Архивы Салават Фәтхетдинов - Tatar Today - татар яңалыклары.

Салават Фәтхетдинов Әнвәр Нургалиев белән дуэт җырлаудан баш тарткан

Р Л — Tue, 06 May 2025 13:10:19 +0000

Әнвәр Нургалиев белән уртак концерт куйганда Салават Фәтхетдинов үзе белән булган кызыклы хәлне искә төшергән.

Иң башта залда бер бала нидер кычкыра, “әти!” дип кычкырган кебек ишетелә.

Әти дип кычкыра дип торам, йөрәгем тотты, – ди Салават Фәтхетдинов, йөрәген тотып.
Балакаем, инде болай да, бер хатын чыгып куркытты. “Кызыңның исемен беләсеңме” дип башымны катырды. Тагын берне таптылар дип торам… – ди җырчы, берничә ел элек шундыйрак хәл булганга ишарә итеп. Тамашачы егылып көлә. Җырчы дәвам итә:

– Режиссер Марсель концерт алдыннан шалтырата – бәлки Әнвәр белән дуэт җырларсыз, ди. Мин әйтәм, безнең икебезнең ике тембр. Туры килми. Аның яшь тавыш. Ачырак. Минем гомумән ирләр белән дуэт җырлаганым юк. Бер тапкыр гына җырладым юләр чакта. Фирзәр Мортазин белән. 20 ел сөйләделәр моны кайсы кем икән, дип. Мин Фирзәргә әйтәм кайсы кем сораган кешегә син әйт, дип.

Салават Фәтхетдинов Фирзәр Мортазин белән “Пар балдаклар” җырын җырлаган иде. Аның бу җырын инде концертларда пародия кебек итеп күрсәтәләр. Яшь парлар җырлый торган җырны ике ир уртасы бер сәхнәдә бер-берсенә карап җырлау чыннан да бик көлке тоелган иде.

Сүрелмәсен иде бик тиз генә хисләр,
Пар балдаклар ныграк бәйләнсен.
Тапланмасын аклык, югалмасын сафлык,
Сөю гомерлеккә әйләнсен.

Әмма Салават үзенә карата пародияләргә көлеп кенә җавап бирде, бу чыгышыннан да аңлашылганча, ул үзеннән көлүчеләргә хәерхаһ мөнәсәбәттә.

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Салават Фәтхетдинов Әнвәр Нургалиев белән дуэт җырлаудан баш тарткан впервые появилась Tatar Today - татар яңалыклары..

Салават Фәтхетдинов авырый

Р Л — Fri, 02 May 2025 17:31:35 +0000

Татарстанның халык артисты Салават Фәтхетдинов авырый. Җитмәсә, хатыны Ләйсән янәшәсендә түгел икән. Аңа өлкән кызы Лиана белән хастаханә юлларында да йөрергә туры килгән. Бу хакта Лиана социаль челтәрләрдә хәбәр итте.

«Әнигә 3 көнгә үз эшләре белән китәргә генә кирәк иде, әти – минем «дүртенче балам» – авырып китте.

Әни белән видеоэлемтә аша сөйләшкәч үк әтинең хәле яхшырды. Эх, бу мәхәббәт! Барысын да терелтә!

Ә мин, үз чиратымда, әтине ышанычлы кулларга тапшыру өчен, түземсезлек белән әнинең тизрәк кайтканын көтәм», – дип сөйли ул.

ЧЫГАНАК: https://intertat.tatar/news/salavat-fatxetdinov-avyryp-kitkan-5872707

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Салават Фәтхетдинов авырый впервые появилась Tatar Today - татар яңалыклары..

Салават Фәтхетдинов чебигә төкереген эчертә: «Хатын-кызлар барысы да бертөсле!»

Р Л — Wed, 23 Apr 2025 06:35:45 +0000

Салават Фәтхетдиновның чебигә төкереген эчерткән видеосы укучыларына күптән тыңгылык бирми. «Балачакта сез дә шулай итә идегезме?» дип сораган җырчы.

Видеода Салават кулына чеби алып, төкереген эчертә. Аның шулай эшләгәнен карап торган якыннары сокланып карый – «Машалла», «Сөбхәналла». Җырчы чебинең токымын әйтә: «Китайская шелковистая». Болар !

«Әтәчләре булса ярар иде инде, атасы булса, ярар иде инде. Хатын-кызлар барысы да бертөсле!»

Постка йөзләгән комментарий язганнаралар. «Ми-ми-ми» видеога сокланучылар булган кебек, җырчы өчен борчылучылары да җитәрлек.

«Минем дэ шулай убэсем килеп китте», «балачак искә төште, йомшак, сары йомгак!», «Салаваттан мимими» дип сокланып, яратып язалар. «Төкереген эчертә», дип яза белгечләр.

Тәнкыйтьләүчеләре, киресен язучылар да җитәрлек. «Аннары суеп ашый», «Кош гриппы йоктыра күрмә», «Исләре китә артистларга, алар барысы да культуралы гына кесәгә керүчеләр», «»Үзе эшләсә бер хәл, хезмәтчеләр эшлидер», «Элек кызлар белән, хәзер чебигә калганмыни», дип тә язалар.

«Ирләр дә барысы да бертөрле, исемнәре генә төрле», – дип язган дөнья күргән бер хатын-кыз.

«Миһербанлы җан икәне күренеп тора!» дип яза бер укучы.

ТАТАР ТУДЕЙ ТЕЛЕГРАМ КАНАЛЫ – https://t.me/tatartoday

Запись Салават Фәтхетдинов чебигә төкереген эчертә: «Хатын-кызлар барысы да бертөсле!» впервые появилась Tatar Today - татар яңалыклары..

Камал театрының иске бинасы Салават Фәтхетдиновка бирелә?

Р Л — Sat, 19 Apr 2025 06:02:13 +0000

«БИЗНЕС Online» мәгълүматлары буенча, иске Камал театрында җырчы Салават Фәтхетдиновның төркеменә дә урын биреләчәк. Җырчы үзе “бина Салаватка бирелә” дигән сүзне кире каккан. Әмма анда аның җыр театрының офисы булачак һәм ул репетицияләр уздырырга мөмкинлек алачак.

«Безнең бит хәзер бинабыз юк, – дигән Салават үзе. Безгә җыелыр өчен почмак бирәләр. Быел күченәбез дип уйлыйм”.

Салават Фәтхетдинов фикеренчә, бина Тинчурин театрына бирелә. “Бу – бердәнбер дөрес фикер булыр иде”, дигән ул.

Мәдәният министрлыгы иске бинаны да яңасы кебек файдаланырга тели, күрәсең – бер бинага берничә оешманы кертәләр. Төп оешма Тинчурин театры булыр дип фаразлана.

ЧЫГАНАК: https://kam.business-gazeta.ru/article/669847

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Камал театрының иске бинасы Салават Фәтхетдиновка бирелә? впервые появилась Tatar Today - татар яңалыклары..

“Әтәчләренә гашыйк булдым” – Салават Фәтхетдинов хуҗалыктагы йорт хайваннарын, кош-кортларын күрсәтте [видео]

Рамиля Валиахметова — Tue, 04 May 2021 19:57:23 +0000

Татарстанның халык артисты Салават Фәтхетдинов инстачыларны үзенең хуҗалыгы белән таныштырды. Җырчы бозау, сарыклар, күркәләр, токымлы тавыклар белән әтәчләр асрый икән.

“Менә былтыр үзебез чыгардык, үзебез үстердек”,- дип сөенә Салават Закиевич күркәләрен күрсәтеп.

“Монда барысы да карап туймаслык”, “Әтәчләренә гашыйк булдым бит, бигрәк гайрәтлеләр, чибәрләр”, ” Куңелле сездә”, “Ферманны күптән күрсәткәнең юк иде, сагындырган”,- дип яза җырчының инстадуслары.

Чыганак: Инстаграм
Фото: Татар-информ

Запись “Әтәчләренә гашыйк булдым” – Салават Фәтхетдинов хуҗалыктагы йорт хайваннарын, кош-кортларын күрсәтте [видео] впервые появилась Tatar Today - татар яңалыклары..

Коронавирусның икенче дулкынын көтәргәме? [видео]

Рамиля Валиахметова — Mon, 31 Aug 2020 20:07:34 +0000

// Татар тудей // Татар бүген //

Роспотребнадзор башлыгы Анна Попова Россиядә COVID-19ның икенче дулкыны барлыкка килү мөмкинлеген бәяләде.

Хәзер ни генә булса да, әзер булып торырга кирәк. “Әмма барлык кирәкле кагыйдәләр үтәлсә, икенче дулкын булмаска да мөмкин”, дип билгеләп үтте Попова.

Бүген Татарстанның Кулланучылар хокукларын яклау һәм кеше иминлеге өлкәсендә күзәтчелек федераль хезмәтендә хәбәр итүләренчә, Республика көнен бәйрәм иткәннән соң коронавирус белән авыручылар санының артканмы, юкмы икәнен бер атнадан соң гына белергә мөмкин булачак.

Чыганак: Реальное время

Запись Коронавирусның икенче дулкынын көтәргәме? [видео] впервые появилась Tatar Today - татар яңалыклары..

Салават Фәтхетдинов Роберт Миңнуллинны искә ала, агач йорты, аты, иске-яңа җырлары, Рифат Зарипов [видео]

Лейла — Fri, 24 Apr 2020 13:44:26 +0000

23 апрель халык артисты Салават Фәтхетдинов Казан читендәге йортыннан Инстаграм бите аша онлайн концерт куйды. Салават абый баянчылары белән җырлады, Рифат Зарипов аны төшерде, тамашачылардан килгән теләк-сорауларны әйтеп торды. Салават абый халык шагыйре Роберт Миңнуллин җырын башкарып, аны якын итеп искә алды. Соңгы юлга озатырга барырга өлгерүен сөйләде.

Запись Салават Фәтхетдинов Роберт Миңнуллинны искә ала, агач йорты, аты, иске-яңа җырлары, Рифат Зарипов [видео] впервые появилась Tatar Today - татар яңалыклары..

Салават Фәтхетдинов, Илсөя Бәдретдинова үзизоляциядә тик ятмыйлар [видео]

Alina — Fri, 03 Apr 2020 07:16:00 +0000

Татар эстрадасы йолдызлары тик ятмый, ял көннәрен файдалы һәм кызыклы итеп уздыру белән мәш киләләр.

Салават Фәтхетдинов бөтен эш коралларын, тимер-томырларын җыештырып, ялт итеп куйган. Афәрин, Салават абый, ялны аны караватка ятып, бәлеш ашап кына да уздырып була. Тәртип һәм пөхтәлек буенча да син беренчелекне бирмисең!

View this post on Instagram

A post shared by Салават Закиевич Фатхутдинов (@salavat_fatkhutdinov_official)

Ландыш Нигъмәтҗанованың оста хуҗабикә икәнен һәркем белә. Балалары ишегалдында уйнап йөргәндә (капка төбенә чыкмыйлар, ди) ул өчпочмак өлгертә. Камыр рецепты белән ул инстаграмда бүлеште:

View this post on Instagram

A post shared by LandyshNigmatjanova (@landyshnigmatjanova)

Өчпочмак пешерү ЫСУЛЫ

1 пачка ак май (яртысын эретәбез, яртысы йомшак килеш кала)
1 стакан сыек май
2 стакан сөт
1,5 аш кашыгы шикәр комы
1 чәй кашыгы тоз
-1-2 аш кашыгы сметана
он
— Әйбәтләп басабыз, онлы да булмасын, кулга да ябышмасын
Камыры майлы булмый, кетертәп торачак, — дигән җырчы.

Баллыны бик яратмый торган Илсөя Бәдретдинова да торт рецепты белән бүлеште.

Әлбәттә, аның зифа буй-сынына аннан гына зыян килә торган түгел.

View this post on Instagram

A post shared by Ильсия Бадретдинова (@ilsiiabadretdinova)

Алинә Сафиуллина фитнес белән шөгыльләнеп ята. Янында улы ярдәм итеп йөри. Әле фудблогерлыкка да күчәргә уйлап тора ахыры ул.

View this post on Instagram

A post shared by ❤️Алина Сафиуллина певица РТ (@alina_safiulllina)

Кыскасы, өйдәге ялларны йолдызларыбыз файдалы итеп уздыра. Ә сез ничек уздырасыз, дуслар?

Мәгълүмат Ватаным Татарстан

Запись Салават Фәтхетдинов, Илсөя Бәдретдинова үзизоляциядә тик ятмыйлар [видео] впервые появилась Tatar Today - татар яңалыклары..

Рифат Фәттахов Салават һәм Элвин Грей турында: Революционерлар бер-берсен яратмый

Alfia — Tue, 17 Mar 2020 18:39:07 +0000

Продюсер Рифат Фәттахов Салават Фәтхетдинов белән Элвин Грей арасындагы низагның сәбәпләрен аңлатты. Бу хактагы фикерләрен ул татар җыры сәнгатенә багышланган халыкара фәнни-гамәли конференциядәге чыгышында әйтте.

«Безнең эстрадада шау-шу күтәргән бер мәсьәлә — Салават белән Элвин Грей арасындагы конфликтның яңадан кабынып китүе. Салават аңа „Так нельзя петь“ дигән иде. Күптән түгел „Надо мозги включать“ дигән. Элвин Грей бик эмоциональ җавап бирде. Аны өлкәннәрне хөрмәт итмәүдә дә гаепләделәр», — диде ул.

Рифат Фәттахов Салават Фәтхетдиновтан Рәшит Ваһапов турында бигүк матур булмаган сүзләр ишетүе турында да әйтте.

«Рәшит Ваһапов татар җыр сәнгатен югары профессиональ дәрәҗәгә күтәргән шәхес. Ул татар эстрадасында тарихи борылыш ясады. Ул — революционер», — диде ул.

«Сиксәненче-туксанынчы елларда Салават татар эстрадасына килеп, Ваһапов, Шакиров, Бигичев кебек титаннар салган юлны үзешчәнлеккә таба борып җибәрде. Бу да революция. Элвин Грей бөтенләй башка формация җырчысы. Ул татар-башкорт эстрадасында революция ясады», — дип дәвам итте ул.

«Ягъни, Рәшит Ваһапов, Салават Фәтхетдинов һәм Элвин Грейны берләштергән төшенчә — революция. Алар — революционерлар. Бер галим „Революционерлар бер-берсен күрәлмиләр“, дигән. Салават белән Элвин Грей арасындагы низагның фәнни-фәлсәфи, социаль нигезе менә шунда», дип нәтиҗә ясады Рәшит Ваһапов иҗатын пропагандалаучы продюсер.

Татарстан Фәннәр академиясендә «Рәшит Ваһапов исемендәге Халыкара татар җыры фестивале һәм татар җыр сәнгате: тарих баскычлары, бүгенге торышы һәм үсеш юллары» дигән халыкара фәнни-гамәли конференция үтте. Конференция программасына 29 чыгыш кертелгән иде. Чыгышлар җыентык булып басылачак.

Мәгълүмат: tatar-inform.tatar

Запись Рифат Фәттахов Салават һәм Элвин Грей турында: Революционерлар бер-берсен яратмый впервые появилась Tatar Today - татар яңалыклары..

“Аңларга һәм кабул итәргә кирәк” – Elvin Grey Салават Фәтхетдиновка җавап бирә

Alfia — Tue, 10 Mar 2020 17:42:12 +0000

// Татар Тудей // Татар Бүген //

Башкортстанның атказанган артисты Элвин Грей халык артисты Салават Фәтхетдинов тарафыннан үзе турында әйтелгән сүзләргә җавап бирде.

Салават Фәтхетдинов интервьюларының берсендә Элвин Грейга башны эшләтергә һәм гафу үтенә белергә кирәклеге хакында әйткән. Ләкин Радик Юльякшин нәрсә өчен гафу үтенергә тиешлеген аңламавы хакында яза. “Гафу үтенәм. Дөрес, нәрсә өчен икәнен генә аңламыйм”, ди ул.

“Хөрмәтле Салават абый, мин татар эстрадасындагы тәртипләрне бик яхшы аңлыйм һәм 30 елдан артык кем кагыйдәләренә таянып эш иткәнен беләм. Ләкин һәр кагыйдәдә искәрмәләр бар. Моны аңларга һәм кабул итәргә кирәк”, дип тәмамлый сүзен Элвин Грей.

View this post on Instagram

A post shared by Elvin Grey (@elvin_grey_music)

Мәгълүмат Элвин Грей инстаграмыннан

Запись “Аңларга һәм кабул итәргә кирәк” – Elvin Grey Салават Фәтхетдиновка җавап бирә впервые появилась Tatar Today - татар яңалыклары..