Архивы Кыш бабай - Tatar Today - татар яңалыклары.

Кыш бабай булып эшләп, кыска вакыт эчендә баеп буламы?

Лэйсирэ — Sat, 29 Dec 2018 06:07:46 +0000

Яңа елны Кыш бабай һәм Кар кызыннан башка күз алдына китерү кыен. Кечкенә чакта и ышана идек шуларга. Имеш, Кыш бабай килә дә, шигырь сөйләгән өчен күп итеп бүләкләр биреп китә. Бүләк дигәне шул конфет, печенье инде. Ә хәзер Кыш бабайларны махсус акча түләп өйгә чакырта ата-ана. Бүләкләрне дә саллы итеп алалар.

Күп еллар Кыш бабай булып эшләүче Фидәрис Мортазин белән хәзерге заман “бабае” һәм әлеге үзенчәлекле эш турында сөйләштек.

– Хәзерге заман Кыш бабае булу авырмы?

– һәрбер эшнең үз авырлыгы бардыр. Тик мин Кыш бабай булып үзем өчен, кызык өчен йөрим. Яңа ел якынлашуы сизелә, күңел күтәрелә. Кайсыбер кешеләр: “Әллә нәрсә шунда. Яңа ел сизелми”, – ди. “Кыш бабай булып йөреп кара, сизелер”, – дим.Барысы да үзеңнән тора.

– 31 декабрь төнендә эшлисеңме?

– Кайсы елны ничек туры килә. Эшләсәм дә, Яңа елга кайтып җитәргә тырышам. Кайбер елны хатыным белән бергәләп эшлибез. Бер елны туй үткәрдек. Төнге 12 туларга 15 минутка өйгә кайтып җиттек. Җитештек.

– Кыш бабай булып эшләп, әз генә вакыт эчендә баеп буламы?

– Белмим. Байлык төрлечә үлчәнә бит. Кемгәдер 10 мең сум да байлык, кемгәдер 1 миллион да акча түгел. Яңа ел тирәсендә ел дәвамында ай саен кергән акча кадәр эшлибез. Хәзер Яңа ел булса, җәй көне Сабантуйлар бар, мәсәлән. Шуңа бу бәйрәм генә аерым сизелми. Аннан, акча җыелмый ул никтер бездә. Керә дә чыгып китә. Алдан ук әзер инде аның урыны.

Язманы тулысынча “Акчарлак” газетасының 51нче саныннан укый аласыз.

Запись Кыш бабай булып эшләп, кыска вакыт эчендә баеп буламы? впервые появилась Tatar Today - татар яңалыклары..

Үзйөрешле мич һәм пингвиннар: Сабада “теттереп” Яңа ел каршы алалар [күңелле видео]

Лэйсирэ — Tue, 25 Dec 2018 11:31:01 +0000

Саба районындагы Яңа ел парады социаль челтәрләрнең хитына әверелде. Бу райондагы Урман хуҗалыгы бистәсендә оештырылган үзенчәлекле бәйрәм алды чарасында төрле оешма вәкилләре катнашкан. Инстаграмда пәйда булган видеокадрлар яшен тизлегендә интернет буенча таралды.

Парадта катнашучылар бер-берсеннән киемнәре белән аерылып торырга булган: кемдер узган ел символы булган чебешләр булып, кемдер пингвин, аю, кемдер үзйөрешле мич өстенә атланып, ә кемдер хәтта сыер костюмы ясап киенгән. Парад ахырын Кыш бабайлар колоннасы тәмамлый.

Посмотреть эту публикацию в Instagram

#татартудей Быел да беренче булып урамдагы Яңа ел бәйрәме, “сабача карнавал” белән Лесхоз бистәсе шаккаттырды. Әле видеоны район башлыгы Рәис Миңнеханов төшерә!@raisminnikhanov

Публикация от Tatar today порталы (@tatar_today) 25 Дек 2018 в 7:56 PST

Посмотреть эту публикацию в Instagram

#татартудей Сезнең авылларда мондый Яңа ел парадлары үтәме? Бу тамаша Саба районы Лесхоз бистәсендә. @samatginiiatyllin ・・・ Молодцы..Бик кочле булган бу парад!????

Публикация от Tatar today порталы (@tatar_today) 23 Дек 2018 в 11:45 PST

Запись Үзйөрешле мич һәм пингвиннар: Сабада “теттереп” Яңа ел каршы алалар [күңелле видео] впервые появилась Tatar Today - татар яңалыклары..

Яңа ел ялларына эләгүче көннәр ничәнче майга күчерелә?

Лэйсирэ — Sun, 09 Dec 2018 18:11:19 +0000

Узып баручы елның соңгы атнасында алты эш көне була. Ул дүшәмбе, 24 декабрьдән шимбә – 29 декабрьгә кадәр дәвам итәчәк. Бу хакта Россия Хезмәт һәм эш белән тәэмин итү федераль хезмәтенә сылтама белән “Интерфакс” хәбәр итте.

Россия халкын ун көнлек – 30 декабрьдән 8 гыйнварга кадәр ял көннәре көтә. “Озын эш атнасы варианты “Яңа ел каникулларын” өзмәс өчен сайланды. Шимбә – 29 декабрьдәге ял көне дүшәмбегә – 31 декабрьгә күчерелде. Шунлыктан елның соңгы атнасы 6 көнлек эш көне белән булачак”, – дигән Россия Хезмәт һәм эш белән тәэмин итү федераль хезмәте җитәкчесе урынбасары Иван Шкловец.

Ун көнлек ялдан соң, беренче эш көне 2019 елның 9 гыйнварында чәршәмбе көнне башлана. “Яңа ел бәйрәмнәре якшәмбе, 2018 елның 30 декабрендә башлана һәм сишәмбе, 2019 елның 8 гыйнварында төгәлләнә. 9 гыйнварда беренче эш көне”, – дигән агентык әңгәмәдәше.

Яңа ел ялларына эләгүче шимбә һәм якшәмбе – 5 һәм 6 гыйнвар көннәре Беренче май бәйрәменә кушыла (2 һәм 3 май, пәнҗешәмбе һәм җомга).

Бу хакта тулырак: tatar-inform

Фото: https://vk.com/

Запись Яңа ел ялларына эләгүче көннәр ничәнче майга күчерелә? впервые появилась Tatar Today - татар яңалыклары..

Яңа елда Кыш Бабай булып киенеп күпме акча эшләп була?

Лэйсирэ — Sun, 09 Dec 2018 10:19:05 +0000

Яңа ел бәйрәменә дә күп калмады. Кыш бабай белән Кар кызын искә алыр вакыт җитте, димәк. Аларны әллә кайдан эзлисе дә юк. Балаларын могҗизага ышандыру өчен, ата-аналар чын Кыш бабай белән Кар кызының телефон номерын күптән табып куйды инде. Бәя ягыннан килешәсе генә калды.

Казанда, Татарстанның башка шәһәрләрендә (район-авылларга да килеп керде инде!) Яңа ел киченә Кыш бабай чакыруны нигә дә санамыйлар хәзер. Декабрь аена керү белән һәр баганада диярлек игъланнар пәйда була. Интернет заманасында яшибез – Кыш бабай аннан да файдалана. “Онытылмаслык бәйрәм мизгелләре бүләк итәбез”, “Балагызны могҗизага ышандырабыз”, “Чын әкияти кәеф – бары бездә генә”… Бу әле – Кыш бабай белән Кар кызы вәгъдәләренең берничәсе генә.

Шушы өлкәдә хезмәт күрсәтүче Рәзилә Нуриева Кыш бабайның оныгы – Кар кызы булып студент елларыннан бирле эшли. “2010 елда Казан театр училищесына укырга керү белән аниматорлык шөгыленә чумдым. Бәйрәм үткәрү агентлыгы белән берлектә дә, мөстәкыйль рәвештә дә эшлим. Урынына карап, бәяләр төрлечә, әлбәттә. Экспресс-котлау бәяләре 1 мең сумнан, балалар бакчаларында яки корпоративларда чыгыш ясау 2 меңнән башлана. 31 декабрьдә дә эшлибез. Монда инде икеләтә тариф алына”, – диде ул. Хәзерге вакытта Кыш бабай һәм Кар кызы булып, бәйрәм ясап йөрүчеләр саны күбәйгәнен дә яхшы аңлый Рәзилә. “Бу өлкәдә дә көндәшлек бар. Әти-әниләр Кыш бабай белән Кар кызын “кунакка” дәшү турында Яңа елга бер ай алдан уйлана башлый инде. Заказлар 15 декабрьгә таба күбәя. 31 декабрьдә өйгә чакырулар гына кабул ителә. Иртәнге җидедән Яңа елның таңына кадәр заказларыбыз бар”, – дип аңлатты ул. 30 декабрьгә кадәр көненә өч-биш чакыру белән чикләнәләр икән.

Кыш бабай белән Кар кызының программасы 15-30 минутка сузыла. Монда төрле табышмаклар, шигырьләр, уеннар керә. Заказ бирүчеләрнең шәхси теләкләренә дә каршы килмиләр. “Мәсәлән, спортчы гаиләсенә барсак, сценарийга үзгәрешләр кертәбез”, – ди Рәзилә. Мөмкинлекләре чикле балалар өчен дә шулай. Сикереп биюләрне салмак хәрәкәтләр алмаштыра, күбрәк сүз сөйләүгә урын бирелә. Кемнеңдер тормышына тылсым өстәгәнне белеп эшләү рәхәт”, – ди Кар кызы Рәзилә.

Диктор, телевидение алып баручысы Идел Кыямов исә Кыш бабай булып күбрәк балалар бакчаларында эшли. Аны бүтән Бабакайлардан аерып торган үзенчәлеге дә бар әле: Идел – Милли Кыш бабай. Шуңа күрә киеме дә яшел төстә. Кирәге чыкса, кызылы да бар икән. Иделнең бу өлкәдә алты еллык тәҗрибәсе бар инде. Ел да аңа гына мөрәҗәгать итүчеләр дә юк түгел. Гадәттә, балалар бакчалары Иделгә алдан язылып куя. Даими клиентларына ташламалар да тәкъдим итә. “Шундый очраклар да була: Кыш бабай бер балалар бакчасына ышандырып куя да, көне җиткәч, килми, ташлый. Ашыгыч рәвештә кирәк булганда, үз графигыма андый заказларны да кертәм. Гадәттә, көненә өч бәйрәм чарасында катнашам”, – дип сөйләде Идел. Балалар бакчасына Идел бабайны дәшсәгез, сезгә 20 минутлык программа тәкъдим ителәчәк.

“Кечкенә балаларның игътибарын җәлеп итү авыр түгел. Алар әле могҗизага ышана. Үзең дә тылсымчы роленә кереп киткәч, чыннан да, әкият, тылсым таратасың кебек. Балалар шуңа тартыла”, – ди Идел. Кыш бабайның хезмәте күпмегә төшә соң? “Миндәге бәя башка Кыш бабайларныкына караганда күпкә түбәнрәк”, – дип кенә җавап кайтарды ул.

Арча районындагы Кырлай авылында чын Кыш бабай резиденциясен ясадылар. 1 декабрьдән башлап әти-әниләр, балалар Бабакай янына кунакка барып кайта ала. Казаннан Кырлайга автобус йөри. Резиденция тәкъдим иткән автобус белән барасыз икән, билет түбәндәге бәягә төшәчәк: балаларга – 1 мең 700, мәктәп укучыларына – 2 мең 200, олылар өчен – 2 мең 450 сум. Әгәр Кырлайга үз машинагыз белән барасыз икән, Кыш бабай янына керү билеты кечкенә балаларга – 1 мең 350, мәктәп укучыларына – 1 мең 850, олыларга исә 2 мең 100 сумга төшәчәк. Көненә карап, билет бәяләре дә төрлечә булуы ихтимал. Автобус белән барган очракта, билет бәясенә юл чыгымнары, автобус эчендә гид-экскурсовод, әкияти геройлар чыгышы, Кыш бабай һәм Кар кызының йокы бүлмәләрен карау, Кыш бабай риваятенә нигезләнгән спектакль, Яңа ел күчтәнәче һәм грамота керә. Башка хезмәтләр (көндезге аш, атларда йөрү һ.б.) өчен аерым түләнә. Tatar-moroz.ru сайтындагы мәгълүматка ышансак, татар телендә узучы тылсымлы тамашаны 23, 26 һәм 30 декабрь, шулай ук 8 гыйнвар көнне күреп булачак.

Кыскасы, Яңа елга аяк басканчы, кесәне шактый бушатырга туры киләчәк. Кыш бабай чакырырга ниятләгәнсез икән, аның капчыгы буш була күрмәсен өчен, ышанычлы кешеләргә генә мөрәҗәгать итегез. Элек балалар әкияти геройның сакалына караса, хәзер күчтәнәч тулы капчыгына күз сала бит. Арзан хезмәт сыйфатлы дигән сүз түгел һәм киресенчә дә.

(Чулпан Гарифуллина/“Ватаным Татарстан”, /№ 178, 07.12.2018/)

Запись Яңа елда Кыш Бабай булып киенеп күпме акча эшләп була? впервые появилась Tatar Today - татар яңалыклары..

Дилә Нигъмәтуллина “чын” Кыш бабай эзләп юлга чыккан [фото]

Редактор1 editor1 — Thu, 08 Dec 2016 15:02:27 +0000

Кыш бабай белән Кар кызы бармы ул? Кечкенә баласы булган гаилә, һичшиксез, бар диеп әйтәр. Бала күңеле, яңа яуган кар сыман, чиста һәм самими була. Әти-әниләр дә шуңа, Кыш бабай алып килгән бәхетле мизгелләрнең балачакта иң истә кала торган, кабатланмас мизгелләр икәнен белә.

View this post on Instagram

A post shared by Диля Нигматуллина (@dilyanig)

Җырчы Дилә Нигъмәтуллина да кечкенә, ләкин бик кызыксынучан кызы Сафинага Кыш бабай белән Кар кызы эзләп йөрү мәшәкатендә. “Кызымның хәзер шундый кызык вакыты, гел сораулар белән яудыра ул безне. Менә Кыш бабай турында да сорый башлады әле. Кыш бабай чынлап та бармы ул? Әллә ул Кыш бабайның киемен кигән абый гынамы? Ә кайларда яши ул? Кешеләр үлә, ә Кыш бабай үлемсезме?”, дигән сораулар бирә икән кызы аңа.

Tatar Today

Запись Дилә Нигъмәтуллина “чын” Кыш бабай эзләп юлга чыккан [фото] впервые появилась Tatar Today - татар яңалыклары..

Казанга Бөек Устюгтан Кыш бабай килергә җыена

Редактор1 editor1 — Tue, 06 Dec 2016 19:17:06 +0000

8-9 декабрьдә Татарстан башкаласы Казанга Бөек Устюг шәһәреннән Россия Кыш Бабае кунакка киләчәк.

Яңа ел бәйрәменә кадәр Россия Кыш Бабае 48 көн дәвамында ил буенча сәяхәт итә. Аны Россиянең телевидение йолдызлары озатып йөри.

Россия Кыш Бабае 8 декабрьдә Татарстанда узучы “Кулга-кул тотынышыйк, дуслар” фестивале кысаларында, Казанның “Әкият” курчак театрында балалар белән очрашачак. 9 декабрьдә исә Казанның 78 нче урта мәктәбендә балаларга күчтәнәчләр таратачак. Шул ук көнне Иске Татар бистәсендә Яңа ел чыршысы янында интерактив бәйрәм программасында катнашыр дип көтелә.

Татар-информ

Запись Казанга Бөек Устюгтан Кыш бабай килергә җыена впервые появилась Tatar Today - татар яңалыклары..

Мәскәү татарлары форумда катнашырга чакыра һәм һәркемгә Кыш бабайдан бүләк вәгъдә итә

Редактор1 editor1 — Sun, 04 Dec 2016 11:15:30 +0000

Мәскәү татар яшьләре һәркемгә “шәхси Кыш бабай”дан бүләк вәгъдә итә. Интернеттан бүләк алмашу гадәте татарларда артык гадәткә кермәсә дә, буккроссинг һәм посткроссинг күренешләре дөньяда популяр санала.//Азатлык радиосы//

Социаль челтәрләрдә популяр булган “бумеранг-марафон” – бүләкләр алмашуны Мәскәү татарлары милли яшьләр арасында оештыра. “Бүләк алмашу” Яңа ел бәйрәменә багышлана. “Яңа ел бүләкләре” дип аталган марафон башланып китүе турында башкала татар яшьләре социаль челтәрдә белдерү ясады.

Уен кагыйдәләренә күрә бүләк теләсә нинди булырга мөмкин – тәбрикнамә, китап һәм башкалар. Бүләк җибәрергә яисә алырга теләгән һәр кеше бу турыда оештыручыларга хәбәр итәргә һәм анкета тутырырга тиеш. Бүләк алырга һәм җибәрергә теләгән кешеләрнең адресларын администраторлар очраклы рәвештә сайлап ала. Кемгә нинди бүләк эләгәсен алдан белеп булмый.

Римма Гомәрова

“Идея яңа түгел, төркемнәрдә бүләк алмашу популяр нәрсә. Без үзебез дә, төрле шәһәрләрдә сәяхәт иткәндә, дусларга тәбрикнамәләр җибәрергә яратабыз”, дип белдерде Азатлыкка чараны оештыручы Римма Гомәрова. “Без башта бу чараны “Бердәмлек” эчендә генә оештырмакчы идек, Наил Шабанов аудиторияне киңәйтик дип тәкъдим итте. Аның өчен марафон шартларын үзгәртергә туры килде. Шартларны үзгәртеп, аудиторияне киңәйткәч, башка шәһәрләрдәге таныш активистлар да хуплап яза башлады”.

Оештыручылар сүзләренчә, чара максаты итеп татарларны үзара таныштыру яки аралаштыру дип куелмады, анысы катнашучыларның үзләреннән тора, төп максат – популяр флешмобны “татарлаштыру”.

“Әлегә 20 шәһәрдән 60 анкета килде. Катнашучыларның күбесе Русиядан, Казакъстаннан 4 кеше бар, Согуд Гарәбстаныннан 2 кеше, Италиядән дә бар. Татарстанның 5 районыннан 10 гариза килде, Казаннан ике гариза. Иң яшь катнашучы – 5 яшьлек Сәйдә исемле кыз һәм 6 яшьлек Әлфис. Алар икесе дә Татарстаннан. Анкеталарны без 7 декабрьгә кадәр җыябыз, шуңа күрә катнашучыларның саны 100гә җитәр дип уйлыйбыз”, дип сөйләде Римма Гомәрова.

Букрей һәм посткроссинг

Мәскәү яшьләренең бу фикерләре яңа түгел, дөнья күләмендә хобби буларак моңа охшаш проектлар күп. Алар арасынңа, мөгаен, иң киң таралганы – буккроссинг һәм аның бер төре булган букрей күренешләре.

Буккроссинг (bookcrossing, инглизчәдән – китаплар әйләнеше) очрагында билгеле бер урында һәр теләгән кеше берәр кызыклы китап калдыра. Аны башка катнашучы алып укый, тик аның урынына ул үз китабын калдырырга тиеш. Моның ярдәмендә кешеләр укуга, яңа әсәрләр белән танышуга ирешә. Татар яшьләре форумы да “Печән базары” чарасы кысаларында УКЫ дигән китап киштәләрен урнаштырып, халыкны татарча китап алмашуга чакырган иде.

Алманиядә, тукталышта буккроссинг өчен махсус урын

Интернет заманында бу күренеш тагын да киңрәк җәелә. Социаль челтәрләр, махсус форумнарда интерет аша букрей (bookray, инглизчәдән – китап таралуы) оештырыла. Бу очракта катнашучы башта үзе теләгән яхшы китапны почта буенча үзе белмәгән кешегә җибәрә. Соңыннан аңа да белмәгән бер яки берничә кешедән китап килә. Күпмедер күләмдә хәтта финанс пирамидасын хәтерләткән бу күренеш яшьләр арасында бик популяр.

Казанда татар телен укыткан Эльза Нәбиуллина да андый дөньякүләм чарада катнашып караган. “Бер көнне Грузиядә яшәүче дустым Лела буккроссингка кушылырга тәкъдим итте. Ул аңлатканча, миңа Португалиягә аның башка бер танышына үзем теләгән телдә, форматта китап җибәрү шарт иде. Минем 6 дус-танышым үз чиратында Лелага китап җибәрергә тиеш. Шул рәвешле чылбыр дәвам итә. Нәтиҗәдә, буккроссингта катнашучы һәр кеше иң азыннан 36 китапка ия була. мондый чара дөньяның төрле почмакларында яшәүче төрле милләт вәкилләрен берләштерә, таныштыра. Һәр кешенең китап киштәсен дә баета”, дип сөйләде ул.

Эльза Нәбиуллина

Нәбиуллина татар яшьләре арасында да бу кызыклы китап алмашуын оештыру кирәк дип саный. “Татарлар арасында бу чараны уздыру кирәк. Шәһәр-район, ил күләмендә, хәтта сыйныф-мәктәп күләмендә дә аны оештырып була. Аның шартларын үзең теләгәнчә билгеләргә була. Кемнеңдер ата-анасы, туганнары да акциядә катнашырга мөмкин.

Бәлки, чараның шарты итеп, үзең яраткан, киңәш итәрдәй китап белән уртаклашырга кирәк дип тә билгеләргә була” ди Эльза Нәбиуллина. Аның сүзләренчә, бу яшьләр арасында татарча китап укуны популярлаштыра ала, әдәбияткә кызыксыну уята ала, татарча укуны“мода”га әверелдерү көченә ия.

Моннан тыш посткроссинг (postcrossing – котлау хатлары әйләнеше) күренеше дә бик популяр. Моның өчен махсус сайтлар эшләп килә, иң зурысы шулай атала да. Идеясе дә китапларга бик охшаш: катнашучы ялгыш чыккан адреска котлау хатын җибәрә, ул килеп җиткәч, аңа да очраклы кеше хат җибәрә. Шулай итеп, милләтләр һәм төрле ил вәкилләре арасында аралашу бара.

Азатлык хәбәрчесе дә бу хоббины сынап карарга булды. 6 адреска төрле хатлар язып, без АКШ, Германия, Нидерланд, Кытай һәм Тайвань кешеләренә “сәлам” һәм “рәхмәт” сүзләрен өйрәтеп карадык, Татарстан һәм татарлар турында сөйләдек. Сайтта килгән җавапта берничәсенең татарча “рәхмәт” дип җавап бирүгә ирешә алдык.

Мәскәү яшьләренең башлангычы бөтен дөнья буйлап таралган татар яшьләрендә мондый аралашу, танышу һәм дуслашуга этәргеч булырга охшаган.

Запись Мәскәү татарлары форумда катнашырга чакыра һәм һәркемгә Кыш бабайдан бүләк вәгъдә итә впервые появилась Tatar Today - татар яңалыклары..