккан Казан дәүләт аграр университеты сайтында да бәяләр турында мәгъ­лүмат­ны элеп куйганнар. Абитуриентлар да, университетта укучы студентлар да сизгән: бәяләр шактыйга арткан икән. Икътисад институтына керер­гә теләүчеләр дул­кыны көчле булырга охшап тора. Сайтта эленгән рәсми документка ышансаң, “Агрономия” факультетына 130 бюджет урыны бирелгән. “Урман хуҗалыгы һәм экология” тармагына 50 бюджет урыны каралган.

Сүз уңаеннан, КФУ булачак студентларына яңача ысул белән имтихан бирергә тәкъдим итә. Хәзер уку йортының эчке имтиханнарын онлайн рәвештә тапшырырга мөм­кин. Имтиханнар 12–26 июль көн­нә­рендә үтәчәк. Иң элек бу ысул сәламәтлеге начар, мөмкин­лекләре чикләнгән егет-кызлар өчен тәкъ­дим ителә.

27 июльдә югары уку йорт­ла­рының сайтларында, белдерү­ләр тактасында укырга керүче­ләр исем­­леге эленәчәк. Ә аңа кадәр укучы дисәң, мәктәпне тәмамл­а­ган, студент дисәң, әле укырга кер­мәгән егет-кызларга ут йотып көтәсе генә кала.

фото: соцсети
Чыганак: “Ватаным Татарстан”,   /№ 87 , 21.06.2019/

Запись Студент булу күпме тора? Бюджет урыны төшкә генә керәме? впервые появилась Tatar Today - татар яңалыклары..

Документ текстыннан күренгәнчә, чыгарылыш курсларын тәмамламлаучы студентларның җәйге имтихан сессиясе бераз алга күчерелә һәм 20 майдан 15 июньгә кадәр дәвам итәчәк. Моннан тыш, укучылар Универсиада авылындагы бүлмәләрне 30 июньгә кадәр бушатырга тиеш булачак. Шуннан соң бүлмәләрдә ревизия үткәреләчәк.

Шуны да билгеләп үтәргә кирәк, мондый тәҗрибә Казанда су спорт төрләре һәм футбол буенча дөнья чемпионаты турнирлары узганда да кулланылган иде. Студентлар мондый экспериментларны яратмый, әмма аларга йөкләмәне үтәүдән тыш, башка юл юк.

https://kazanfirst.ru/

Запись КФУ студентларын Универсиада авылыннан чыгарачаклар впервые появилась Tatar Today - татар яңалыклары..

Документлар буенча ул 1991 елны  “Автомобиль һәм автомобиль хуҗалыгы” белгечлеге буенча Кама Политехник институтын бетергән. Ялган дипломга ышанып аны КФУга 2012 елда укытырга алалар. Ялган документлар белән эшләгән ир-атны ТР буенча  Федераль куркынычсызлык хезмәте ачыклый. Укытучыга карата җинаять эше кузгатылган.

Чыганак: inkazan.ru

Запись ИнКазан: КФУның бер филиалында укытучы ялган документлар белән укыта впервые появилась Tatar Today - татар яңалыклары..

“Лина Мөхәммәтҗанова 15 августтагы приказ нигезендә үзе баштан ук омтылган юнәлешкә кабул ителде. “Лингвистика”га баллар шактый югары. Аның баллары бюджетта укуга кабул ителүгә җитмәде”, – дип сөйләгән Олег Бодров. – Сүз аның үзлектән укыган предметлар буенча имтиханнарны югары балларга тапшыру турында барды. Бу бик катлаулы. Шулай булуга да карамастан, 14 яшьлек бала өчен 247 балл җыю – яхшы күрсәткеч. Лина Казан федераль университетының иң яхшы студентлар сафында булыр дип уйлыйм”.

Лина КФУның Халыкара багланышлар институтына көндезге укуга 15 августтагы приказ нигезендә кабул ителде, дип аңлаттылар матбугат хезмәтендә.

Агентлыкка алдан хәбәр итүләренчә, Лина Мөхәммәтҗанова Казандагы 122нче гимназиядә укыган. Аннан соң Санкт-Петербургтагы 162нче мәгариф үзәгенә күчкән һәм дистанцион формада укып, аны 13 яшьтә экстерн рәвештә тәмамлаган.

tatar-inform

Запись 14 яшьлек генийны КФУның түләүсез бүлегенә ни өчен кабул итмәүләре билгеле впервые появилась Tatar Today - татар яңалыклары..

Иң кыйммәт белгечлек, узган елдагыча, культурологиядә, шулай ук дизайн, «техник физика» «нанотехнологияләр һәм микросистемалы техника». Әлеге дүрт белгечлектә дә бер үк бәя – еллык түләү 193500 сум. Икенче урында – икътисадчылар һәм юристлар – 165360 сум. Өченче урында – «нефтьгаз эше», геология белгечлекләре – 162240 сум. Халыкара мөнәсәбәтләр белгечлеге сайлаучыларга аз гына арзанрак – 160980 сум.

Педагогик белем алырга теләүчеләргә 122460 сум. Филологияне сайлаучылар бераз күбрәк түли: 132540 сум.

Магистратурада уку бәяләре белем алу теленә карап та үзгәрә

Әйтик, радиофизика белгечлегенә (рус телендә) бер ел уку өчен 146160 сум, ә инглиз телендә белем алырга теләүчеләргә — 282000 сум.

Геологиядә – 166380 сум (рус телендә), 282000 сум (инглиз телендә).

Биологиядә дә аерма шушы чама. Гомумән, инглиз телендә белем үзләштерү бәяләрне ике тапкыр арттыра.

Теш табибы һөнәре алу элек-электән кыйммәткә төшә иде. Хәзер дә шулай. Магистрлар өчен – еллык уку 183300 сум. Ә инглиз телендә — 468000 сум.

Педкөллияткә укырга керергә теләүчеләр игътибарына!

Казан педкөллиятендә бер ел уку – 28.000 сум тора. Районнарда күпкә арзанрак. Чистай педкөллиятендә, мәсәлән, бер ел уку — 14.000 сум

Автор: Нурия ӘЛМИЕВА, Мәгариф

Запись Баласын КФУга укырга кертүче әти-әниләргә түләү бәясе билгеле впервые появилась Tatar Today - татар яңалыклары..

Әлеге чара традиция буларак инде 20 ел дәвам итә. Табигать кочагында узган бәйрәмдә кафедра мөдире Васил Гарифуллин, беренче курсларның кураторы Илһам Фәттахов һәм башка укытучылар катнашты. Элеккеге татжур студентлары – Зөлфәт Зиннуров, Айваз Садыров, Данил Сәфәров, Алия Исрафилова да беренчеләрне күрергә дип килгән иде.

View this post on Instagram

A post shared by Зульфат Зиннуров (@zulfat_zinnurov)

View this post on Instagram

A post shared by Зульфат Зиннуров (@zulfat_zinnurov)

Беренче курс студентларына махсус ант әйттереп, тозлы-борычлы су эчерделәр, тылсымлы “он” сиптеләр, төрле кызыклы уеннар оештырдылар. Танылган журналистлар, укытучылар, өлкән курс студентлары “беренчеләргә” үгет-нәсыйхәт, киңәшләрен бирде. Бүләксез бәйрәм булмый: булачак каләм ияләренә дәфтәр һәм ручка бүләк иттеләр. Васил Заһитович, традициягә тугры калып, зур карбыз алып килгән иде, багышлау тантанасы табын артына күчте.

Фотолар белән таныша аласыз.

Чулпан ГАРИФУЛЛИНА

Запись Беренче курс студентларын, «тылсымлы» су эчереп, татжурга кабул иттеләр [фото] впервые появилась Tatar Today - татар яңалыклары..

Агымдагы елның март аеннан башлап Казан федераль университетының Tataristica үзәгендә уздырыла торган дискуссияләр “кыздыра”. Ай саен татар милләтенең «каймагы» булган галимнәр һәм сәнгать эшлеклеләре милләтнең төп проблемаларын чишү юлларын эзләү өчен бер мәйданга җыела. 14нче июнь көнне Tataristica үзәгендә чираттагы кызыклы очрашу-дискуссия узды. //Татар тудей//

Көн кадагындагы сорау – «Татар филологиясе: ихтыяҗ һәм мөмкинлекләр». Очрашуда элеккеге Казан дәүләт университеты һәм Татар дәүләт педагогия университетының Татар филологиясе факультетын (бүгенге Г.Тукай исемендәге татаристика һәм тюркология югары мәктәбен) төрле елларда тәмамлаган 29 шәхес катнашты. Кунаклар арасында галим, журналист, язучылар да, җырчылар һәм алып баручылар да, режиссерлар да бар иде. Модератор Гүзәл Сәгыйтова белән берлектә татар филологиясенең киләчәге турында Ким Миңнуллин, Хатыйп Миңнегулов, Әлфия Йосыпова, Фәнзилә Җәүһәрова, Рамил Мирзаханов, Алмаз Миргаязов, Ренат Вәлиуллин, Газинур Морат, Илдар Мөхәммәтов, Кадрия Идрисова, Данис Шакиров, Ләйсән Билалова, Раушания Миңнуллина, Миләүшә Сибгатуллина, Радик Сабиров, Ленар Шәех, Тимергали Юлдашев, Нияз Сабиров, Нурания Җамали, Рамил Төхфәтуллин, Илфак Хафизов, Ильяс Халиков, Илназ Баһавиев, Фәнил Вакказов, Илгәрәй, Фәнис Кәлимуллин һәм башкалар уйландылар һәм сөйләштеләр.

Очрашуда катнашучылар моннан 6-7 ел элек булган үзгәрешләрнең әле дә борчылырга мәҗбүр итүе һәм «Татар филология юнәлешенең киләче нинди булыр дигән сорау»ның ачык калуы турында яшермичә сөйләштеләр. Г.Тукай исемендәге татаристика һәм тюркология югары мәктәбе директоры Йосыпова Әлфия Шәүкәт кызы килгән кунакларны һәм тамашачыларны тынычландырырга ашыкты һәм татфакның бүгенгесе турында сөйләде. Хәзерге вакытта татар филологиясе һәм татар теле һәм әдәбияты укытучысы әзерли торган юнәлештә 662 студент белем ала икән. Булачак белгечләр арасында Татарстан һәм Идел буе регионнарыннан килеп укучылар гына түгел, чит ил студентлары да байтак. Шундыйлар арасында Кытайның Уйгыр автономияле өлкәсеннән, Төркия, Япония, Казахстан, Үзбәкстан һәм Ауропаның кайбер илләреннән килеп укучы студентлар бар. Киләчәген татар филологиясе белән бәйләргә теләүчеләргә төп белгечлектән тыш, өстәмә белем алу мөмкинлеге дә бирелә. Шулай итеп, студентлар өстәмә инглиз, төрек, гарәп, кытай телләрен өйрәнәләр, мәктәпкәчә белем бирү, мәгълүмати технологияләр өлкәсендә татар филологиясе, журналистика, этнодизайн һәм тәрҗемә буенча белем алалар.

Студентларны татфакка китерә торган нинди кызыксыну чарасы бар соң дигән сорау тугач, кунакларның бер тавышан диярлек татар телен һәм әдәбиятын өйрәнү (өстәмә белгечлекләрдән тыш та) якын һәм ерак Көнчыгыш илләренә, төрки дөньяга «чыгу» мөмкинлеге ачыла, дип җавап бирделәр. Татфак бусагасын күптән атлап чыгып киткән һәм бүген зур уңышларга ирешкән мөхтәрәм кунаклардан шундый сүзләр ишетү, әлбәттә, тамашачыларны (бигрәк тә студентларны) канатландырды. Галим Хатыйп Миңнегуловның татар телен һәм әдәбиятын өйрәнүнең тиешле дәрәҗәдә булмавы турындагы чыгышы бер мәлгә залны сискәндереп җибәрсә дә, КДУның татар филологиясе факультетының үткәне, 1000гә якын студентның белем алу һәм укырга керү өчен зур конкурсларның булуын искә алуы да битараф калдырмады. Татфакның киләчәге, дөрестән дә, якты булыр әле дигән өмет һәм ышаныч барлыкка килде.

Очрашуга җыелган татфак бетергән шәхесләр төрле өлкәләрдә хезмәт куйсалар да, күпчелеге укытучы һөнәрен сайламаса да, аларны бер нәрсә – татар теленә карата хөрмәт һәм ярату берләштерә.

Сөйләшү Каюм Насыйри институтының 7 үзәге өчен (Казахстанның – Астана, Кыргызстанның – Бишкәк, Россиянең – Санкт-Петербург,  Мәскәү, Екатеринбург,  Пенза, Уфа шәһәрләре) турыдан-туры трансляцияләнде. Шулай ук “Татар-информ” мәгълүмат агентлыгы аша да туры эфир оештырылды. 

«Татар филологиясе: ихтыяҗ һәм мөмкинлекләр» чарасыннан фотолар:

Запись КФУның татфагы галимнәрен, популяр җырчы-артисларын, тел белгечләрен күрсәтте [фото-видео] впервые появилась Tatar Today - татар яңалыклары..

Нәбирә Гыйматдинованың әлеге әсәре каһарманнарын КФУ студентлары уйнаячак. Пьесаны сәхнәгә куючы – Фәнүзә Габдрахманова. Спектакль КФУның Татарстан урамы, 2 нче йорт адресы буенча урнашкан Актлар залында, 15 нче май көнне кичке биштә башлана. Керү бушлай.

Запись КФУның “Мизгел” яшьләр театры премьерага чакыра впервые появилась Tatar Today - татар яңалыклары..