Чыганак: Ватаным Татарстан

Запись Уразаның беренче көнен ничек үткәрергә һәм коронавирус ураза тотмау өчен сәбәп була аламы? впервые появилась Tatar Today - татар яңалыклары..

– Ураза тоту – әлбәттә, савап­лы гамәл. Ни кызганыч, күпләр ураза тотуны ашау-эчүдән генә тыелу дип аңлый. Бу бит – кү­ңелеңне, кальбеңне чистарту, начар уй-фикерләрдән тыелу. Аның әх­ла­кый яктан да кыенлыгы бар, чөнки ул – гыйбадәт.

Ашау-эчүдән тыелуны беренче планга куябыз, шул ук вакытта бик үк дөрес тә тукланмыйбыз. Аш­казаны ял итәргә тиешлекне таныйбыз. Шуңа карамастан, авыз ачканда, аңа ризык тутырып куябыз. Аннан ул мескенкәй ни эшләргә белми. Ураза вакытында ничек дөрес тукланырга соң, дип әүвәл мин үземә сорау бирдем. Үзеңне дә тикшерәсең: тегеләй-болай ашап карыйсың, бер фи­кер-нәтиҗә чыгарасың. Әгәр адәм баласы уразаны дөрес тотса, дөрес тукланса, бик күп мәгъ­нәви, матди хасталыклардан арына ала. Әмма без күбесенә ирешә алмый калабыз.

Бу уңайдан танылган бер компаниянең ураза вакытында дөрес туклану буенча киңәшлә­рен тәкъдим итә алам. Аларның киңәшен тоттым, файдалы дип таптым.

Организм ураза вакытында беренче чиратта суга аеруча мохтаҗлык кичерә, дип болар, ахшам намазына азан әйтелгәч (ягъни ифтар алдыннан), ярты литр су эчәргә тәкъдим итә. Моны су эчеп авыз ачу дип әйтергә мөм­кин. Әлбәттә, кеше көн дәвамында сусаганын басарга тиеш. Шул ук вакытта әлеге ком­паниядәгеләр, су эчкәч ярты сәгать үтмичә, бернәрсә ашамаска киңәш итә. Бу ярты сәгать эчендә дини гый­бадәтләрне тулы итеп башкарырга мөмкин. Әлеге вакыт узгач, ите, аксымы, углеводлары булган салат ашап куярга кушалар. Шуның белән чик­ләнергә, башка ризык ашамаска кирәк.

Бераздан ястү намазы, аның арты тәравих намазы җитә. Сәхәргә хәтле 3-4 сәгать кала бит әле. Шул вакытта тагын җиңелчә ашап куярга мөм­кин. Инде сәхәр вакытында кеше организмына көн буена җитәрлек, бай витаминнардан торган коктейль эчәргә тәкъдим итәләр (анда кешегә кирәкле булган аксым, протеин, тимер кебек унсигез төрле матдә бар). Бу коктейльдән тәндәге һәрбер әгъза үзенә тиешле витаминны ала.

Ураза тоту, сер түгел, кешегә ниндидер стресс бирә. Димәк, кайсыдыр бер урынны барыбер какшата. Менә шундый тетрәнү килеп чыкмасын өчен, алар тынычландыра торган чәйләр эчәр­гә киңәш итә. Ястү намазыннан соң да, сәхәр вакытында да шушы чәйне эчәсең. Иң әһә­миятлесе, көн буе ашаудан тыелып торганнан соң, ашказанын тутырмаска кирәк.

Тагын бер дөрес туклану ысулы бар. Бу шуннан гыйбарәт: һәр ризыкны организм аерым-аерым эшкәртергә тиеш. Әйтик, дөгене үзен генә ашау файдалы. Организм дөге эшкәртү өчен кирәкле сыекчаны эшкәртеп чыгара да үзенә кирәкле бөтен витаминны ала. Дөге янында ит була икән, димәк, организмга ике төр­ле сыекча бүлеп чыгарырга туры килә. Гадәттә, без болар белән генә чикләнмичә, ашказанына әллә ничә төрле ризык тутырабыз. Нә­тиҗәдә боларның күбесе эш­кәр­телми, әчеп ята. Билгеле, мондый хәл тәнебезгә авырлык, кыенлык бирә. Ураза тотып, чис­тарып, бөтен авырлык­лардан арынасы, бераз ябыгасы урында, хәлсез­ләнеп, хәтта чир­ләп тә китәбез. Дөрес тукланмау нәти­җә­се бу. Дөрес туклансак, ураза вакытында тәнне бөтен шлак­лардан арындыра, пакь­лән­дерә, җан­га да файда таба алабыз, – дип сөйләде ул безгә.

(Рәшит Минһаҗ/“Ватаным Татарстан”, /№ 66, 09.05.2019/)

Фото: пиксабай

Запись “Уразада шуның белән чик­ләнергә, башка ризык ашамаска кирәк” впервые появилась Tatar Today - татар яңалыклары..

“Нәүәйтү ән әсуумә саумә шәһри рамәдаанә минәл-фәҗри иләл-мәгъриби хаалисан лилләһи Тәгалә. Әмиин”.

“Аллаһ Тәгалә өчен ихласлык белән, таң вакытыннан башлап кояш батканчыга тикле, Рамазан уразасын тотарга ният кылдым.

Кояш баеп, ураза тәмамлангач, укый торган дога:

“Әллаһүммә ләкә сумтү үә бикә әәмәңтү үә галәйкә тәүәккәлтү үә галәә ризкыйкә әфтартү фәгъфирлии йәә гаффаарү мә каддәмтү үә мәә әххәртү”.

“Аллаһым, шушы уразамны Синең өчен тоттым, Сиңа гына иман китердем һәм мин Сиңа тәвәккәл иттем. Синең ризалыгың белән авыз ачам. Гөнаһларны гафу итүче Аллаһым, минем әүвәлге гөнаһларымны да, киләсе гөнаһларымны да ярлыка”.

Фото: пиксабай

Запись Сәхәр ашагач һәм авыз ачканда укыла торган ДОГАЛАР впервые появилась Tatar Today - татар яңалыклары..

Татарстан Республикасы мөселманнары Диния нәзарәте намаз вакытларын, төбәкнең географик үзенчәлекләрен исәпкә алып, астрономик хисаплар буенча билгеләргә дигән карарга килде, дип яза Татар-информ.

Кояш офык артына күмелгәч, ул горизонттан югала. Кояш тирәнгәрәк бата барган саен, безгә күренгән шәфәкъ кызыллыгы да кими бара һәм бер арадан соң офыкта әүвәл шәфәкъ кызыллыгы, аннары аклык бетә. Шуңа күрә, иртәнге якта кояш 18 градуска җиткәч, таң беленә башлый, 15 градус чамасында кызыллык хасил була. Кич белән киресенчә, 15 градуска җиткәч – шәфәкъ кызыллыгы, 18 градуста шәфәкъ аклыгы бетә.

5 майдан август башына кадәр, безнең җирлекнең табигый үзенчәлеге буларак, шәфәкъ аклыгы иртәнге таң белән кушыла. Димәк, төн дәвамында аклык бетми һәм ястү намазының башын, шулай ук иртәнге намазның башын астрономик исәпләү белән билгеләп булмый.

Ястү намазы кояш баегач, 1 сәгать 30 минуттан соң, ә сәхәр тәмам һәм иртәнге намаз керү вакыты кояш чыгарга 2 сәгать алдан дип билгеләнде.

Фото: пиксабай

Запись Игътибар: Татарстанда намаз вакытлары үзгәрә впервые появилась Tatar Today - татар яңалыклары..

Рамазан кайчан керә? Рамазан-шәриф аеның беренче көне – 6 нчы майда.

Беренче тәравих намазы кайчан укыла? Беренче тәравих намазы Татарстан мәчетләрендә 5 нче майда укылачак.

Тәравих намазы ничек укыла? Тәравих намазы 20 рәкәгать итеп укыла.

Ураза ничә көн дәвам итәчәк? Ураза быел 29 көн дәвам итәчәк.

Ураза гаете кайчан җитә? Гает намазы – 2019 елның 4 июнендә.

Фитыр, фидия һәм нисаб күләмнәре нинди? Фитыр сәдакасының минималь күләме – 100 сум, зәкят чыгаручыларга – 600 сум. Сәламәтлеккә бәйле рәвештә ураза тоту хәленнән килмәгән һәм аны башка вакытта каза кыла алмаучылар өчен һәрбер калдырылган көнгә фидиянең күләме – 200 сум.

Зәкят түләү өчен нисаб күләме – 230 мең сум.

Рамазан аенда Татарстанда нинди күркәм вакыйгалар көтелә? Игътибардан читтә калдырмагыз!

Рамазан аеның беренче көнендә “Дарул ифта”колл-үзәге эшли башлаячак.

Быел беренче тапкыр Татарстан Республикасы мөселманнары Диния нәзарәте “Түбәтәй” кафесы белән бергәлектә атналык тематик ифтарлар үткәрәчәк.

– 6 майда – “Рамазанга кердек”;

– 13 нче майда – “Хатын-кыз һәм Рамазан”;

– 20 нче майда – “Зәкят” фонды тәрбиясендә булган балалар өчен “Мин дә ураза тотам”;

– 27 нче майда – “Рамазан һәм Коръән”.

“Татлы Рамазан” промо-акциясе.

Хәйрия акцияләре:

– “Рамазан – изге гамәлләр ае” – 4 авыру балага акчалар җыю буенча чара;

– “Кәгазьгә яңа тормыш бүләк ит” чарасы авыру балаларга ярдәм итү йөзеннән макулатура җыюны күздә тота.

Бөек Ватан сугышы ветераннары өчен Казанда һәм Татарстан районнарында ифтарлар узачак.

Татарстанның барлык колонияләрендә көн саен ифтарлар оештырылачак, ураза тоту һәм гыйбадәт кылу өчен режим кертеләчәк, бәйрәм гает намазлары үткәреләчәк.

Кукмара районында “Миңнегөл” мәчетен ачу планлаштырыла.

Алабугада хатын-кызлар һәм балалар өчен “Рамазан дәресләре” үткәреләчәк

Республика ифтары кайчан була? Быел VII Республика ифтары 25 майда “Казан Арена” стадионында үткәреләчәк: намаз уку һәм авыз ачу өчен 15 мең кеше җыелачак.

Республика ифтарын уздыруга ничек өлеш кертергә?

– VII Республика ифтарына үзеннән өлеш чыгарырга теләүчеләр 7715 номерына “Ифтар” сүзен язып смс җибәрә ала. Смс бәясе – 50 сум (элемтә операторының тарифына бәйле). Ураза тотучы кардәшен авыз ачтырасы килгән һәркем шушы исәптән һәм күбрәк күләмдә дә 7715 номерына смс җибәрә ала. Мисал өчен, “Ифтар 500” яки “Ифтар 1000”.

– iftar.tatar сайты аша финанс ярдәмне популяр акча күчерү системалары аша башкарырга мөмкин: MasterCard, VISA, Яндекс.Деньги.

Казанда һәм Татарстанда ифтарлар кайда узачак?

Татарстанның күпләгән зур мәчетләре халыкның мохтаҗ, аз керемле, күп балалы, сәламәтлеге чикле булганнарга ярдәм итүне максат итеп, авыз ачу мәҗлесләре – ифтарлар уздырачак. Сезнең игътибарыгызга Казан һәм Татарстан Республикасының зур шәһәр мәчетләре исемлеген тәкъдим итәбез. Аларга теләгән һәркем килә ала. Бары Казанда гына кырыклап мәчеттә ифтарлар узачак. Ифтарларны үз исемеңнән оештыру өчен күрсәтелгән мәчетләрнең имамнарына мөрәҗәгать итәргә мөмкин.

Казан шәһәре Вахитов һәм Идел буе районы мөхтәсибәте:
Көн саен
1. Ислам динен кабул итүгә 1000 ел исемендәге Кабан арты мәчете Казан, Һади Такташ урамы, 26
2. Гадел Казан, Оренбург проезды, 193
3. Әл-Мәрҗани Җәмигъ мәчете Казан, Каюм Насыйри урамы, 17
4. Туган авылым Казан, Туфан Миңнуллин урамы, 14е
5. Шамил Казан, Борисковская урамы, 64
6. Ризван Казан, Хөсәен Мәүлетов урамы, 48а
7. Өмет Казан, Дачная урамы, 3а
8. Тынычлык Казан, Мелитопольская урамы, 15
9. Ал Казан, Мәҗит Гафури урамы, 67
10. Зәңгәр Казан, Сара Садыйкова урамы, 8
11. Хөзәйфа Казан, Юлиус Фучик урамы, 52

Казан шәһәре Совет районы мөхтәсибәте
Көн саен
1. Коддус Казан, Яснополянский тыкрыгы, 16
2. Гаилә Казан, Җәүдәт Фәйзи урамы, 2
3. Дин Ислам Казан, Чишмәле урамы, 17а
4. Иман нуры Казан, Дорожная урамы, 32а
5. Бистә Нуры Габделгалләм Казан, Пионерская урамы, 5
6. Ислам Казан, Вяземская урамы, 28
Мөмкинлеккә карап ике көнгә бер, өч көнгә бер тапкыр үткәрәләр
7. Зәйнулла Казан, Саф урамы, 41
8. Ибраһим Казан, Локаторная урамы, 33б
9. Мәдинә Казан, Курчатов урамы, 4а
10. Шәрәфетдин Казан, Ягодная урамы, 6д
11. Әхтәм Казан, Мирская Амира урамы, 15
12. Мөслимә Казан, 1 нче Нокса урамы, 31
13. Бохара Казан, Бухарская урамы, 3а
14. Ислам Нуры Казан, Тынычлык урамы, 5а/1

Казан шәһәре Киров һәм Мәскәү районы мөхтәсибәте
Көн саен
1. Ярдәм Казан, Серов урамы, 4а
2. Миргазиян Казан, Декабристлар урамы, 111
3. Жомга Казан, Ильич урамы, 4
4. Рамазан Казан, Окольная урамы, 25 б
5. Әл-Ислах Яшел Үзән районы, Осиново авылы, Казанская урамы, 8а
Мөмкинлеккә карап ике көнгә бер, өч көнгә бер тапкыр үткәрәләр 
6. Бишбалта Казан, Клара Цеткин урамы, 14
7. Сөләйман Казан, Ютазинская урамы, 8а
8. Мәүлид Казан, Селянская урамы, 23
9. Азатдин Ирек Казан, Лагерная урамы, 111

Казан шәһәре Авиатөзелеш һәм Яңа Савин районы мөхтәсибәте
Ифтарлар көн саен уза
1. Нур-әл-Ислам Казан, Бигиев урамы, 36
2. Казан нуры Казан, Фатыйх Әмирхан урамы, 3
3. Салихҗан Казан, Бестужев урамы, 66а
Мөмкинлеккә карап ике көнгә бер, өч көнгә бер тапкыр үткәрәләр
4. Фатиха Кадыш бистәсе, Рихард Зорге урамы, 2а
5. Кыйбла Щербаков бистәсе, Молодежная урамы, 1а
6. Өмет Борисоглебск бистәсе, Школьная урамы, 4а

Чаллы мөхтәсибәте
Мөмкинлеккә карап ике көнгә бер, өч көнгә бер тапкыр үткәрәләр
1. Тәүбә Чаллы шәһәре, ГЭС эшчеләр поселогы, Үзәк урам
2. Ихлас Чаллы шәһәре, Сидоровка поселогы
3. Рамазан Чаллы шәһәре, Касыймов бульвары, 17
4. Әбүзәр Чаллы шәһәре, ЗЯБ, Крупской, 14а
5. Кәүсәр Чаллы шәһәре, Яңа шәһәр, 32/24а
6. Чишмә Чаллы шәһәре, Абдулла Алиш урамы, 8
7. Утыз Имәни Чаллы шәһәре, Аэродром урамы, 20

Түбән Кама шәһәре һәм Түбән Кама мөхтәсибәте
1. Җәмигъ Түбән Кама шәһәре, Химиклар проспекты, 59
2. Нур Түбән Кама шәһәре, Менделеев урамы, 12а
3. Кызыл Чишмә бистәсе Түбән Кама районы, Кызыл Чишмә бистәсе

Яшел үзән мөхтәсибәте
Көн саен
1. Тарихи Яшел үзән шәһәре, Волгоградская урамы, 48
Мөмкинлеккә карап ике көнгә бер, өч көнгә бер тапкыр үткәрәләр
2. Җәмигъ Яшел үзән шәһәре, Гоголь урамы, 19
3. Тынычлык Яшел үзән шәһәре, Столичная урамы, 2в
4. Сәфәр Казан, М7 федераль трассасы 790 км, 1б

Фото: пиксабай

Запись Рамазан-2019: төп сорауларга җавап впервые появилась Tatar Today - татар яңалыклары..

Сезгә Рамазан аен каршылау өчен файдалы киңәшләр тәкъдим итәбез:

– Һәр эш нияттән. Ниятең нинди – әҗере шундый. Бу Рамазанны әзерлек белән сөенеп каршыларга, кулдан килгәнчә файдалы итеп үткәрергә ниятлибез!

– Рамазан җитүгә ничә көн калуын исәпләп барыйк. Язып исәплибезме, хәтердәнме – монысы мөһим түгел. Бу очракта безнең эчке халәтнең дә ураза җитүен аңлавы, аңа ияләнүе мөһим. Өйдә, дуслар белән бу хакта сөйләшик, бу теманы телдә дә, күңелдә дә җанландырыйк;

– Ураза – Аллаһы Тәгаләгә күңел белән дә, тән һәм сәламәтлек белән дә гыйбәдәт кылу. Һәр сынауга акыллы кешеләр алдан әзерләнә. Организмны уразага әкренләп әзерлик. Җәйге озын көннәрдә кисәк кенә ашамый-эчми тора башлау тискәре нәтиҗә дә бирергә мөмкин. Пәйгамбәребез с.г.в. сүзләрен искә төшерик: ул безгә һәр айда 3 көн ураза тотарга киңәш итте;

– Рамазан ае турында белемнәрне арттырыйк. Бу безгә бөтен гыйбәдәтләрне дә дөрес итеп башкарып чыгарга ярдәм итәр. Изге айның үзенчәлекле яклары, ураза тотуның үз кагыйдәләре бар. Кызыксындырган сорауларны китаплардан эзлик, белгән кешеләрдән сорыйк;

– Рамазан башланганчы күңелне дә изге, яхшы гамәлләр кылырга әзерләргә кирәк. Коръән уку, өстәмә нәфел намазлар, сәдака өләшү, мәчеткә бару, ярдәм сораучыларга булышу, ачык йөзле, матур сүзле булырга тырышу – боларны бүгеннән үк эшли башласак ярый. Аллаһ изгелек эшләүчеләрне ярата!

– Ай буена план төзик. Бу безгә файдалы эшләрне вакытында башкарырга, барысына да өлгерергә булышыр. Коръән уку, таравих намазларын, ифтарга кунаклар чакыру һ.б.ны планга кертергә була. Иң элек эшлисе эшләрне, аннары бу эшләргә ирешү юлларын барлыйбыз. Иң мөһиме реаль максатлар кую. Безнең тормыш Рамазан җитү белән бөтенләй башка борылыш алырга тиеш түгел. Бу эшләрне ураза беткәч тә акрынлап көндәлек тормышка кертерлек булсын. Йоклар алдыннан иртәгәге көнне планлаштыруны гадәткә кертеп карыйк;

– Уразага мораль яктан да әзерләник. Ураза – ашау-эчүдән генә тыелу дигән сүз түгел. Сабырлыкны арттырырга, хисләрне йөгәнләргә, әйтәсе сүзне әйтер алдыннан уйларга өйрәнергә кирәк. Ялган, гайбәт сөйләмибезме, кеше тикшермибезме, алдаламыйбызмы? Телебезне һәр секунд саен контрольдә тоту – никадәр авыр һәм файдалы хезмәт;

– Начар гадәтләр белән бүгеннән үк саубуллашырга тырышыйк. Йокыга соңга калып ята торган гадәтегез бар икән, әкреләп иртә ятарга күнегик. Озак вакыт социаль челтәрләрдә утырабыз икән, кирәк вакытта интернетны сүндереп куя белергә өйрәник һ.б. Әлбәттә күнегелгән гадәтләрдән арыну әйтергә генә җайлы, эшләгәндә бик авыр. Тик боларны изге айга керер алдыннан чиста ният белән башкару – иң кулай вакыт;

– Әгәр дә ниндидер авыруыбыз бар яки күптән түгел генә авырып терелгәнбез икән, уразага кергәнче һичшиксез табиб белән киңәшләшү кирәк. Ашказаны, гастрит кебек авырулар булганда ФГДС, УЗИ, шикәргә кан тапшырырга кирәк,- ди белгечләр. Бүгенге заманда организмыңның халәте турында белү бик җиңел. Һәрвакыт ашап торуны таләп итүче авырулар бар. Сәламәтлекне куркыныч астына куярга ярамый! Бу очракта фанатизм яхшыга алып бармый! Аллаһ бездән булдыра алмаганны таләп итми һәм ул авыручыларга, йөкле хатыннарга, хәлсез картларга, юлда булучыларга җиңеллек бирә. Ә бу җиңеллектән файдалану – безнең бурыч.

Рамазан аенда иман нәрсә белән сынала? Тәм-томнар белән тулы өстәл, йомшак урын-җирдә ятып ял итү беләнме? Юк! Бу айда иман сабыр итү, нәфесне тыя белү белән сынала. Һәм Аллаһы Тәгалә безнең сабырлыкка һичшиксез әҗерен бирәчәк.

Татар-ислам
Фото: Otyrar.kz

Запись Рамазан аена ничек әзерләнергә? [киңәшләр җыелмасы] впервые появилась Tatar Today - татар яңалыклары..

Мөселман айларының башын һәм ахырын билгеләгән вакытта Диния Нәзарәтенең Голәмаләр шурасы Татарстан җирлегенең географик үзенчәлекләренә һәм астрономия фәне мәгълүматларына таяналар, дип хәбәр итә dumrt.

Шулай итеп, 2019 елда Рамазан-шәриф ае 6 майда (дүшәмбе) башланып китәчәк һәм 29 көн дәвам итәчәк. 4 июнь (сишәмбе) – Ураза бәйрәме. Рамазан аенда ихлас күңелдән кылган дога вә ялвару, тәүбә вә истигъфар кабул кылынуы күп дини чыганакларда әйтелә.

Татарстан мөселманнары өчен тагын бер бөек бәйрәм – Корбан гаете 11 августка (якшәмбе) туры килә.

Моннан тыш, Аллаһы Тәгалә, Үзенең ризалыгын алу өчен, изге айлар һәм мөбарәк кичәләрне бар кылган. Бу көннәрдә күпләп догалар, тәүбә-истигъфар кылына, сәдакалар бирелә. Рәгаиб, Мигъраҗ, Бәраәт кичәләре, Гарәфәт һәм Гашурә көне, Мәүлид ән-Нәби даталары белән сайтыбызда “Файдалы мәгълүмат” бүлегендә таныша аласыз.

Фото: Яңарыш

Запись 2019 елга мөселман бәйрәмнәре календаре игълан ителде впервые появилась Tatar Today - татар яңалыклары..

Мөселман бәйрәменең аерылгысыз өлеше – Коръән уку һәм шуңа күрә иртә таңнан Коръән-хафизлар Кәлам-шәрифтән аятьләр укыдылар, ә мөселманнар дога кылдылар, зикер әйттеләр. Бәйрәм сөенечен бүлешергә республика өммәте белән бергә Казанның тарихи мәчетенә бүген Татарстан Президенты Рөстәм Миңнеханов та килде. Мөхтәрәм кунаклар арасында шулай ук ТР Президенты Аппараты җитәкчесе Әсгать Сәфәров, Казан мэры Илсур Метшин һәм башкалар бар иде.

Галиев мәчетендә гает 6.40 сәгатьтә башланды. Камил хәзрәт РФ Президенты Владимир Путинның һәм Татарстан Президенты Рөстәм Миңнехановның котлау сүзләрен җиткерде.

Үзенең рәсми мөрәҗәгатендә Россия Президенты Владимир Путин болай дип билгеләп уза: “Күп еллар Россиянең мөселман оешмалары ил тормышында һәм җәмгыятьтә эшлекле катнашалар, гаилә институты һәм гаилә кыйммәтләрен саклау мәсьәләләренә, хәйриячелек һәм мәгърифәтчелек эшләренә даими игътибар бирәләр. Милләтләр һәм диннәр арасында тынычлыкны саклауны кайгырталар. Шунысы мөһим: бабаларының гореф-гадәтләренә һәм традицияләренә яшьләр дә тартыла. Мондый хәрәкәтчән эш иң тирән хөрмәткә һәм хуплауга ия”.

“Бу көннәрдә миллионлаган мөселман якты сөенеч һәм канәгатьлек хисләре кичерә, Аллаһы Тәгаләгә аның чиксез рәхмәт-мәрхәмәте өчен олылау сүзләре белән мөрәҗәгать итә. Коръән Кәрим кушканнарын төгәл үтәп, изге Рамазан ае дәвамында ураза тотып, мөэминнәр ихлас догалары белән җаннарына сафлык өстәде, өммәтнең әхлакый нигезләре тагын да ныгуга үз өлешен кертте, – диелә Рөстәм Нургали улы Миңнехановның мөрәҗәгатендә. – Татарстанда Ураза гаетен бәйрәм итүдә ата-бабаларыбызның күпгасырлык дини, рухи традицияләре чагылыш таба. Алар дуслык һәм татулык идеяләренә, туган телгә, бай мәдәниятебезгә ихтирамлы карашларга нигезләнгән. Республикабызда мөселманнарның хәйриячелек һәм иганәчелек рәвешләре елдан-ел төрлеләнә баруы, аларның халыкның киңрәк катлавына игелекле эшләр кылуы гаять куанычлы күренеш. Бик күп урыннарда авыз ачу мәҗлесләре уздырыла. Республика ифтарына гына да ун меңгә якын кеше җыелды”.

Татарстан Президенты шулай ук “бик күп милләт һәм төрле дин тотучылар вәкилләре дус-тату гомер кичергән Татарстанда Ураза гаете – аеруча зурлап уздырыла торган бәйрәмнәрнең берсе” булуын билгеләп үтә. “Шунысы да мөһим: быел үзенчәлекле рухи традицияләребез белән Футбол буенча дөнья чемпионаты кунаклары да таныша алачак”.

Алга таба Татарстан мөселманнары башлыгы Камил хәзрәт Сәмигуллин мөселманнарга вәгазь белән мөрәҗәгать итте, Изге Рамазан аеның һәм ураза тотуның зур әһәмиятен билгеләп үтте, Коръән аятьләре һәм хәдисләр китерде. Асылда ул шуларны искә төшерде: “Аллаһы Тәгалә әйтә: «Әй, иман китергән кешеләр, сездән алдагы кавемнәргә фарыз булган кебек, сезгә дә ураза фарыз булды, уразаларыгызны тотыгыз, шаять тәкъвалылардан булырсыз». Мөфти шулай ук гөнаһларның гафу ителүе турында хәдис китерде: «Кем иманлы булган хәлдә, әҗерен Аллаһы Тәгаләдән өмет итеп, Рамазан уразасын тотса, шуның элекке гөнаһлары гафу ителер». Бу – Раббыбыз безгә ачкан капка!

Алга таба Камил хәзрәт Уразаның файдасы турында сөйләде, “ул бу дөньяда сәламәтлек өчен файдалы булса, ә ахирәттә аның өчен бөек әҗер көтә. Ураза ул яшәү көчен бетерү, тәнне зәгыйфьләндерү өчен түгел. Киресенчә, ул организмны ныгыту, ихтыяр көчен арттыру, теләк һәм инстинктлар белән идарә итәргә өйрәтү өчен”. “Ураза өч дәрәҗәгә ия: гади кешеләр уразасы ризыктан, судан һәм якынлык кылудан тыелу белән аерылып тора. Әмма уразаның иң югары баскычы булып калебне Аллаһы Тәгаләдән башка читкә этәрүче төрле фикерләрдән саклану тора”. Мөфти мөселманнарны шәүвәл аенда да ураза тотарга чакырды – Рамазан ае уразасын тотканнан соң өстәмә рәвештә алты көн ураза тоту бертуктаусыз ел дәвамында ураза тотуга тиң була. “Ураза безнең нәфесебезне – шайтанның шәкертен тәрбияли”, – диде ул.

Камил хәзрәт үзенең вәгазендә шулай ук мөселман өммәтенә шундый сүзләр белән мөрәҗәгать итте: “Мөселманнар бердәм булырга тиеш. Безнең бүлешер әйберебез юк: динебез бер, Китабыбыз бер, милләтебез, традицияләребез, телебез бер. Без аларны сакларга тиешбез, чөнки алар безнең динебезне саклыйлар”. Хәзрәт шагыйрь Рәсүл Гамзатовның шигыреннән юллар китерде: “Әгәр иртәгә минем телем юкка чыкса, мин бүген үләргә әзер”.

Хәзрәт үзенең бәйрәм вәгазе ахырында ассызыклады: “Чынлыкта гает бәйрәме ул – яңа кием киючегә түгел – хакыйкатьтә ул газаптан куркучыга бәйрәм, гает бәйрәме ул яхшы транспорт белән килүчегә чын бәйрәм түгел – гает ул гөнаһларны калдыручыга чын бәйрәм. Гает ул яңа келәмнәр җәючегә түгел – гает ул сират күперен чыга алырлык гамәл кылучыга, гает ул дөнья зиннәтеннән матур кием киючегә түгел – чын гает ул тәкъвалыкка ирешә алган кешегә, гает ул төрле төсле зиннәткә караучыга түгел – гает ул кыямәт көнендә Аллаһка карауга ирешә алучыга”.

Бәйрәм тантанасы җәмәгать белдн гает намазы уку, тәкбир әйтү, хөтбә уку белән дәвам итте. Аннары Татарстанның баш казые Җәлил хәзрәт Фазлыев дога кылды, ул Аллаһы Тәгаләдән илебезгә һәм республикабызга иминлек, татулык сорады.

Шунысы игътибарга лаек, Ураза бәйрәмен билгеләп үтү бүген көн дәвамында Татарстан Республикасының барлык мәчетләрендә дә дәвам итә. Мисал өчен, Казанның “Тынычлык” мәчетендә балалар өчен Ураза бәйрәме узачак. Яшь кунакларны биредә 15 сәгатьтә көтеп калалар һәм аларны карусель, паровоз, батут белән сөендерәчәкләр… Ә менә 21.30 сәгатьтә барлык мөселманнар яраткан бәйрәмне бәйрәм салюты белән озатачаклар!

Казанның “Калейдоскоп” паркында Татарстан мөселманнары Диния нәзарәтенең Казан шәһәре Вахитов һәм Идел буе районы мөхтәсибәте шәһәр кешеләре һәм башкала кунаклары өчен гаилә бәйрәме оештыра. Биредә балаларның чыгышлары, уеннар һәм конкурслар көтелә. Чара 14.00 сәгатьтә башлана. Казанның “Гаилә” мәчете (Фәйзи урамы, 2) шулай ук казанлыларны һәм башкала кунакларын 13.00 сәгатьтә башланачак гаилә бәйрәменә чакыра. Вороновский бистәсендә бәйрәм “Сабырлар” мәчетендә узачак. Программада: спорт ярышлары, интеллектуаль уеннар, мавыктыргыч мастер-класслар, чәй эчү һәм “шеф-повар”лардан сюрпризлар һәм башкалар. Чара 13.00 сәгатьтә башлана.

Татарстан районнарында да Ураза бәйрәмен матур итеп үткәрәчәкләр. Татарстанның Бөгелмә шәһәре һәм Бөгелмә районы мөхтәсибәте шәһәрнең балалар паркында гадәти булмаган һәм бай программа әзерли: кунакларның, мөнәҗәт һәм нәшид башкаручыларның чыгышлары, милли көрәш буенча ярышлар, армрестлинг һәм армлифтинг, «Ramadan bazar» исемле хәләл ярминкә. Моннан тыш, барлык кунакларны бәйрәм пылавы көтә. Мөселман бәйрәмендә катнашучы иң кечкенә кунакларны комик фокусчы һәм шаян клоун шатландырачак. Ягымлы пони балаларны парк буенча алып йөртәчәк. Сабыйлар сабын, ут һәм төтен куыклары очыртудан уңай хис-кичерешләр алачак. Бәйрәмдә яшь катнашучылар асфальтта рәсемнәр ясау буенча “Нарисованный мир” конкурсында, “Веселые старты” ярышында, интеллектуаль викторинада белемнәрен тикшерә, аквагрим ярдәмендә яраткан мультфильм геройлары була алачак. Бәйрәмдә катнашучы сабыйларның күңеленә хуш килерлек тәэсирләрне мастер-класслар һәм шарлардан “Твистинг” фигуралары бүләк итәчәк. Балалар өчен иң татлы бүләк – туңдырма. Ә курчаклар белән фотосессия балаларның Ураза бәйрәмен истә калдырырга ярдәм итәчәк. Бөгелмәдәге 2018 елның Ураза бәйрәменең кульминациясе – бәйрәм фейервейкы. Бәйрәм 15.00 сәгатьтә башлана.

Мөслимдә Ураза бәйрәмен “Кояшлы Ык” ял итү паркында 13.00 сәгатьтә башлап җибәрәчәкләр. Гаилә бәйрәме 21сәг.30мин кадәр дәвам итәчәк һәм Җәмигъ мәчете янында күккә салют җибәрү белән йомгакланачак.

Зәй шәһәренең Үзәк мәчете мәйданында иртәнге сәг 9.00да Ураза бәйрәме уңаеннан балалар өчен хәйрия бәйрәме оештырыла. Мөхтәсибәт нәни мөселманнар өчен кечкенә атларда йөрү, күңел ачу уеннары үткәрә. Шулай ук сабыйларны тәмле пылау һәм баллы мамык белән сыйлаячаклар.

Зәй районында Ураза бәйрәмен билгеләп үтү 17 июньдә дә дәвам итәчәк һәм Иске Зәйнең “Билал” мәчетендә балалар өчен мөселман бәйрәме узачак. Яшь кунаклар өчен көннең беренче яртысында викторина, күмәк конкурс һәм уеннар оештырылса, өйлә намазыннан соң кечкенә мөселманнар пылау ашап, татлы ризыклар белән чәйләп алачак. Барлык катнашучыларны да бәйрәм күчтәнәчләре көтә. Бәйрәм сәг. 10.00 башлана.

Кукмарада 15 июнь көнне мөхтәсибәт һәм муниципаль район администрациясе Үзәк мәчет янында урнашкан ял итү мәйданында район халкын Ураза бәйрәменә чакыра. Кукмаралыларны төрле күңел ачу программасы, балалар өчен иҗади конкурслар һәм уеннар, спорт ярышлары, мастер-класслар, күргәзмә узачак. Конкурсларда катнашучыларны бүләкләр көтә. Кунаклар бәйрәмдә кайнар коймак һәм татлы ризыклар авыз итәчәкләр.

Яр Чаллыда Ураза бәйрәме иртәнге сәг. 8.00дә гает намазыннан соң үк башланып китәчәк. Мөхтәсибәт шәһәр халкын мөселман бәйрәменә Чаллының Хәләл үзәгендә Яңа шәһәр, 27/09А адресы буенча көтеп кала. Бәйрәм кунакларын тәмле майлы пылау, спорт ярышлары, конкурслар, ә балаларны шикәр мамыгы, аниматорлар, батут һәм бик күп башка кызыклы уеннар көтә. Ураза бәйрәме Чаллыда “Җәмигъ”, “Рамазан”, “Ихлас”, “Туфан”, “Кәүсәр”, “Чишмэ”, “ГЭС”, “Нур-Ихлас”, «Абузәр», «Сөембикә», «Утыз Имәни» һәм мәчетләрендә 16 һәм 18 июнь көннәрендә дәвам итәчәк.

Әлмәттә балалар өчен мөселман бәйрәме “Татарстан нефтенең 60 еллыгы” исемендәге паркта 13.30сәг. башланачак. Саба районы мөселманнары Шәмәрдән бистәсендә гает бәйрәменә мәдәният йортында 16.00сәгатьтә җыелачак. Кунакларны уеннар, татлы күчтәнәчләр, бүләкләр белән сөендерәчәкләр.

Менделеевск шәһәренең Үзәк мәчетендә балаларны сәг 9.00да көтеп калалар. Монда аларны төрле уеннар һәм хәйрия ярминкәсе каршы алачак. Нәни кунаклар өчен аниматорлар, сабын куыклары тамашасы, батут, аттракционнар, кечкенә атта йөрүләр, төрле сынау ярышлары булачак.

Аксубай мөхтәсибәте “Хуш, Рамазан!” дип исемләнгән бәйрәмгә чакыра. Үзәк мәчет мәйданында уен, конкурслар, квестлар, аттракционнар, батут куелачак. Сабыйларга тутырылган һава шарлары, татлы шикәр мамыгы, бүләкләр биреләчәк һәм пылау әзерләнәчәк.

Буа мөхтәсибәте гаиләләрне 15 июньдә сәг. 10.00да Ураза бәйрәменә «Хаҗилар» мәчете мәйданында көтә. Программада балалар өчен батут, хәрәкәтле уеннар, баллы мамык, поп-корн, пылау пешерү каралган.

Алабугада Ураза бәйрәме уңаеннан мөхтәсибәт барлык шәһәр һәм район халкын гаилә бәйрәменә 25 июньдә Җәмигъ мәчете янында урнашкан “Мәйдан” паркында көтүен хәбәр итә. Мөселман бәйрәме кунакларын шулай ук төрле уеннар, конкурс, мастер-класслар белән куандырачаклар. Балалар өчен аниматорлар чакыру, бәйрәм күчтәнәчләре һәм бүләкләр тарату күздә тотыла.

Ураза бәйрәме уңаеннан мәдәни-массакүләм чаралар республиканың Норлат, Мамадыш һәм Татарстанның башка районнарында да узачак. Мөселман бәйрәмнәренә рәхим итегез!

Запись Ураза бәйрәменә Татарстан мәчетләрендә салют атачаклар впервые появилась Tatar Today - татар яңалыклары..

Авыз ачу мәҗлесләрендә гомуми катнашучыларның саны 3000 кешегә җитәр дип күзаллана. Ифтарлар “Борнай”, “Миргазиян”, “Гаилә”, “Кабан арты”, “Ярдәм”, “Тынычлык” мәчетләрендә, “Мөхәммәдия” мәдрәсәсендә, Россия ислам институтында узачак.

Һәрбер теләгән кеше ифтарларны оештыруда катнаша ала. Мәҗлесләрне үткәрү өчен сәдакаларны күчерү буенча 225-33-22 телефонына шалтыратырга мөмкин.

Запись “Зәкят” хәйрия фонды 3000 кешегә ифтарлар үткәрә впервые появилась Tatar Today - татар яңалыклары..

Казанда кырыктан артык мәчеттә ифтарлар уза. Моннан тыш, ифтар мәҗлесләрен үз исемеңнән дә үткәрергә була, чөнки ураза тотучыларны һәм мохтаҗларны тукландырган өчен зур саваплар бирелә. Аллаһы Илчесе салләллаһу галәйһи вә сәлләм хәдисендә әйтелгәнчә, “Рамазан аенда ураза тотучыны ашаткан кеше ураза тоткан кадәр савап алыр” диелгән. Ифтарлар оештыру өчен күрсәтелгән мәчетләрнең имамнарына мөрәҗәгать итәргә мөмкин.

Казан шәһәре Вахитов һәм Идел буе районы мөхтәсибәте:
1. Ислам динен кабул итүгә 1000 ел исемендәге Кабан арты мәчете Казан, Һади Такташ урамы, 26
2. Гадел Казан, Оренбург тракты, 193
3. Әл-Мәрҗани Җәмигъ мәчете Казан, Каюм Насыйри урамы, 17
4. Туган авылым Казан, Туфан Миңнуллин урамы, 14е
5. Шамил Казан, Борисковская урамы, 64
6. Ризван Казан, Хөсәен Мәүлетов урамы, 48а
7. Өмет Казан, Дачная урамы, 3а
8. Тынычлык Казан, Мелитопольская урамы, 15
9. Ал Казан, Мәҗит Гафури урамы, 67
10. Зәңгәр Казан, Сара Садыйкова урамы, 8
11. Хөзәйфа Казан, Юлиус Фучик урамы, 52

Казан шәһәре Совет районы мөхтәсибәте

Көн саен
1. Коддус Казан, Яснополянский тыкрыгы, 16
2. Гаилә Казан, Җәүдәт Фәйзи урамы, 2
3. Дин Ислам Казан, Чишмәле урамы, 17а
4. Иман нуры Казан, Дорожная урамы, 32 а
5. Бистә Нуры Габделгалләм Казан, Пионерская урамы, 5
6. Ислам Казан, Вяземская урамы, 28
Мөмкинлеккә карап ике көнгә бер, өч көнгә бер тапкыр үткәрәләр
7. Зәйнулла Казан, Саф урамы, 41
8. Ибраһим Казан, Локаторная урамы, 33б
9. Мәдинә Казан, Курчатов урамы, 4а
10. Шәрәфетдин Казан, Ягодная урамы, 6д
11. Әхтәм Казан, Мирская Амира урамы, 15
12. Мөслимә Казан, 1 нче Ноксинская урамы, 31
13. Бохара Казан, Бухарская урамы, 3а
14. Ислам Нуры Казан, Тынычлык урамы, 5а/1

Казан шәһәре Киров һәм Мәскәү районы мөхтәсибәте
Көн саен
1. Ярдәм Казан, Серов урамы, 4а
2. Бишбалта Казан, Клара Цеткин урамы, 14
3. Жомга Казан, Ильич урамы, 4
4. Рамазан Казан, Окольная урамы, 25 б
Мөмкинлеккә карап ике көнгә бер, өч көнгә бер тапкыр үткәрәләр
5. Әл-Ислах Яшел үзән районы, Осиново авылы, Казанская урамы, 8а
6. Сөләйман Казан, Ютазинская урамы, 8а
7. Миргазиян Казан, Декабристлар урамы, 111
8. Азатдин Ирек Казан, Лагерная урамы, 111
9. Мәүлид Казан, Селянская урамы, 23

Казан шәһәре Авиатөзелеш һәм Яңа Савин районы мөхтәсибәте

Ифтарлар көн саен уза
1. Нур-әл-Ислам Казан, Бигиев урамы, 36
2. Казан нуры Казан, Әмирхан урамы, 3
3. Салихҗан Казан, Бестужев урамы, 66а
Мөмкинлеккә карап ике көнгә бер, өч көнгә бер тапкыр үткәрәләр
4. Фатиха Кадышево поселогы, Рихард Зорге урамы, 2а
5. Кыйбла Щербаково поселогы, Молодежная урамы, 1а
6. Өмет Борисоглебское поселогы, Школьная урамы, 4а
7. Болгар Казан, Мусин урамы, 10

Чаллы мөхтәсибәте
Көн саен
1. Тәүбә Чаллы шәһәре, ГЭС эшчеләр поселогы, Үзәк урам
2. Ихлас Чаллы шәһәре, Сидоровка поселогы
Мөмкинлеккә карап ике көнгә бер, өч көнгә бер тапкыр үткәрәләр
3. Туфан Чаллы шәһәре, Төзүчеләр бульвары, 14а
4. Нур-Ихлас Чаллы шәһәре, Чулман проспекты, 108/5, 48/09
5. Рамазан Чаллы шәһәре, Касыймов бульвары, 17

Түбән Кама шәһәре һәм Түбән Кама мөхтәсибәте
1. Җәмигъ Түбән Кама шәһәре, Химиклар проспекты, 59
2. Нур Түбән Кама шәһәре, Менделеев урамы, 12а
3. Красный Ключ поселогы Түбән Кама районы, Красный Ключ поселогы

Яшел үзән мөхтәсибәте
Көн саен
1. Тарихи Яшел үзән шәһәре, Волгоградская урамы, 48
Мөмкинлеккә карап ике көнгә бер, өч көнгә бер тапкыр үткәрәләр
2. Җәмигъ Яшел үзән шәһәре, Гоголь урамы, 19
3. Тынычлык Яшел үзән шәһәре, Столичная урамы, 2В
4. Сәфәр Казан, М7 федераль трассасы 790 км, 1 Б

Запись Татарстанда ифтар уздыручы мәчетләр ИСЕМЛЕГЕ впервые появилась Tatar Today - татар яңалыклары..